World Missionary Press

Oret ne wendi Kap Jehovah - Kalenjin

KIYAI JEHOVAH NG'ONY AK TUGUK TUGUL CHE SABTOS — 1

"Eng' taunet, ko kitoi Kamuktaindet koyai kipsengwetisiek ak ng'ony." — Taunet 1:1

"Amu kigitoi keyai tuguk tugul eng' inendet, che mi kipsengwetisiek ak che mi ng'ony...." — Kolosaik 1:16a

"Oberurotin eng' Jehovah, Ne kiyai kipsengwet ak ng'ony. Kipsengwetisiek ko kipsengwetisiek che bo Jehovah. Ago kiigochi ng'ony werikab bik." — T. Kalosunet 115:15, 16

Ki mie Ng'ony ye kingogochin Jehovah chito. Soman bukuini ming'in si inai kit ne kiyaak.

KIYAECH JEHOVAH — 2

"Kimwa Kamuktaindet kole, `Ongeyai chito eng' itondanyo, ko u kergeindanyo: ak ingoboi ichek njirenik...ak ng'ony komugul....'" — Taunet 1:26a

KIEK CHITO NE SOBEI — 3

"Ak kiyai Jehovah Kamuktaindet chito eng' ng'ung'unyek, ak kobusyi serunekyik kabuset ne bo sobondo*; kiek anyun chichoto, chito ne sobei." — Taunet 2:7

"Kimwa Jehovah Kamuktaindet kole, `Ma mie kotebi chi inegei; ayachini ne toreti....' Kiigochi anyun Jehovah Kamuktaindet chichoto ruondo ne nyigis, konuuch: ak konem karasta agenge, ak kotuge yoto banyek kogeere karasato: ak kiyai Jehovah Kamuktaindet karasato kiinemune chichoto, koek kwondo; ak komutyi chichoto." — Taunet 2:18a, 21-22

*Sobondo ne sobei koboru kole tun kimi ui Koigeny.

KIBISTOE ADAM AK AWA JEHOVAH — 4, 5

Manyolu keebchi it tugetab Oindet.

"Kiimut Jehovah Kamuktaindet chito kwo kotebe mbaretab Eden si kobiit kosemberi ak koribei. King'at Jehovah Kamuktaindet chichoto kolenji, Imuchi iam logoek che bo ket age tugul ne imache ne mi mbaret; ago amat iam che bo ketit ne bo naet ne kinae ne mie ak ne ya; amu eng' betut ne keam che bo ketoto, imee ne matiny." — Taunet 2:15-17

NDARET, NE KOGENY KEGUURE OINDET ANAN SETANI, KO KISAGE KAMUKTAETAB JEHOVAH, AK KOMWA LEMBECH.

"Kolenji ndaret kwondo, `Iman, mobegu.' Ak ye kingogeer kwondo kole mie ketoto eng' amet, ak ko kararan eng' konyek, ak ko ketit ne kichamei ne ing'omiti chi, kobut anyun ...koam; ak kogochi manong'otiondennyi...koam agine." — Taunet 3:4, 6

KIMATA KOMUCH KOTEBE ADAM AK AWA MBARET KOGENY — 6

"...Kiimaanda Jehovah Kamuktaindet inendet eng' mbaretab Eden, si kobiit kobat ng'ony ole kiginemune. Konde Kerubik...ak rotwetab chok ne ilyeli...koribe oret ne wendi oldab ketitab sobondo." — Taunet 3:23b, 24b

KI BETUT NE BO AROGENET ENG' BIK TUGUL YE KINGOYAI ADAM AK AWA TENGEKTO — 7

"...Ko u ye kimong'ji ng'ony tengek eng' chito agenge, ak meet amu tengek; koityi anyun meet bik tugul...." — Romanik 5:12b

Kit ne Kibwati

Kisiktoi chi age tugul tengek ak tun mei betut age, amu kibun meet tengekto. (Soman Romanik 5:12 kogeny.)

CHOBETAB JEHOVAH KOSORUECH ENG' TENGEK KO KI KOYOOK WERINNYI NE INEGEI — 8

"Ak tun sichei werit; ak iguure kainennyi JESU; amu inendet ne soru bikyik eng' tengekwogikwak." — Matayo 1:21

Si komong'ji bororietab bik, ko kinyo Weritab Jehovah ko u lakwet ne ming'in.

