World Missionary Press

Setani omufukuli wa KRISTO — Luyia

!Khuli nende obuhuli obukhongo okhushila amadimoni.

!Shiolenamila omubeyi, Setani, noho amadimoni tawe.

!Wowe! Khubalia abalahebwa eshimanyilo mushikalo, shiomu- khono musatsa kata khubweni "Eshimanyilo shie isolo." Kho bafuchililwe okhukulanga kata okhukusinjia ebindu.

Eshiaanzwa nende Watson Goodman

Shino shirakusibwa tawe

Setani omufukuli wa KRISTO

Likhuwa liomwami libola mbu Setani niye "Omukhulunuu we shialo shino" Omusuku wa Nyasaye khandi eshilonje eshikali shia Nyasaye — Omundu. Efwe abandu khuli khushikuri shieliye elili hakari wa KRISTO nendo Setani khukhoyile khwahule mbo mubabili bana niwina oulakhumuka, KRISTO omulonji — Emmanuel (Nyasaye elala ninefwe) nomba Setani oulitsa eshilonje omukhulundu wukiyanga Nyasaye. Okhuburira mukhufwa nende okhususumukha khwa KRISTO khwanyola obuhuli bwosi, efwe bamusubililanga nende omwoyo kwosi.

Setani atemanga mutsinjila tsinyinji okhubeya nende okhukosia abandu. Neshikhongo mukosi ne-obwinamili. KRISTO omulonji bwefwe niye oukhoyile okhwinamilwa. Khutsilanga alala nende owakhwinamilanga. Setani atemanga okhutililila abandu mushialo shiosi mutsinjila tsino: (1) Okhuiyaula okhurula khu Nyasaye (2) Okhuba omurechelefu khu amadimoni (3) Okhwinamila "Omundu wobwononi" (4) Okhwinamila "Likondo lilie" nende (5) Okhuba nende eshimashisio khumubili mana onyalilwe okhukula nomba okhukusia. Mube meso khukano kosi! —Watson Goodman

Nyasaye yalonga Lucifer neshifune eshikhongo muno mwikulu

Ndakhuraho halala nomukerubi omulindi owatsushiililwa amafura khushikulu eshitakatifu shiaNyasaye; wachendanga eyi nende eyi hakari wamachina komulilo. Walinji habwene munjilatsio okhurula khunyanga olwa walongwa okhuula obumayaanu olwa bwanyooleshela mwiwe. Khulwa obunji bwobukhalabwo bakhwitsusia amahababa, nawe niwoonoona; khulwako ndakhurusia mushikulu shiaNyasaye shinga eshionooneeshe; omukerubi tsana omulindi nakhwilusia okhurula hakari wamachina komulilo. —Ezekieli 28:12b-16

NE SHINA ESHIACHILA LUCIFER NEYONONA? — 2

Obwichinjimisii buranjililanga okhukwa, nomwoyo kwokhwilola kuranjililanga okhwisichirala. —Tsinjelo 16:18

Okhuba biosi ebili mushialo, mbu obwikombi bwomubili, nobwikombi bwetsimoni, nokhwichinjimisilia ebia muli ninabio, ebio shibirula ewaSeefwe ta, habula nebieshialo. —1 Yohana 2:16

Obumalilishi bwa oweinduli

Khulwa obunji bwobutamaanubwo, mubumayaanu bwobukhalabwo, wayonoonia habunduwo hatakatifu; ne khulwako ndarusia omulilo hakariwo, nakwo nikukhumala; ndakhukwisia likoshe khushialo mumoni tsia abo bosi abakhuhenganga. Abo bosi abakhumanya abomumbia tsiabandu bakhung'ang'aalila; okwile owamariisia; shiolabaho khandi ta. —Ezekieli 28:18, 19

Buli eshilonje shikhoyele shirie omulonji washio

Mumukhalabanilenje OMWAMI nende obusangaafu; mwitse imbeliwe nimwimba tsinyimbo. Manye mbu OMWAMI niye Nyasaye; neniye owakhulonga, neefu khuli abebe; khuli abandube, namakondi akomubwayilobwe. —Tsitsabuli 100:2, 3

OBWIYAHULI BWA LUCIFER MWENE — 3

Mako, khane waakuushe okhurula mwikulu, Eyasulwe, omwana womutsuli! Mako, khane waremilwe hasi, owakwisinjia amahanga hasi! Wasunga mumwoyokwo ori Nengulushe mwikulu, nenjinje eshifumbi shianje hekulu wetsinyininyini tsiaNyasaye; nenzikhale khushikulu shiomukhung'aano, khushihesi shielubeka lwenotsi; nengulushe nimbira khubutenje bwamaleesi; nefwanane nende Oyo Ouli Ikulu Muno.

