Mawan bila tani pura taya © 2004 Rose Goodman ulban. Pura taya ulbanka, Edwin B. Wallace. Merly Esenwein, Purara, wahya: 10, 12, 14,16, 27, 29, 39, 41, 42, 44, 46, 47 bara 48 nani ra sa.
The Way to God -
Miskito
Mawan bila tani pura taya © 2004 Rose Goodman ulban. Pura taya ulbanka, Edwin B. Wallace. Merly Esenwein, Purara, wahya: 10, 12, 14,16, 27, 29, 39, 41, 42, 44, 46, 47 bara 48 nani ra
sa.
GAD TASBA NA PASKAN BARA DIARA —1
SUT RAYAKA BRI NANI BA SIN.
“Gâd kau diara wala nani sut paskras kan ba tâura, kasbrika pura ba bara tasba ba wal pas paskan.” –Blasi Sturka 1:1
“Kraist bak, Gâd mita diara nani kasbrika purara bara tasba ra ba sut paskan.” –Kolosi 1:16a
“Dawan kasbrika purara bara ba tasba sin Papaskra ba, man nani ra ai yamnika ba maikbia! Kasbrika pura ba Dawan dukia sa; bara tasbaia ba upla ra yaban.” –Lawana Nani 115:15, 16
Tasba na kasak yamni pali kan Gâd mita waitna mihta ra yaban taim. Naha wauhkataya aisi kaiki nu taks dia takan ba.
GAD YAWAN WAN PASKAN. —2
“Baha ningkara Gâd win: ‘Kaisa yawan upla ba paskaia wan lilka ra. Yawan diara luki ba talia kat.” Bara kabu ra inska nani ba, kasbrika purara tnawira nani ba, daiwan tim nani tasba aiskara bara ba, daiwan wail nani bara daiwan tasba ra kwasi tauki nani ba sut purara [rul muni] Wihtka aimaki kabia.
–Blasi Sturka 1:26a
WAITNA BA RAYA KAIA SULKA KUM BRIN. —3
“Bara Dawan Gâd, upla ba tasba yuya wina paskan, bara rayakaia payaska [sulka] ba kakma unta nani ra puhbi dingkan. Baku sika upla ai rayaka ba brin.” –Blasi Sturka 2:7
“Ningkara Dawan Gâd win: ‘Yamni apia sa, upla ba yakan kaia ba; bamna witin wal baku ai helpka pana.’ Bara Dawan Gâd yapan tara kum upla ba purara yan balan; witin yapi kan bara, ai tnaya mina dusa kumi saki brin, bara ai watlika ra wîna ni prakan. Bara baha tnaya dusa, Dawan Gâd upla wina saki brin ba; baha ni mairin ba paskan. Bara witin ba upla ra bribalan.” –Blasi Sturka 2:18a, 21, 22
*Raya kaia sulka kum tanka ba, yawn ba ani ani pliska kum ra bankaiara ban iwi kabia.
ADAM BARA IB WAL GAD BILA LUI SAUHKAN. —4,5
Yawan nani ba Setan bila baikra ba walaia apia sa.
“Bamna Dawan Gâd, upla ba brin bara, Eden gadinka ra swin. Bahara wark daukaia bara main kaiki kaia dukyara swin. Bara Gâd upla ra win: ‘Dus nani sut gadin ra bara ba wina man piaia sip sma; sakuna diara yamni, diara saura tanka kaikaia dusa ma ba wina lika man piprama kan baha wini pima sa kaka, kasak pali man pruma.” –Blasi Sturka 2:15-17
PIUTA BAHA NINA DIBIL, APIA KAKA SETAN MAKI YABA, GAD
LA MANKAN BA MAKABI WALI BARA KUNIN KUM AISAN.
“Bara pyuta ba, mairin ra win: ‘—Man nani pruma apia.’ Bara mairin baha walan bara, dusa ba kaikan, dusa ma ba piaia pain kira kan. Witin ai nakra nani ra sin pain kan, bara dusa ba sin mahka pin dauki kan, sinskira takaia dukyara. Bara ma ba wina brin, bara pin. Baha ningkara ai maîa ra sin yan, bara witin sin, wal baku brih pin.” –Blasi Sturka 3:4, 6
ADAM BARA IB WAL GARDIN BA BILARA —6
KAU WIHKA TAKASKAIA SIP APIA KAN.
“Dawan Gâd, upla ba Eden gadin wina sakan, bara tasba ra insla dauki kaia swin. Bara gadin lalma tanira Kirubin nani tnawa bri bara swin. Pauta klauhi isparka kum, tnaya banira nahmpa, nahmpa taui ba sin bara swin, rayakaia dusa ra waia yabalka ba aihwaki kaiki kaia, upla kli bara wih dimbia apia dukyara.” –Blasi Sturka 3:23a, 24b
UPLA BA MAPARA SARI YUA KUM KAN —7
ADAM BARA IB WAL SAURA DAUKAN TAIM.