"Amu menyei eng' inendet [Kristo Jesu] eng' borto nyiiet tugul ne bo Jehovah." — Kolosaik 2:9

JESU KO JEHOVAH ENG' ITONDAB CHI — 9

"Eng' taunet ko kimi Ng'olyondet, ak kimi Ng'olyondet ak Jehovah, ak ki Jehovah Ng'olyondet...Ak kiek Ng'olyot borto, ak komeny, kwenunnyo...." — Johana 1:1, 14a

"Ak kagoyaak tuguchu tugul, si kobiit kosulda....`Ogeero, manachi bergeiyat, ak kosich werit, ak keguure kainennyi Imanuel;' ye kiweech ko ni, `Mi Jehovah kobotech.'" — Matayo 1:22a, 23

"Amu kagisikwech lakwet, kagigonech werit; ak ting'e inendet bounatet tigikyiennyi: ak kiguure kainennyi Kwong'utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet." — Isaia 9:6

JESU KRISTO KO TISEIYWONDENNYO NE TILIL — 10

"...Ne kima kongen tengek...." — 2 Korintoek 5:21a

"Inendet ne kima yai tengek...." — 1 Petero 2:22a

Mami tiseiywot [Kagochinet] NE MIE ne ki imuchi kogoito chi ne kiyamei koisto tengek.

"Amu maimugaksei eng' korotikab kirugik ak kwesik konem tengekwogik." — Hebranik 10:4

Jesu ko Aruetab Jehovah. "Ogeero, Aruet ne bo Jehovah, ne ibei tengektab ng'ony!" — Johana 1:29b

KIIGOITO JESU SOBONDANYI SI KOSORUECH — 11, 12

Kigibirji Jesu kimurtoiyot amu kiwech Inendet bik che yaach. Ago ki chobetab Jehovah meennyi. Kiigoito Inendet sobondanyi si kosorun inye ak ane eng' tengekwogikyok.

Kimwa Jesu kole, "Marebena chi [sobennyu], ago agoitoi anege. Atinye kimnatet agoito, ak atinye kimnatet anam kogeny...." — Johana 10:18a

KIGIALECH ENG' KOROTIKAB ARUETAB JEHOVAH

"...Kigitiachak [kealak kogeny] omong'une atebeng'wong' ne bo buch ne kionyoru eng' kwanisiekwok,...ago eng' korotik che bo kamanutiet ne o, ko u che bo aruet ne matinyei berut ak ne matinyei tisia, choto ko korotikab Kristo." — 1 Petero 1:18a, 19

MAMI TISEIYWEK ALAGE CHE IMUCHI KOISTO TENGEK

"Kigitililech anyun eng' magonato eng' kagoitoetab bortab Jesu Kristo konyil agenge ak koyam." — Hebranik 10:10

"...Ko kagiityech imanda eng' korotikyik, kesoruech eng' neregekab Jehovah eng' inendet." — Romanik 5:9b

"Kiptaiyat ibwata ye tun inyone eng' bounateng'ung'."

Kiiyan chorindoni Jesu ak kigisor.

"...Amwaun iman ale, Kitebye tuwai rani eng' Paradis." — Luka 23:43b

Kimaiyan chorindoni Jesu ko u noto ko ma kisor.

"...Amu ye kita ko ki kiptengeginik [che ma kasei it Jehovah], kome Kristo agobo achek." — Romanik 5:8b

TUGUL CHE IYANI WERITAB JEHOVAH, KOTINYEI SOBONDO — 13

"Amu kicham Jehovah ng'ony mising', kot kogoito Werinnyi ne kigii inegei, si malus age tugul ne iyani inendet, ago si konyor sobondab koigeny." — Johana 3:16

"Ne kisoruech kemong'une kimnatetab mesundeito, ak kouutech kebe bounatetab Werit ne bo chamnyennyi; ne kitinye eng' inendet katiagennyo*, nyoetab kaat ne bo tengekwogikyok." — Kolosaik 1:13, 14

*Kaguiyetab katiaknatet ko kealech ak keweektech.