Khane okwisiibwe hasi eMakombe, khushiakamo shiObuko. Abakhulola balakhurangaala butinyu, balakhuyililisiakhwo nibaboola bari Uno yakhaba niye omundu watsana owareesia eshialo, owatechesia oburuchi bwosi? Kho niye owakalukhasia eshialo eshitsiimi, nakwisia amatookho kashio; ouraboholola ababohebe mbu batsie ewabwe ta; noho?

Abaruchi bosi bamahanga, bosi pe, bakonela muluyali, buli mundu munzuye omwene. Nawe osukuunwe elwanyi chale nende eshilindwashio, shinga omurombo kweshisinyo, nofwalwakhwo abeerwa, abo abafumirwa nolukanga, abeeshelanga mumachina kobuko. —Isaya 14:12-19a

OKHUIYAHULA KHU NYASAYE NOKHUFWA — 4

Lucifer niye owambeli

(Henga elienya lia Lucifer okhula kharano mushitabu shia Isaya 14:13, 14 khulukara- tasi lwa khataru.)

Naye nabasunjila ari Ndamuluutsi Setani nakwile shinga oluhenu, okhurula mwikulu. —Luka 10:18

Mu abamalaika balondanga khu Setani

Nyasaye shiyalekha abamalaika ta olwa boonoona, nebutswa yabafuuba muTarataro, nababiikha mubuko bweshiilima ti, okhulindiilila eshiina. —2 Petero 2:4b

Shichila omundu akwitsanga omusumba wakeenako akamuhula. —2 Petero 2:19b

Shichila balibuukha abaKristo bobubeeyi, nabanabii bobubeeyi, nibalolosia ebilolelo ebikali nende akamakana, khulwa okhukosia kata abalobole, nikaba nikanyalikha. —Matsayo 24:24

Likulu libe nende elienya elala lionyone - Elienya lia Nyasaye elia abwene

Ne murakwisibwa khukhufwana khweshialo shino ta; ne mbu mukalukhasibwe khulwa emioyo emiyia echia muheebwa, mbu mukateeme nimukamanyila elala aka Nyasaye yeenya, niko akali amalayi, akachamisinjia, akali amalamba habwene. —Abaroma 12:2

NYASAYE NIYE OUKHOYILE OKHWINAMILWA YENYENE — 5

Isie nisie OMWAMI Nyasayewo, owakhurusia mushialo shiaMisiri. Orabeetsanga nende nyasaye oundi ta, habula isie sienyene. —Okhuka. 5:6a, 7

Mumuheelesie OMWAMI oluyali olukhoyeele eliiralie; mwitse neshiokhumuha, nimusita imbeliwe. Mumwinamile OMWAMI nimwifwalile ebiifwalo ebitakatifu. —1 Aketsindaalo 16:29

Mana Yesu namusunjila mbu Hwaho, Setani; shichila liahandiikwa mbu Omwinamilenje Omwami Nyasayewo, nomukhalabanila ye yenyene. —Matsayo 4:10

Mumwinamile oyo owalonga likulu neshialo neinyanza nende ebinoko biamatsi. —Obufwimbuli 14:7b

Mwitse, khusikame nikhumwinamila, khusikame imbeli wOMWAMI Omulonji weefwe. (Henga Gen. 1:27.) —Tsitsabuli 95:6

Abakatibwa benamilanga oweinduli

Ne eshialo shiosi shiali nishing'ang'aalila isolo tsana. Nibakwinamila okuyokha, shichila kwali nikuheelesiye isolo oburuchi bwakwo; nibachiinamila isolo. —Obufwimbuli 13:3b, 4a

SHIOLENAMILA ABAMUKIYANGA NYASAYE TAWE — 6

Setani nende amadimoni kafwolanga obwinamilwi bwomwami

Khandi, Setani namuyila mushikulu eshirambi muno, namumanyia oburuchi bwosi obwomushialo, nende oluyali lwabwo; namusunjila mbu Bino biosi ndalakhuha noba nokwa mumakulu kanje niunyinamila. —Matsayo 4:8, 9

Nabo abandu bosi abasikala, abarayeerwa namanyasio ako ta, shibamala beekalukhasie okhulekha emilimo chiamakhono kabwe, kata okhulekha okhwinamila amadimoni, nebifwanani bieitsahaabu, nebieifeetsa, nebiomukasa, nebielichina, nebiebibaho, ebiralolanga kata okhuhulila kata okhuchenda ta. —Obufwimbuli 9:20