“Baku bara, saurka ba upla kumi taka ba mita upla sutra luan, bamna saurka ba mita prura balan, bara prura ba upla sutra alkan sa, kan upla sut saura daukan bamna.” –Rom 5:12
Wan kupia kraukai dukiara
Upla sut ba saurka wina aisubi takan bara yu kum pruaia kabia, kan saurka ba mita prura ba balan bamna. (Rom 5:12 ba aisi kaiks.)
GAD, YAWAN WAN SAURKA WINA SUAKI WAN SAKAIA DUKIARA PLAN —8
KUM DAUKAN, AI LUHPIA KUMI MAN BRIKAN BA BLIKAN BALAN.
Gad luhpia ba upla tilara balaia dukiara, bibi lupia baku balaia kan.
“Witin luhpa waitna kum bribia, bara ai nina ba Jisas makma. Baku ai nina makbia, kan witin bui ai uplika nani ai saurka nani wina swaki sakbia bamna.”
–Matyu 1:21
“Bamna Gâd tanka aiska ba, Kraist upla takan ba mita wan marikisa.” –Kolosi 2:9
JISAS BA GAD SIKA — UPLA LILKA RA. —9
“Tasba na kau paskras kan bara, Bila ba pat bara kan. Bila ba Gâd wal kan bara witin sika Gâd kan ba. Baha Bila ba, upla takan bara yang nani tilira iwan.” –Jan 1:1, 14a
“Naha sut na takan, Dawan mita ai dahra aisasara bak aisin ba aiska daukaia dukyara: ‘Tyara aingwa ba kwihra tiwbia, bamna ai luhpia waitna kum sakbia, ai nina ba Imanyuel makbia’” (baha tanka lika: “Gâd yawan wal sa”).
–Matyu 1:22a, 23
“Kan tukta waitna kumi wan dukyara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba makan kabia: Aihka pranakira, lâ smasmalkra, Gâd karnakira, ban kaia Aisika, kupia kumi laka Kingka.” –Aiseya 9:6
JISAS KRAIST—YAWAN SAKRIPAISKA KASAK PALI BA.—10
“Kraist lika saurka kumi sin daukras palikan.” –2 Korint 5:21
“Kraist ba saurka kumi sin daukras.” –1 Pita 2:22a
Sakripais (yabi) dauki ba wal, waitna ba KASAK aitani apia kan ai saurka wina klin takaia.
“Kan bip waihntka nani bara guts lupia nani talya ba, upla saurka nani sip brih sakras pali sa.” –Hibru Nani 10:4a
Jisas Sika Gâd Ship ka Luhpia ba. “Kais man nani, naha waitnika aula na sika, Gâd Syîpka Luhpia, naha tasba saurka bri saki ba.” –Jan 1:29b
JISAS AI RAYAKA YAN, SUAKI WAN SAKAIA DUKIARA. —11,12
Upla saurakira nani mita Jisas ra misbara kaiki kan, bara dus prihni ra saban. Sakuna witin ai pruanka ba Gâd kupia laka kan. Jisas un ai kupia laka ni ai rayaka yaban manra bara yangra suaki wan sakaia dukiara. Jisas aisin “Upla kumi sin apu sa rayaki ba yang wina sakaia, yang kupi wilikira yamna kaka lika. Baha ba yang yaia sna, kli briaia ba dukyara.” –Jan 10:18a
YAWAN NA GAD SHIPKA LUHPIA TALIA NI KLI ATKI WAN SAKAN SA.
Rayaka bahki almuk nani wina briram ba tila wina swaki mai sakan; bara man nani pain kaikisma...man nani ba Kraist talya manakira ni [kli atki mai sakan] pri mai sakan, witin ka syîp ai taya ra watauan apu bara, taski sin apu baku kan ba.” –1 Pita 1:18, 19
SAKRIPAIS WALA SIP SAURKA SIKBI SAKRAS.
“Jisas Kraist ba Gâd kupia laka kat dauki, aima kumi baman ai wîna tara ba sakripais dauki yaban [holi daukan]; baha ba aitani sa ban kaiara.” –Hibru Nani 10:10a
“Kraist pruanka ba mita Gâd mita pri mai sakan sa [kasakkira mai kulkan], bara kau pali Gâd lauanka ba wina sin Kraist bak pri mai sakan kabia.” –Rom 5:9b
“–Jisas, man king aimaki kama bara, yang ra luki bas.”–Luk 23:42b
Naha
aimhplikrika na, Jisas ra kasak lukan bamna suak takan laka brin.
“–Kasak mai wisni, naiwa man yang wal Paradais ra kama.”
–Luk 23:43b
Naha aimhplikrika na, Jisas ra kasak lukras kan bamna suak takan laka briras kan.
“Yawan kan upla saurakira nani [Gâd bila lui sauhkan] kan, sakuna Kraist lika wan tawan pruan.” –Rom 5:8b
YA GAD LUHPIA RA KASAK LUKBIA —13
BA AI RAYAKA BRIBIA.