"KIGONG'EET!" — 14

Ak kiwolji malaikaiyat kobogorisiek kolenji, "Amoiywei okwek: amu angen ale, ocheng'e Jesu, ne kigigartat. Ma komi yu; amu kagong'eet, ko u ye kiga mwa. Obwa, ogeer ole korue Kiptaiyat." — Matayo 28:5, 6

KIMONG' JESU ENG' CHE KIBEK — 15

"Ak ko a ne Sobei; ak kiga amei, ak keero, asobe koigeny ak koigeny, ak atinye yateiywekab meet ak che bo oldab che kigobek." — Ng'ang'utiet 1:18

"...Amu asobe, osoptosi ak okwek." — Johana 14:19b

Amu kigoterter Kristo meet ak kotinyei yateiywekab meet, ko ma konyoljinech kiywei meet kogeny.

"Amang'un, Eng' betut ne aiyweisiei."— T. Kalosunet 56:3

(Keer pech 46 agobo arorutikab Jehovah.)

IMUCHI KOSORUN JESU AK KOSAUN INENDET

"Ago amu tebyei inendet koigeny....Eng' noto anyun komuchi kogeny kosor agoi kasuldaet ichek che bwanjin Jehovah eng' inendet, amu sobei inendet koigeny si kobiit kosaei agobo ichek." — Hebranik 7:24a, 25

KIMUCHI KENYORU INYE AK ANE SOBONDAB KOIGENY — 16

SOBONDAB KOIGENY

Oret ngoro ne ibune INYE?

Jesu Kristo ko ORET ne itei SOBONDAB KOIGENY ak Jehovah.

MEETAB KOIGENY

Oindet (Setani) ko oretab MEET ne bo koigeny.

Kalewen Weri oretab iman ne bo Sobondab koigeny.

NEE LEWENENG'UNG' INYE? — 17

"...Olewen rani ne oboisiechini...." — Josua 24:15b

"...Lewen sobondo anyun, si isob, inye ak iyoteng'ung'." — Ne Kibwate Ng'atutik 30:19b

JESU KRISTO KO ORET NE ITEI SOBONDAB KOIGENY

"Ama mi yetunet eng' chito age: amu mami kainet age eng' kureretab kipsengwet, ne kigigochi bik, ne kanyol kesorunenech." — Boisionik 4:12

"Ane, ee, anendet, a Jehovah; ama mi yetindet age kobatena." — Isaia 43:11

AMU NEE SI KO NYOLU KELEWEN JESU NGOT — 18-21
KEMACHE SOBONDAB KOIGENY?

1. Kristo inendet ne kinyo.

"...Kianyo si kobiit konyor sobondo...." — Johana 10:10b

2. Kristo Inendet ne kichamech ak komechech.

"...Weritab Jehovah,...ak kiigoito- gei agobo ane." Galatiek 2:20b

Kiek Jesu chito, borto ak korotik ko u achek, "...si kobiit kong'em eng' oretab meet inendet ne tinyei kimnatetab meet, noto 19 ko oindet; si kobiit kotiach ichek tugul che ki ratotin betusiekwak tugul eng' kaiyweisietab meet." — Hebranik 2:14b, 15

3. Korotikab Jesu, ichegei che wolunetab tengekwogikyok.

"...Amu korotik che yaei kagaigaet [konyo kaat] agobo sobondo." — Atebetab Lawik 17:11b

"...Ak kotililech korotikab Jesu Werinnyi eng' tengekwogikyok tugul." — 1 Johana 1:7b

"Ne kitinye eng' inendet katiagennyo [yetunet], nyoetab kaat ne bo tengekwogikyok." — Kolosaik 1:14

4. Kristo Inendet ne king'eet eng' che kibek.

"Kingen kele kiging'eet Kristo komong' eng' che kigobek: ma komeei kogeny; ma kotinyei meet bounatet eng' inendet kogeny." — Romanik 6:9

"Ak kimechi inendet tugul, si ma kosoptos agobo ge icheget che soptos, ago agobo inendet ne kimechi ak kong'eet kogeny." — 2 Korintoek 5:15

Kile Jesu, "...Amu asobe, osoptosi ak okwek." — Johana 14:19b

5. Nyolu ketinye Tamirmirietab Kristo eng' orinnyo 21 si king'eetech keityi sobondab koigeny (kesopche koi- geny).

"...Noto Kristo eng' okwek, kamang'unetab torornatet." — Kolosaik 1:27c

"Ago ngo menyok Tamirmirietab inendet ne kiing'eet Jesu komong'une che kibek, kosoobi borwekwok che begu inendet ne kiing'eet Kristo Jesu komong'une che kibek, eng' Tamirmiriennyi ne menyei eng' okwek." — Romanik 8:11

KEER ILE SOBEI TAMIRMIRIETAB KRISTO ENG' INYE

"...Ago ngo matinyei chi Tamirmirietab Kristo ko ma nenyi" [ko ma bo Kristo].
— Romanik 8:9b

OLE INYORUNDOI SOBONDAB KOIGENY — 22

Isub kayamisutichu itaune pech 24.