Abenabo Nyasaye asishinjia

Nikabaho amakhwaku amanyeenyukhu akahunya obubolo, khubandu abali neshimanyilo shieisolo, abeenamilanga eshifwanani shiayo. Nibayaasibwa, buli mundu ebikholebie shinga olwa bialiniji. Nabio oluumbe nende Makombe biasukunwa munyanza eyo yomulilo. Khuno nikhwo okhufwa khwakhabili, mbu inyanza eyo yomulilo. —Obufwimbuli 16:2b; 20:13b, 14

ABAMALAIKA BAKRISTO NENDE ABAMALAIKA BASETANI — 7

Amani keabamalaika baNyasaye ne amakhongo 
okushila aka abamalaika ba Setani bakwa

Mumwitsoomie OMWAMI, inywe abamalaikabe; inywe abashila amaani, abakholanga akamalakoke. —Tsitsabuli 103:20a

Mana lihe nilibaho mwikulu; mbu Mikaeli nabamalaikabe nibaseera okuyokha. Okuyokha nakwo nikubaseera, halala nabamalaika bakwo; habula shibahula ta. —Obufwimbuli 12:7, 8a

Abo bosi shibali abaroho abakhalabani, abarumwa okhukhalabananga khulwabo abaleenjisibwa mubuhonia? —Abaheburania 1:14

Shichila alalachilisia abamalaikabe khukoko, okhukhulinda munjilatsio tsiosi. —Tsitsabuli 91:11

Abalamalaika bonoona (amadimoni, Setani) katema akanyilikha okhuyila omundu emakombe (mubuko bwokhutiba)

Nebutswa Roho akhumanyia bulayi mbu mundaalo tsiolunyuma abandi balahunzukha nibarula mu usuubili nibareka amarwi khubaroho abashiaminjia, nende ameechesio kamadimoni. —1 Timotseo 4:1

ULIA NENDE ESHIA SETANI YASIRA — 8

Omundu yalongwa khwikondo nende okhufwana khwa Nyasaye

Ne olwa yali nashiitsanga, lidimoni nilimukhupa hasi, nilimubahasia muno. Ne Yesu yakondeshela roho weshifwabwi, nahonia omwana, namukalusilia samwana. —Luka 9:42

Kristo (Nyasaye mumubili) oulimo obuonia mushima mubutakatifu nende mumatsayi

Mana Herode...yatiilwa oburima muno, naruma abandu mbu beere abaana abasiani bosi abali nibali muBetselehemu, nende mumbali tsialio tsiosi, abemiyika chibili nende abaleemakhwo, eshise shinga olwa shiali eshia yanoonelesia khubachesi abo. —Matsayo 2:16

Likhuwa lio omwami likiywa nende Setani

Mbu Nyasaye yamubooleele mbu shimulaliitsangakhwo khushia omusaala kwosi okwomumukunda, ta? Inzokha niyiboolela omukhasi yiri Okhufwa shimulafwa tawe. —Genesis 3:1b, 4

Abasubili betsusibwa nende roho omutakatifu

Shichila omusuku weenywe, Setani, achendanga shinga italanyi eyihoola, nakhaaba owa alia. —1 Petero 5:8b

SETANI NE - OMWIFWANANI — 9

Yefwanania nende eshimanyilo shiamweneshio

Ne akeshilaamo shiobubii shikalibakhwoho khandi ta. Eshifumbi shiaNyasaye neshieLikondi shilabamwo mubwenomwo; nabo abasumbabe balamukhalabanila; balamulola mumoni namumoni; ne eliiralie lilaba khubweni bwabwe. —Obufwimbuli 22:3, 4

(Henga okhwifwanania khwa Setani khulukaratasi lwa 35.)

Ashiamia injili nende obubeyi

Ne shineyindi ta; habula mbu baliho abamunyasinjia nibeenya okhushiamia injiili yaKristo. —Abagalatia 1:7

Yefwanania nende abakhalabani ba Nyasaye

Okhuba abeimbia eyo nabarume abakaatii; nabakholi ababatsa, abeefwaninjia shinga abarume baKristo. Ne ako shikakhuhuchisia ta; mbula, kata Setani yeefwaninjia shinga malaika wobulafu. —2 Abakorinzo 11:13, 14

Efilolelo fia Nyasaye fifukula amangalimwa ko bubeyi

(2 Tses. 1:9; Obufw. 13:13, 14; 19:20)

Setani yesi aruka oyo umwinamila nende aba Nyasaye bebe.