“Bamna Gâd tasba ra uya latwan kaikan, bara witin mita ai Luhpia kumi baman bri kan ba
yan; bara baku mika ani uplika witin ra kasak lukbia ba, sut pali tanis tiwbia apia,
sakuna raya ban kaia laka ba bribia.”–Jan 3:16
“Gâd mita tihmia karnika wina dakbi wan saki, ai Luhpia latwankira king aimaki ba pliska ra wan mangkan, [wan lakan] witin ai pruanka ba mita swaki wan saki, wan saurka nani sut ban swih tikan.” –Kolosi 1:13, 14
*Kli atki sakan tanka ba, yawan saurakira kan wina kli wan atki wan sakan sa.
“WITIN KLI RAWI BUAN!” —14
“Bara insal ba mita mairka nani ra win: ‘—Man nani sîbripara. Yang kaiki sna man nani ba Jisas dus prihni ra pruan ba plikisma. Nara apu sa, witin aisin ba baku pruan wina buan sa. Bamna bal kais witin tnikan pliska ba.’”–Matyu 28:5, 6
JISAS PRUAN WINA KLI BUI BALAN. —15
“Yang sika raya sna. Au, yang pruri kata, sakuna nana ra lika ban kaiara raya sna. Prura king aimaki tasbaia [Il Pauta] kîka ba brisna.” –Param Marikan 1:18
“Bara raya kama kan yang raya sna bamna.” –Jan 14:19b
Bamna Kraist mita prura ra taibi pura luan mita, prura kika mihta ba brin, yawan naika nit apia kabia prura sia yabaia.
“Sibrin ai dauki bara man ra yang kasak lukisni.”
–Lawana Nani 56:3
JISAS SIPSA SUAKI MAI SAKAIA, BARA MAN
DUKIAMRA AI PURA SIN SUNISA
Sakuna Jisas lika pruras raya ban sa...kan witin ba ban kaiara raya iwisa [upla dukiara bik takisa], witin nani tawan Gâd ra makabaia dukyara. –Hibru Nani 7:24a, 25b
MAN BARA YAWAN WAL SUT RAYA BANKAIARA LAKA BRIAIA SIPSA. —16
RAYA BANKAIARA
Ani yabalka MAN alkaisma?
Jisas Kraist sika Gâd wal RAYA bankaiara YABALKA ba.
Dibil ba (Setan) sika PRURA bankaiara yaba-lka ba.
Naha tuktika waina na yabal kasak ba alkan, raya bankaiara yabalka ba.
PRURA BANKAIARA
MANKA ANI YABALKA ALKAISMA? —17
“...Pliki saks naiwa man nani ya dukya daukaia sma ba....” –Jasua 24:1
“Bris rayaka; man nani raya kaia dukyara bara kyamkam nani sin.” –Kli Smalkan 30:19b
JISAS SIKA RAYA BANKAIARA YABALKA BA.
“Upla wala bak swaki wan sakan laka briaia ba apu sa, kan Gâd mita naha tasba ra nina wala kum maki wankras sa, swaki wan sakaia ba dukyara.” –Wark Nani 4:12
“Yang, yakan baman Dawan, yang wina wala apu sa, swaki mai saki ba.” –Aiseya 43:11
DIA MITA YAWAN JISAS BRIAIASA, RAYA BANKAIARA LAKA WANTSA KAKA? —18-21
1. Kraist, Witin sika balan na.
“...Sakuna yang balri na lika witin nani raya kaia laka bribia ba dukyara....” –Jan 10:10
2. Kraist, Witin sika yawan ra latwan wan kaikan bara yawan nata mana pruan.
“Gâd Luhpia...witinka yang ra latwan ai kaiki prura mihta ra ban aimakan ba.” –Galesha 2:20b
Jisas upla takan, wina, dusa, bara tala sin brikan, yawan nani baku, “bara baku,
lika witin sip kaia kan ai pruanka bani debil upla ikaia
karnika bri kata ba, sauhki tikaia. Baku witin ba, baha nani ai rayaka yua nani aiskara prura sibrinka mita alba nani kan ba sut, pri sakan. –Hibru Nani 2:14b, 15
3. Jisas talia baman yawan wan saurka saika sa.
“Kan tala ba sika upla rayaka mana aibapi ba [Padin munisa].” –Libait Laka 17:11b
“Bara Gâd Luhpia Jisas Kraist talya mita, wan saurka nani sut ba wina klin wan sakisa. –1 Jan 1:7b
“Witin ai pruanka ba mita swaki wan saki, wan saurka nani sut ban swih tikan.” –Kolosi 1:14
4. Kraist, Witin sika pruan wina kli rawi buan.
“Kan yawan kaikisa Kraist ba aima kumi baman pruan nani tila wina bukan kata, kli sin prubia apia pali; kan prura mita witin mapara [rul munaia] karnika nan sin apu sa. –Rom 6:9
“Kraist upla sut tawan pruan, baha mita raya nani ba ai wîna dukyara raya kaia apia sa; sakuna witinka, witin nani ai dukyara pruan bara kli sin raya buan ba dukyara mika raya kabia.” –2 Korint 5:15
Jisas aisin, “Bara raya kama kan yang raya sna bamna.” –Jan 14:19b
5. Yawan sin Kraist Spiritka briaia sa, baku mika, yawan raya bankaia lakara rawi bubia. (raya bankaiara iwaia.)
“Bara baha yukukan ka ba sika Kraist, man nani ra taka-ski ba, bara naika briaia bila kaiki ba tanka kum sa.”