"Naoksei lakwet eng' boisionikyik...." — Kalewenaik 20:11a

"Chama Jesu, angen nito, mwawa Bukuit ko u noto."

CHAMEI JESU LAGOK TUGUL — 23

"Ago kiguur Jesu ichek kobwanji, ak kolenji, Ochamji lagok che mengech kobwanja, amat oete: amu bo che u chu bounatetab Jehovah." — Luka 18:16

"Agot ko u noto ma magetab Kwandang'wong' ne mi kipsengwet, kolus [kong'emak anan kobet koigeny] age eng' chu mengech." — Matayo 18:14

Matiny ko I ng'o anan ole imenye, chamin Jesu ak kimechin. Machei Jesu chamnyeng'ung' aginye. Imuchi iboru chamnyeng'ung' ne ichame Jesu ye igase it Inendet.

"Ngot ochama, oribe ng'atutikyuk." — Johana 14:15

OLE INYORUNDOI ORET NE ITEI OLE MI JEHOVAH — 24-28

1. Iyan ile I kiptengekyo (kiibistoe Jehovah).

"Amu kigoyai tugul tengek, ama ityin torornatetab Jehovah." — Romanik 3:23

2. Nyonji Jehovah ibune Jesu Kristo.

"Amu mitei Jehovah agenge, katuiyoindet agenge agine kwenutab Jehovah ak bik, noto chito, Kristo Jesu."— 1 Timoteo 2:5

"Eng' noto anyun komuchi [Jesu] kogeny kosor...ichek che bwanjin Jehovah eng' inendet...." — Hebranik 7:25a

Kile Jesu, "...Inendet ne nyonjina ko maone [mawirtoi] matiny." — Johana 6:37b

3. Sigu agobo tengekwogikuk. 25

(Kaguiyetab sigunet ko kearogen kot koit keistoegei tengekto.)

"Osigu anyun ak owalage, si kobiit kibukto tengekwogikwok...." — Boisionik 3:19a

"Maigaegei Kiptaiyat...muitoi agobo okwek, mamachei kolus chi age tugul, ago machei kobwanji tugul sigunet." — 2 Petero 3:9

4. Ng'ang'ji Jesu tengekwogikuk.

(Kaguiyetab Keng'any ko kemwaita anan kiyan lelutiet.)

"Ngot ke- ng'anye te- ngekwogikyok, koyanat ak ko bo imanda konyoiywech kaat tengekwogikyok...." — 1 Johana 1:9a

Sir komie 1 Johana 1:9 eng' lainwechu, kinyorjin eunekab saet che mi pech 25.
______________________________________________
______________________________________________
______________________________________________
______________________________________________

5. Esie tengekwogikuk.

(Kaguiyetab keesio ko kemeto, kebagakta inegei.)

"Manyoru berurto inendet ne unyei bistaosiekyik: Ago nyoru rirenet age tugul ne ng'anyei ak kometo." — Kalewenaik 28:13

"Itabanegei yaitio, ak iyai ne mie...."— T. Kalosunet 37:27a

"Amu kigesoruok eng' mieindo eng' kayanet; ...konunetab Jehovah; ama bo boisionik, si mailosgei chi." — Epesoek 2:8, 9

6. Iyan Jesu Kristo.

"Amu nging'any eng' kuting'ung' ile Jesu ko Kiptaiyat, ak iyani eng' muguleldang'ung' ile kiing'eet Jehovah inendet komong'une che kibek, kesorun." — Romanik 10:9

"...Iyan Kiptaiyat Jesu, si kesorun, inye ak gong'ung'." — Boisionik 16:31b

7. Taach Jesu Kristo konyo muguleldang'ung' ak sobondang'ung'. Inye kityo ne imuchi koyat ku rgetab muguleldang'ung' ak ko taach Jesu konyo orit. Kile Jesu, "Keero, atononi eng' kurget ak agongonyi: ngo kas chi kutinnyu ak koyat kurget, awendi ole mi ine- ndet, ak aamisie koboto ine- ndet, ak koamis inendet ko bota." — Ng'ang'utiet 3:20

"Ago tugul che kitaach ine- ndet, ko kiigochi kamuget koek lagokab Jehovah, ichek che iyani kainennyi." — Johana 1:12

KIT NE INDOCHIN SAET — 29

Ngot ko tomo isaa ak imache toretet si isaa, imuchi isub saet ne mitei yu kondoun:

Ee Kiptaiyat Jesu,
Kongoi amu kiimei eng' kimurtoiyot si iib tengekwogikyuk. Mutyo eng' tuguk tugul che yaach che kiayai. Asomin ale kaigai nyo muguleldanyu ak imeny koigeny. Amang'un Inyendet nguno itilil muguleldanyu. Kanamin iegu Yetindet ak Kiptaiyandennyu. Eng' kainetab Jesu. Amen.

KOMI JESU MUGULELDANG'UNG', ITINYE SOBONDAB KOIGENY — 30

"...Kigonech Jehovah sobondab koigeny, ak mi sobonito Werinnyi. Inendet ne tinyei Werit kotinyei sobondo..." — 1 Johana 5:11b, 12a

"...Inendet ne kasei ng'olyondennyu, ak koyani inendet ne kiiyokwa,...kagomong' eng' meet komong'ji sobondo." — Johana 5:24b

Tun kame bortang'ung', omitei ak Kiptaiyat (2 Korintoek 5:8). "...Kristo eng' okwek, kamang'unetab torornatet" (Kolosaik 1:27b).

Ngot ko kaisom Jesu konyoun kaat tengekwogikuk, ak iyani Kiptaiyat Jesu Kristo koek Yetindeng'ung', isirji kaineng'ung' yu:

OLE ITESTOI TAI ISUBI JESU — 31

Soman koitosiek kobun Bukuit ne Tilil (Ng'olyotab Jehovah) betut age tugul ak igonor eng' muguleldang'ung' ye inetigei koitosiek che ichegei che toretin. (Che chang' komitei bukuinito ming'in).

"Bunu kabusetab Jehovah sirutiet age tugul, ak kotoreti eng' konetisiet [tuguk che iyani], eng' kergong'iet, eng' kateechinet, eng' kotigonet ne mi eng' imanda." — 2 Timoteo 3:16

NG'ALALJI JESU ENG' SAET KOTUGUL — 32

Mwachi kongoi Jesu amu tuguk tugul che kororon eng' sobet. Ilosu Inendet amu tuguk che kigoyaun ak amu kigosor sobondang'ung'. Sachi kit age tugul ne imakyinige. Saa eng' kainetab Jesu.

"...Kele ngesom kiy age tugul ko u magennyi, kogasech." — 1 Johana 5:14b

"...Ngot osom Kwanda kiy age tugul, kogonok eng' kainennyu." — Johana 16:23b

"...Ak osachinige okwege...." — Jakobo 5:16b

"...Ocham bunikwok, ak osachi ichek che usok." — Matayo 5:44b

SAET NE KIINET JESU ALAMALYENNYI — 33

(Alamalyet ko chito ne isubi Jesu.)

Kilenji Jesu alamalyennyi kosa ko u ni:

"Kwandanyo ne mi kipsengwet, Ingotililit kaineng'ung'. Ingonyo bounateng'ung'. Ingoyaak eng' ng'ony mageng'ung', ko u ye kiyaei eng' kipsengwet. Konech rani amitwogikyok che bo ra. Ak inyoiywech kaat lelutikyok, ko u ye kinyochini kaat che lelwech. Amemutech ole mi yomset, ago soruech eng' ne ya. [Amu neng'ung' bounatet, ak kamuktaet, ak torornatet, agoi koigeny. Amen.]" — Matayo 6:9b-13

Nyolu kinetgei saoni. Saei kotugul kayanik saonito eng' tuuget ne mi barak kibagenge.

INETECH NG'ATUTIK TAMANU CHE BO JEHOVAH OLE KISOBTOI —34, 35
(Komang'u kurget 20)

Che bo tai ang'wan, kong'alale chamnyennyo kotokyigei Jehovah

1. "Amecheng'jige cheptalelisiek che ter, kobatena anege."