–Kolosi 1:27b
“Jisas Kraist pruan nani tila wina bukan Gâdka Spiritka ba man nani ra raya sa kaka, sin Kraist [wina tara] pruan wina bukan Gâdka Spiritka ba wînam tara pruikira nani ra raya kaia laka kli yabia, Spirit man nani ra raya iwi ba mita.”–Rom 8:11
KASAK PALI YAS KRAIST SPIRIT KA MANRA DIMI IWBIA.
“Ani uplika Kraist Spiritka ba briras sa kaka, witin lika Kraist uplika apia sa.” –Rom 8:9b
JISAS TUKTAN SUTRA LATWAN KAIKISA. —22,23
Bara tuktan nani ba ai klahkla ra buki, ai mihta nani purara kahbi, yamni munan.–Mark 10:16
“Jisas yang ra latwan sa, naha yang nusna kan Baibil baku aiwisa bamna.”
“Sakuna Jisas bui paiwi, naku win: ‘—Tuktan sirpi nani ba swis yang ra balbia, baha nani ba takaskpara, kan Gâd king aimaki laka ba bahmuna nani dukya sa.’” –Luk 18:16
“Baku sin, man nani kasbrika purara ba, naha sirpiki nani kumi sin tiwbia ba want apia sa.” –Matyu 18:14
Ya kama kra, apia kaka, anira iwi kama kra pat apia sa. Jisas latwan maikaikisa, bara man dukiamra pruan. Jisas, Witin ra latwan kaikma wantsa. Witin bila wali latwankam ba marikaia sipsma.
“Bamna man nani latwan ai kaikisma kaka, laika bila nani ba wali dauki kama. –Jan 14:15
Ai daukanka nani taka mita latan kaikan sa; wahma kum wapni wapisa kaka. –Sins Laka 20:11
GAD RA WAYA YABALKAM BA NAHKI MUNI SAKAIASMA BA. —24-28
1. Man ba saura kira kumsma luks (wahya 7 ba laki kaiks).
“Kan upla sut saura yan bara Gâd mawan wina sin laiura takan.” –Rom 3:23
2. Gad ra, Jisas Kraist ku bal.
“Gâd kumi baman bara sa, bara Gâd, witin upla nani wal asla kumi dauki ba sin kumi baman sa; baha sika Jisas Kraist, bara witin ba sin upla sa.” –1 Timoti 2:5
“Baha mita, nanara bara ban kaiara, witin bak Gâd lamara wi nani bara witin [Jisas] mita swaki sakaia sip sa.”
–Hibru Nani 7:25a
Jisas aisin, “Baha nani yang ra aula ba, yang sip kangbi sakamna apia pali.” –Jan 6:37b
3. Saurkam wina kupiam ulaks.
(Kupiam ulakaia tanka ba “kupiam mununhta wina sari takaia, saurkam ba suiaia dukiara”.)
“Baku bamna, man nani sut dau- kankam saura nani wina mahka Dawan ra taus, bara mika saurkam nani sut ba diki sakan kabia.” –Wark Nani 3:19a
Dawan ai pramiska ba...sakuna yawan wal witin ai kupia alki takaski brisa; kan witin brin daukras upla kumi kra tanis tiwbia, kuna upla sut ai daukanka saura wina ai kupia lakbia.” –2 Pita 3:9
4. Jisas ra saurkam dahra saks.
(Tanka ba: saurkam dukiara aisaia, apia kaka, saurakirasma ba tankam briaia.)
“Sakuna Gâd ra
wan saurka nani
dahra sakbia kaka,
yawan sip sa kasak luki kaia,
dia kasak ba
witin daukbia.
–1 Jan 1:9a
Lain nani muhtara ba purara, 1 Jan 1:9a burska ba uls. Pura sunra mihta wal bapan ba ra. Wahya 25 ra.
___________________________________________________
___________________________________________________
___________________________________________________
5. Saurkan nani ba suis.
(Tanka ba: saurkam nani ba nayara laki lulki yakan suiaia.)
“Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra sakisi mahka swi ba, saurka swih tikbia.” –Sins Laka 28:13
“Saura ba lama wina laiura takas, bara yamni; ba dauki bas.”–Lawana Nani 37:27a
6. Jisas Kraist ra kasak luks.
Bara man bilam ni, Jisas ba kasak Dawan sa aisisma kaka, bara kupiam ra sin kasak lukisma Gâd mita Jisas ba pruan nani tila wina bukan, man ba swaki mai sakan kabia. –Rom 10:9
“—Dawan Jisas Kraist ra kasak luks, man bara wam-tla uplika nani sut.” –Wark Nani 16:31b
Bamna Gâd latwanka laka ba mita sika...sakuna baha lika Gâd mita ban prisant maikan sa. Upla kum diara daukan ba mita lika apia, bara sin aimayunaia apia ba mata. –Epesus 2:8, 9
7. Jisas Kraist kupiam ra bris bara rayakam ra sin.
Man baman sipsma kupiam durka ba sakaia, bara Jisas ra yarka dimaia, “Kais, yang dur ra kingbisna; ya yang bili baikra wali dur ba kwakbia kaka, ai watla ra dimi witin wal plun pimna.” –Param Marikan 3:20
“Sakuna, ya nani witin ra brin; bara kasak sin lukan; nani ra, witin mita naha uplika nani ra, Gâd luhpia takaia karnika ba yan.” –Jan 1:12
PURA SUNRA KUM, BAHARA KAIKI LAN TAKAIA. —29
Man kau aima Kum sin puram sunras kaka, bara hilp nitsma kaka puram sunaia. Man sipsma pura sunra munhtara ulban ba baku sunaia.
Dawan Jisas ki latwan kira,
Tinki pali dus prihnira prui yang saurki sikbi sakram ba. Yang sari pali sna diara saura nani daukri ba dukiara. Yang mamkabisna pliskam bal yang kupira dimma, bahara bankaiara iwi kama. Na minit yang manra kasak lukisni, kupi na klin daukma dukiara. Yang mai brisni, yang suaki sasakriki baku bara Dawan ki baku sin.
Man ninam ra puri sunisni, Amen.
KUPIAM RA JISAS BRISMA BAR, MAN BANKAIARA RAYAKA BRISMA. —30
“Bara baha witniska ba lika Gâd mita raya ban kaia laka wankan sa, bara naha raya ban kaia laka na lika ai Luhpia ra sa. Ani uplika Gâd Luhpia bri ba, witin naha raya kaia laka na sin brisa.” –1 Jan 5:11b, 12a
Yang aisisna bara ya aman walisa, ai blikan bara sin kasak lukisa kaka...kuna pruan wina taki pat raya kaiara luan sa.–Jan 5:24b
Winam tara ba pruya bara, man Dawan mawan ra auma (2 Korint 5:8). “...Bara baha yukukan ka ba sika Kraist, man nani ra takaski ba.... (Kolosi 1:27).
Man Jisas ra saurkam suih tikbia dukiara makabram kaka, bara man Dawan Jisas Kraist ra kasak lukisma kaka suaki sasakrikam baku, munhta bara ninam uls:
NAHKI MUNI JISAS NINA BAN BLIKI KAIA BA. —31
Dawan Bila wina burs nani ba yu bani aisi kaiks (Gad bila ba), bara lan taki kupian kat mangki bris, bak sakan burska nani manra hilp, taki nani ba. (Naha wauhkataya lupiara ailal narasa.)
“Ulbanka aiska ba Gâd winka puh- bra mita sika, bara baha ba yamni sa upla ra smalkaia bara laui daukaia, swakwanka nani ba wapni daukaia, bara kasakka laka mapara upla ra smalkanka yabaia dukyara.” –2 Timoti 3:16
JISAS RA PURAM SUNISMA BANI WITIN RA AISAS. —32
Jisas ra tinki wis rayakam ra diara pain nani daukan ba dukiara. Witin ra mayuns, mandukiam ra diara nani daukan ba, bara sulkam suaki sakan ba dukiara. Nitkam nani dukiara puram suns. Jisas ninara puram suns.
“Kan yawan kaikisa, witin ai kupia laka kat dia, dia makabuya ba wan walisa.”–1 Jan 5:14b
“Kasak pali mai wisni, Aisa ra dia, dia yang nini maki makama ba, sut pali maikbia.” –Jan 16:23b
“...Pana dukyamra sin puram suni bas....” –Jems 5:16
“Bara rau mai sauhki nani dukyara sin puram suns.” –Matyu 5:44b
PURA SUNRA KUM JISAS AI DISAIPILKA NANIRA SMALKAN. —33
(Disaipil kum ba, upla kum sa, witin Jisas nina bliki ba.)
Jisas ai disaipilka nanira win naku natka ra ai pura sunbia.
“‘Yawan Aisa kasbrika purara sma ba, ninam ba hulikira kulkan kabia. Man king aimakaia ba yarka balbia. Man kupiam laka tasba ra daukan kabia, kasbrika purara dauki ba baku. Naiwa wan yua pâta ba wankma. Wan saurka ban swi tiks, yang nani maipara saura daukan kan ban swih tikisna ba baku. Traika kaikan tilara ban wan swipara, sakuna saura ba wina dakbi wan saks.’” –Matyu 6:9b-13
Naha pura sunra na sinskam ra lan taki briaia sma. Naha pura sunra na lalukra nani bakahnu ai pura sunisa ai bila baikra tara wal.