2. "Ameyachige kanamwet anan itondab kiy age tugul,...ameng'urukyi anan iot ichek...."

3. "Amemwa kainetab Jehovah Kamuktaindeng'ung' eng' tangoi...."

4. "Ibwat betutab sabato, irib, itaban."

Che bo let lo, kong'alale chamnyennyo kotokyigei chito

(tese tai) NG'ATUTIK TAMAN

5. "Teech kwandang'ung' ak komet...."

6. "Amerumisie."

7. "Amoipge." (Ibetab ge ko atebet ne ma kiyani eng' monong'otiot anan osotiot.)

8. "Amechorse."

9. "Amebaorianji chitab kokweng'ung' eng' lembech."

10. "Amegase miat...kiy age tugul ne bo chitab kokwe- ng'ung'."

KASETAB IT ENG' JEHOVAH KOIBU WOLUNETAB SAUTIKYOK

"Ak kiy age tugul ne kisome, kenyoru eng' inendet, amu kiribe ng'atutikyik, ak keyae tuguk che chamaksei eng' tainnyi." — 1 Johana 3:22

NG'ATUTIK AENG' CHE EECHEN MISING' — 36

Chamnyet ne tokyingei Jehovah

1. "Ak kilenji, `Cham Kiptaiyat Jehovah neng'ung' eng' muguleldang'ung' komugul, ak eng' sobondang'ung' komugul, ak eng' ng'omnateng'ung' komugul.' Nito ng'atutiet ne o ak ko ne bo tai." — Matayo 22:37, 38

Chamnyet ne tokyingei chito

2. "Ak ne bo aeng' ne kergei ak nito ko ni, `Cham chitab kokweng'ung' ko u ole ichamdoige.'" — Matayo 22:39

Ng'atutik tugul ko taman (pech 34 ak 35) ko mi tugul eng' Ng'atutik aeng' che eechen mising'.

CHAMNYET

CHAMNYET KO NE O ENG' TUGUL — 37, 38

"Kurgetab Chamnyet" ne o

(1 Korintoek 13:1-8, 13)

¹Agot ndang'alale kutuswekab bik ak che bo malaikaisiek, amatinye chamnyet, ko kaegu sugunwet ne cheei, anan sanitab sugunwet ne bolei. ²Ak ngot atinye konunetab maoinatet, ak angen ung'otik tugul ak naet tugul, ak ngatinye kayanet tugul, kot amuch autoe tulonok, ago matinye chamnyet, ko a buch. ³Ak ngot agoite tugukyuk tugul abae kibananok, ak ndagoite bortanyu kebeel, ago matinye chamnyet, ko magelwa kiy. ⁴Muitoi chamnyet, ak ko tala; ama tinyei chamnyet ng'etkong', malosegei chamnyet, ama menei, ⁵ama yaei ne ma nyolu, ama cheng'jingei chechik inegei, ama iiti tagisiet, ama iiti yaitio; ⁶mabaibai eng' ne ma bo imanda [ne ya], ago baibai eng' imanit; ⁷sisei eng' tuguk tugul, iyani tuguk tugul, imang'u tuguk tugul, muitoi eng' tuguk tugul. ⁸Mararu chamnyet agoi: ago ngo mitei maoinatosiek, kotun igesugei; ngo mi kutuswek che terotin, kotun, sistos; ngo mi naet, kotun igesugei. ¹³Ago tebyei nguno kayanet, kamang'unet, chamnyet, chuto somok; ago ne o eng' chuto ko chamnyet.

JEHOVAH KO CHAMNYET

"...Jehovah ko chamnyet; inendet ne menyei chamnyet komenyei Jehovah, ak komenyei Jehovah inendet." — 1 Johana 4:16b

MACHEI JESU IBAORIANJI BIK ALAK — 39

(eng' gaa, eng' skul, eng' kanisa ak eng' ui tugul)

Kile Jesu, "...Ui gong'ung' ole mi choronoguk, ak iborji tuguk che eechen che kagoyaun Kiptaiyat, ak ko u ye kagorirenen." — Mariko 5:19b

OLE KINAITOI LAKWETAB JEHOVAH NE BO IMAN — 40, 41

"Noto anyun onae ichek logoekwak." — Matayo 7:20

"Ago logoiyotab Tamirmiriet ko chamnyet, boiboiyet, kalyet muitaet, talasiet, mieindo, atepto ne kiyani, kaming'inetab ge, ribetab ge...." — Galatiek 5:22, 23a

LAKWETAB JEHOVAH NE BO IMAN KONYOCHIN KAAT ALAK

"Amu ngonyochini kaat bik kachiliilutikwak [lelutik], konyoi-

ywok kaat agine Kwandang'wong' ne bo kipsengwet." — Matayo 6:14

TUGUK 7 (TISAP) CHE WECHEI JEHOVAH

"Choto ko, konyekab menotet, ng'elyepta ne mwaei lembech, Ak eunek che tumdoi korotik che matinyei tengek; Muguleldo ne chobei kabwatutik che yaach, Kelyek che chepcheb koruachin yaitiet; Baoriat ne ma bo iman, ne mwaei lembech, Ak inendet ne kolei toiyet eng' kwenutab tupchosiek." — Kalewenaik 6:17-19

BOISIONIKAB BORTO:

"...Sokset, simdo,...saetab kanamonik, bonisiet, bunyondisiek,... nereknatosiek, toiyosiek,...kong' ne ya, bogitosiek, keiyandisiek, ak alak che u choto:...icheget che yaei tuguk che u chuto ko manyoru bounatetab Jehovah." — Galatiek 5:19-21

"...Anan chemulkwonyinik,... anan chorik, anan kipkeinik...." — 1 Korintoek 6:9c, 10a

IGOCHI JESU KONYIITIN TAMIRMIRIENNYI AK KOTILILIN

"Ak ki u choto alak eng' okwek: ago kigiunok, ago kigitabanak [keyaak otililitu],...eng' kainetab Kiptaiyat Jesu Kristo, ak eng' Tamirmirietab Jehovah nenyo." — 1 Korintoek 6:11

MITEI IMAN OLDAB LUSET — 42

(Soman Luka 16:19-26.)

Keer ile kemang'u Jesu Kristo. Indoi Inendet kai-

neng'ung' Bukuinnyi ne bo sobondo.

"Ak ngot kenyor chi age tugul ne kima kisirji bu-

kuitab sobondo, kewirjin araraitab mat." — Ng'ang'utiet 20:15

JESU KO ORET NE INEGEI NE ITEI OLE MI JEHOVAH — 43

"...Kigonech Jehovah sobondab koigeny, ak mi sobonito Werinnyi." — 1 Johana 5:11b

"Amu melektab tengek ko meet; ago konunetab chamnyet ne bo Jehovah ko sobondab koigeny eng' Kristo Jesu Kiptaiyandennyo." — Romanik 6:23

"Tinyei sobondab koigeny ne iyani Werit; ama keerei sobondo ne magase it Werit, ago tebe neregekab Jehovah baragunnyi." — Johana 3:36

"Kolenji Jesu, `A oret ak iman, ak sobondo: manyonjin chi Kwanda, ama eng' ane.'" — Johana 14:6

MITEI IMAN OLDAB KIPSENGWET — 44

Eng' keeretab Johana ne mi Ng'ang'utiet 21, ko kigeer kipsengwet ne leel ak ng'ony ne leel.

"`Ak kouus inendet beekab kong' alak tugul eng' konyekwak; ama komi meet kogeny; ama komi kateiyet kogeny, anan rirek, anan ng'wanindo: kogosiirto tuguk che bo tai.' Ak kimwa inendet ne tebe ng'echeretab laitornatet, kole, `Ogeero, ayae tuguk tugul koleelagitu.'..." — Ng'ang'utiet 21:4, 5a

Kigeer Johana kogeny Nganaset ne Tilil, Jerusalem ne leel, kochorugei ng'ony kobunu ole mi Jehovah komong'une Kipsengwet. "... Ki tahabu che tililen nganaset, ko u glasit ne tilil. Ak kigilelesonji lumeiywekab irimet ne bo nganaset eng' koik alak tugul che bo kamanutiet ne o...." — Ng'ang'utiet 21:18b, 19a

KIWO JESU KOCHOBJI GOT ICHEK TUGUL CHE IYANI INENDET — 45

"Amogochi mugulelwekwok koiimgei: oyani Jehovah, oyana agane. Mitei gorik che chang' eng' gotab Baba; nda kima ko u noto, ta kiamwawok; awendi achobwok koret. Ak ye awe achobwok koret, anyone kogeny amutok; si ole ami omite ak okwek." — Johana 14:1-3