GAD LAKA MATAWALSIP BA WAN SMALKISA NAHKI YAWAN IWI KAIA BA. —34,35
(Impakan Sturka, sapta 20)
Pas Taura Walhwal Nani Ba, Nahki Yawan Gâd ra Latwan Kaikaia Ba Dukiara Aisi Sa.
1. “Man yang tnayara gâd wala nani bripara.”
2. “Aidul nani kumi sin dauki bripara, diara nani
kasbrika pura ra bara ba lilka sin apia....Baha nani
mawanra baupara mayunra sin dauki yapara.
3. “Dawan Gâdkam nina ba, diara bahki laka daukaia
dukyara brih makpara.”
4. “Wan wingka puhbaia yua ba, man nani amyara bri kupiam krauki bas; Dawan ra kulkanka yabaia yua ba.”
Las Matlal Kahbi Ba Lika, Nahki Yawan Upla ra Latwan Kaikaia Ba Dukiara Aisi Sa.
LA MATAWALSIP BA (BAN AUYA).
5. “Man aisikam bara man yaptikam sin pain kulki bas.”
6. “Man lâ luha upla ikpara.”
7. “Man marit lâka sauhkpara.” (Marit laka sasauhkra tanka ba sika maya waitna mairin wala wal brisa, bara
ai maya mairin maritka laka sauhkisa. Mairin bui sim sat daukisa.)
8. “Man implikpara.”
9. “Man uplikam witniska kunin aisi pât ra lakpara.”
10. “Man uplikam watla tumpara...diara wala sut witin
ai dukya ba.”
GAD KUPIA LAKA DAUKISMA BARA WAN PURA
SUNRA ANSIKA WANKISA.
“Bara dia, dia witin ra makabia ba wankbia, kan yawan ai laka bila ba wali daukisa, bara witin dia pain kaiki ba sin daukisa.” –1 Jan 3:22
LA WAL KAU TARA KULKI BA. —36
LATWAN LAKA
Gad ra latwan kaikaia.
1. “Jisas bila: —‘“Dawan Gâdkam ra latwan kaikma, kupiam aiskakira, solkam aiskakira sinskam aiskakira ni sin.” Naha sika lâ bila nani wina kau tara bara kau taura ba sin.’”–Matyu 22:37, 38
Upla ra latwan kaikaia.
2. “Wala kumi baha wal talya ba lika, naku wisa: ‘Uplikam ra latwan kaiki man winam baku uplikam ra sin latwan kaiks.’” –Matyu 22:39
La Matawalsip Aiska ba (wahya 34 bara 35) La Tara wal ba bilara mankisa.
LATWAN LAKA BA KAU TARA SA, LA SUT BA PURKARA. —37,38
Latwan Laka Saptika Kau Tata ba.
(1 Korint 13:1-8, 13)
1Yang na upla nani aisi ba bilara, bara insal nani bila sin aisaia sip kamna sakuna, latwan laka apu sna kaka, aisinki ba lika drum prukan kli, kli ini ba baku sa, pan taya prukan bin dauki ba baku. 2Gâd aikan bila dahra nani ba aisaia sip kamna kra, dahra prakan tanka nani ba sut kakaira kamna kra, sins laka sat, sat bri kamna kra, il nani ba ai pliska wina kitbi sakaia kasak lukan laka aitani kat bri kamna kra, sakuna latwan laka apu sna kaka, yang lika bahki sni. 3Dia brisna ba upla nani ra yuamna kra, [yabaia] bara wîni tara pali na sin angkbia wisi yabamna kra, sakuna latwan laka apu sna kaka, baha sut ba bahki man sa. 4Latwan laka bri uplika ba, [pat wauhwaia] wihka bila kaikisa; upla yamniki ra sa bara tatumra lika apia; aimayunras sa bara kakalwra sin apia. 5Ai ntka nani ba saura apia sa bara ai dukya sin plikras; ai kupia baikras sa bara upla ra laui baman sin taukras. 6Kasak apia nani dukyara [rang] witin ai lilia takras, sakuna kasak tanka dukyara lika. 7Diara sut ba twilkisa. Diara sut ba kasak lukisa. Diara sut ba ai kainara bila kaikisa. Diara sut mapara ban bapi buisa. 8Latwan laka ba pruras ban raya iwisa.
13Diara yuhmpa ban kaiara bara ba, kasak lukan laka ba, wan kainara diara bila kaikaia laka ba, bara latwan laka ba sin, sakuna yuhmpika wina kau tara ba lika, latwan laka.
GAD BA LATWAN LAKA SA.
“Gâd ba latwan laka; bara ya latwan lakara iwi ba lika Gâd ra iwisa, bara pana Gâd witin ra iwisa.” –1 Jan 4:16b
JISAS WANT SA WITNIS AISAMA UPLA WALA NANINRA. —39
(utlara, kul watlara, prias watlara, ani ani ra kabia sin).
Jisas aisin, “—Mahka wamtla ra was tamya nani ra, bara dia Dawan man ra mai daukan ba witin nani ra wis, nahki man ra umpira mai kaikan ba sin.”–Mark 5:19b
NAHKI KAIKAIA SIPSA GAD TUKTIKA KUM KASAK PALI BA. —40,41
“Man nani pana, pana walkam ra latwan kaikisma kaka, upla sut kaikbia man nani ba yang disaipelki nani sma.” –Jan 13:35
“Sakuna Spirit ai warkka dauki ba lika: latwan kaikaia, lilia kaia, kupia kaia laka, kupia alki takaski kaia, latwan laka bri kaia, kupia yamni kaia, kasakka laka briaia, bauaia laka, bara wan wîna alki takaskaia laka.” –Galesha 5:22, 23a
“Man nani saura mai munan uplika nani ra [saura kira nani] ban swih tikisma kaka, kasbrika purara ba sin man nani ra ban mai swih tikbia.” –Matyu 6:14
DIARA 7 NANI GAD MISBARA KAIKI BA.
“Ai nakra praut lakara kaiki ba, twisa kunin aisi ba, mihta nani sin tala pâtkas laiki ba, lukanka saura daukaia luki paski ba, mina nani aihni diara saura daukaia brih wi ba, witnis kuninkira ai bila wina kunin man aisi ba, bara ani uplika tuski unsaban daukisa ai muihni nai tilara.” –Sins Laka 6:17-19
WINA TARA WARKKA NANI BA:
“...Marit takras kira upla ai maîa briaia laka ba, taski laka daukaia, [Ai maritaka apia kan wal nina yapisa] aidul nani ra mayunaia, sukia warkka daukaia. Upla ra misbara kaikaia, tarbaiwan laka...bara wan kupia laka baman pliki daukaia, dakwi takaia laka...Tuman laka briaia, bla tatakra nani kaia, bila maihsi ra kaia...ani uplika naha sat dukya nani dauki ba, Gâd king aimaki tasbaia ai dukya bribia apia.” –Galesha 5:19-21
“...Marit laka sasauhkra nani ba...aîmplikra nani ba, gridikira nani ba, bla tatakra nani ba....” –1 Korint 6:9, 10
JISAS YAS AI SPIRITKA NI MAI BANGHBIA BARA KLIN MAI DAUKBIA
“Man nani tilam wina tila nani ba baku nani kata. Sakuna man nani ba saurka wina pat klin mai sakan sa [holi mai daukan]... bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.” –1 Korint 6:11
IL PAUTA BA PLIS KUM RAIT PALI BARA SA. —42
(Luk 16:19-26 ba aisi kaiks.)
Man kasak pali kupiam ra bris Jisas Kraist ra kasak lukisma ba. Witin Rayaka Wauhkataya ra ninam mankbia.
Ani uplika nina raya kaia wauhkataya ra ulbras kan ba, pauta lakni lakunka ra lulkan kata. –Param Marikan 20:15
JISAS BAMAN YABAL KUMI SA GAD RA WAIA BA. —43
“Gâd mita raya ban kaia laka wankan sa, bara naha raya ban kaia laka na lika ai Luhpia ra sa.” –1 Jan 5:11b
“Saurka ba mita mana baku wanki ba lika prura, sakuna Gâd wina prisantka ba lika, raya ban kaia laka Kraist Jisas wan Dawan wal asla.” –Rom 6:23
“Ya Gâd Luhpia ra kasak luki ba, raya ban kaia laka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.” –Jan 3:36
“Jisas bila: ‘—Yang sika yabal ba, kasak tanka ba bara rayaka ba sin. Yang bak baman sip sa Aisa ra waia.’”
–Jan 14:6
HEBIN BA PLIS KUM RAIT PALI BARA SA. —44
Jan nakra kuakan kaikan ra, Param Marikan Wauhkataya sapta 21 ra, witin Hebin raya, bara tasba raya ba kaikan.
“Witin nani nakra laya ba sut dikbia, bara prura kau apu kabia, inanka, pura mata inaia laka, latwanka sin; kan diara almuk nani ba sut lui wan sa.” Bara king iwaika ra iwi kan ba nan aisin: “Kais, nanara yang diara nani ba sut raya daukisni.” –Param Marikan 21:4, 5a
Baku sin Jan tawan Holi ba sin kaikan, Jerusalem Raya ba. Gâd wina bal iwan, Hebin wina latara taki bal iwan. “Bara taun ba lika lalah pauni aingwa pali ni kan, glas klin talia baku. Walpaia kutbanka playka nani ba walpa painkira sat, sat ni skahkan kan.” –Param Marikan 21:18b, 19a
JISAS UTLA KUM PASKAIA WAN, YA —45
WITIN RA KASAK LUKI NANI BA DUKIA.