MWACHI LOGOIYWECHU MIACH BIK ALAK

Kile Jesu, "Oba ng'ony komugul, oamjinote logoiywek che miach bik tugul." — Mariko 16:15

"...Ng'om inendet ne soru sobonwekab bik." — Kalewenaik 11:30b

ARORUTIKAB JEHOVAH ENG' LAGOKYIK — 46

"...Magoi abagakten, magoi ameten." — Hebranik 13:5b

"Amu iyomisi malaikaisiekyik koribin, Si koribin eng' ortinweguk tugul." — T. Kalosunet 91:11

"...Ama mi chi ne imuchi koreb ichek eng' eutab Baba." — Johana 10:29b

"...Ami kobotok eng' betusiek tugul, agoi kagesunetab ng'ony." —Matayo 28:20b

"Ameiywei nyalilwogik che negit inyoru....Egu ne kiyani agoi meet, si agonin kutwet ne bo sobondo." — Ng'ang'utiet 2:10

"...Ye atebe mesundeito, koegu Jehovah lapkeiyennyu." — Mika 7:8b

"Kuura, si awolun...." — Jeremia 33:3a

NYONEI JESU KOGENY — 47

Tun king'eeti chi tugul komong'une meet.

"...Amu nyonei sait, ne tun kasei kutinnyi tugul che mi ke- rerisiek, ak komong'; ng'eetyin sobondo che kiyaei ne mie; ak kong'eetyi kiruoget icheget che kiyaei ne ya." — Johana 5:28b, 29

Isib kong'eetos che kibek eng' Kristo.

"Ak achek anyun che kisoptosi, che ki ng'etunotin, keganabech koboto ichek eng' bolik, ketuiye ak Kiptaiyat eng' soet: ak ketebi anyun koboto Kiptaiyat koigeny." — 1 Tesalonikek 4:17

"...Ogenisie ak osae: amu mongen ye egune." — Mariko 13:33b

NYONUNDOI ANO JESU? — 48

"Ogeero, nyonei koboto bolik; ak tun keerei inendet konda age tugul...." — Ng'ang'utiet 1:7a

Ribegei kristoisiek che bo lembech ak maotik che bo lembech.

"Ngo Mwawok chi age tugul eng' betunoto kole, `Ogeero, mi oli Kristo, anan, olo;' ko mat oyan. Noto anyun ngo mwawok kole, `Ogeero, mitei inendet surkwen;' ko mat obe: `Ogeero, mitei inendet got ne bo orit;' ko mat oyan." — Matayo 24:23, 26

NYONEI JESU ENG' CHOKYINET ENG' BOLIKAB KIPSENGWET

"Amu u ye mong'u kalyelet eng' kong'asis, ak kegeerot agoi cherongo; egu ko u noto nyonunetab Weritab chi....Koteiyo anyun bororiosiek tugul che bo ng'ony, ak kogeer konyonei Weritab chi eng' baragutab bolik che bo kipsengwet ak kimnatet ak lilindo ne o." — Matayo 24:27, 30b

TIENDAB KALOSUNET NE BO MESTOWOT

(Tiendab Kalosunet 23)

¹Jehovah mestowondennyu; mararua kiy. ²Kona arue ole mi suswek che nyalilen; Indoiywa awa ole mi beekab kalyet. ³Isoobi sobondanyu: Indoiywa abun ortinwekab imanda agobo kainennyi.

⁴Ee, agot ngabune atebwetab uruetab meet, Ko maiywei yaitio; amu imi kobota: Igaigaa kiroktang'ung' ak siaring'ung'. ⁵Iitoi meset eng' tainnyu eng' ole mi bunikyuk: Kaiile metinnyu mwaita; kagonyi kikombennyu kot kong'irtagei.

⁶Isubota iman mieindo ak chamnyet ne tala betusiek tugul kote asobe: Ak atebe gotab Jehovah koigeny.

If you are interested in receiving additional Scripture booklets, write to the publisher in English at the address below or order online:

World Missionary Press, Inc.
P.O. Box 120
New Paris, Indiana 46553-0120 U.S.A.

World Missionary Press Home Page | Go to the Top of This Page

Hit Counter