“Man nani kupiam ra uya trabil taki luki kapara. Gâd ra bara yang ra sin kasak luki bas. Aisiki watla ra plis manis bara sa; baku apia kan kaka, yang man nani ra mai wiaia apia kapri. Man nani pliskam kum ridi daukaia auni. Bamna yang wih pliskam ridi daukamna ba ningkara, kli balamna man nani mai brih waia, bara baku mika yang anira sna ba, pliska ra man nani sin bara kama.”
–Jan 14:1-3
NAHA STURKA YAMNI NANI NA, WALA NANI RA SIN WIS.
Jisas aisin, “Man nani tasba aiskara was, bara sturka yamni ba upla sut ra aisi smalks.” –Mark 16:15b
“Karnika ni sauhki tiki ba lika, rayaka sakisa.”–Sins Laka 11:30b
GAD PRAMISKA NANI, AI TUKTIKA NANI RA. —46
“Yang sip ban mai swimna apia, mahka lulki sin mai swimna apia.” –Hibru Nani 13:5b
“Witin ai insalka nani, man ani anira wama ba main mai kaiki kaikbia.” –Lawana Nani 91:11
“Bara upla kumi sin baha nani ba Aisa mihta wina sip dakbi bribia apia.” –Jan 10:29b
“Bamna kaiki bas yang na man nani aikuki yu bani kamna, tasba tnata kat.” –Matyu 28:20
“Pât wauhwaia sma ba sîbripara; kan man nani tilam wina kum....Bamna pruma ba kat kasak bas, bara yang raya kaia kraunka ba maikamna.” –Param Marikan 2:10
“Yang ra ai wins bara pana mai aisamna.” –Jirimaia 33:3a
JISAS KLI AULA. —47
Upla sut ba pruam wina bukan kabia.
“Kan pyua ba aimakbia, bara pruan nani sut bila baikra wali, raiti wina buan kabia. Yamni daukan nani ba buan kabia raya kaia laka ba briaia; sakuna saura daukan nani ba lika buan kabia, pât tara ra lulkan kabia dukiara.”–Jan 5:28b, 29
Kraist ra pruan nani ba pas bubia.
“Baha ningkara, yawan kau raya nani ba, witin nani aikuki kasbrika tilara wan brihwan kabia, Dawan wal pasa pura ra prawaia. Yawan baku kabia Dawan wal, ban kaia ban kaiara.” –1 Tesalonaiki 4:17
“Man nani aiwahki, bila kaiki bas, kan man nani kaikras sma ahkia pyua ba aimakbia sapa. –Mark 13:33b
JISAS NAHKI BALAISA? —48
“Kraist lika kasbrika nani tilara aula! Upla sut mita witin ba kaikbia.” –Param Marikan 1:7a
Kraist kuninkira ba dukiara amyara bribas, bara prapit kuninkira ba dukiara sin.
“Bara upla kum mita man nani ra naku mai wibia kaka: ‘Kais, Misaia ba nara sa’, ‘Kais, Misaia ba bara sa’, man nani kasak lukpara. Baha mita, naku mai wibia kaka: ‘Kais, witin bukra twi byara ra sa’, man nani baha ra waprama.” –Matyu 24:23, 26a
JISAS KLI ISTI PALI AULA HEBIN WINA KASBRIKA PURARA.
Kan imyula kum kasbrika purara ba lalma wina muna kat lipi ba baku, kabia Upia Luhpika waitna ba balbia bara. Bara mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpika Waitna kasbrika purara karnika tara bara prana wal aula ba kaikbia bara.–Matyu 24:27, 30b
SEPAD LAWANKA.
(Lawana Nani 23)
1Dawan sika sepadki; yang diara sut brisna 2Twi kura pawi tasbaia nani ra aitnikaia aikisa, li lamni nani lamara ai bri taukisa. 3Karniki raya aikisa kasakka yabalka nani bak ai bri auya, witin ai nina kulkanka laka dauki.
4Il bila kau tihmu bak wapi luamna kra, diara saura bara sa, sibrin lukamna apia; kan Dawan, man, yang wal sma; man sepadkam dusa kîn kam ba, baha nani kupi bukisa kasak lukanka ra. 5Pata tara kum yang piaia man bui ridi ai daukram waihli nani mawan kat; batana laya ni laila ra laikram kap ki ba bangki pali daukram.
6Man yamnikam, latwan ai kaikisma lâka ba, raya sna yua sut yang wal ban sa; bamna Dawan, wamtla ba waitla ban kabia.
Scripture text is from the Bible in Miskito, Dawan Bila Aiska, © 1998 by American Bible Society. Used by permission.
If you are interested in receiving additional Scripture booklets, write to the publisher in English at the address below or order online:
World Missionary Press, Inc.
P.O. Box 120
New Paris, Indiana 46553-0120 U.S.A.
World Missionary Press Home Page | Go to the Top of This Page