E OMWAMI Nyasaye weefwe, abaami bandi abarali iwe ta bajh khuruchilenje. —Isaya 26:13a

LEKHANA NENDE EFILONGE / EFIFWANANI — 10

Rwana rwanje, mwilinde khukebifwanani ebiinamilungwa. —1 Yohana 5:21

Orabeetsanga nende nyasaye undi ta, habula isie sienyene. Oreekholela eshifwanani eshibaatse, kata obukondo bweshindu shiosi eshili mwikulu hekulu, kata eshili mushialo hasi, kata eshili mumatsi hasi weshialo; orabiinamilanga kata okhubikhalabanila ta. —Okhurula 20:3-5a

AbaNyasaye bandi beshinyo khu Nyasaye khandi shiafu 
chiililanga omusango omusambekwomundu tawe

Okhumulula mulamulula habundu hosi omwa amahanga aka mulabukula kali nikakhalabanilangamwo abanyasaye babwe, khungulu tsirambi, khubikulu, nende mubuli musaala omutendeemu. Kho wiyile kahala oleshe okhutiilwa mumubero okwokhubalondakhwo. Orakholela OMWAMI Nyasayewo orio ta; okhuba buli shisinyo shiOMWAMI, eshia akiyanga, babikholeele abanyasaye babwe; okhuba basambilanga abanyasaye babwe kata abaana babwe abasiani nabakhaana mumulilo. —Okhuka. 12:2, 30a, 31

OKHWINAMILA EFIFWANI — 11

Obuyingwa bwokhwinamila eshifwanani

Shichila bakalukhasia obwatoto bwaNyasaye bube obubeeyi, nibeenamila nokhukhalabanila eshilonje mushilenje shiOmulonji, owitsoomibwa obushia nobushia. Amina. —Abaroma 1:25

Nebutswa Nyasaye weefwe ali mwikulu; akholanga kosi aka achama. Ebifwanani ebia beenamilanga neifeetsa neitsahaabu, nemilimo chiamakhono kabandu. Bili neminwa, ne shibiboola ta; tsimoni bili ninatsio, ne shibilola ta; bili namarwi, ne shibihulila ta; amoolu bili ninako, ne shibihunyilisia ta; bili namakhono, ne shibitiila khushindu ta; ebilenje bili ninabio, ne shibichenda ta, kata hamioyo wabio shibiboola ta. Ababibaatsanga bafwanana ninabio, kata abo bosi ababiisiikanga bali bario. —Tsitsabuli 115:3-8

Mwihaanye obwinamili bwebifwanani. Nasi shinzenya mbu musanjilane namadimoni tawe. —1 Abakorinzo 10:14b, 20b

Nabeenamili bebifwanani, nende ababeeyi bosi, omukabo kwabwe kulanyooleshela munyanza yomulilo namalsie keshiberiti eyiyiitsanga, nikhwo okhufwa khwakhabili. —Obufwimbuli 21:8b

NYASAYE AKIYANGA OKHWINAMILA EBIFWANANI — 12

Shimulabakhwo nende efifwanani munzu yenywe tawe!

Ebifwanani ebibaatse biabanyasaye babwe, mubisambe nomulilo; orakhaayilwa ifeetsa kata itsahaabu eyakhaba niyili khubio, kata okhuchibukula, tawe; oleshe okhutiilwa mumubero; okhuba neshisinyo khuMWAMI Nyasayewo. Kata oraleera eshisinyo munzuyo, omwene nokwa owomusilo, shinga shio olwa shili, ta. —Okhuka. 7:25, 26a

Abakuka babwe benamilanga amadimoni!

Nibakhalabanila ebifwanani biabwe, ebio nibikwa omubero khubo. Kata babukula abaana babwe abasiani nabakhaana, nibamalila amadimoni emisango. Niko akachila oburima bwOMWAMI nibwakha khubandube, abobulaamebwe nibamusinya. —Tsitsabuli 106:36, 37, 40

Orabiinamilanga kata okhubikhalabanila ta; okhuba isie OMWAMI Nyasayewo endi Nyasaye weimbalikha, ningalusinjia akobumayaanu bwabakuuka babwe khubaana, okhuula khulwibulo lwakhataru nende olwakhane lwabangiya. —Okhurula 20:5

OBUFUMU NE OBWOONONI — 13

Orafuchiilila omufila abe mwoyo ta. —Okhurula 22:18

Murashiukhanila abamayengo kata abebitsoyelo ta; murabakhaaba, mbu mube mwibilu khulwabwe ta. —Abalawi 19:31a

Ndalaakamia akobufila kosi akali mumukhonokwo, kata shiolabakhwo nabafumu khandi ta. —Mika 5:12

Okhuba inumba yiingana obwonooni bwobufumu, khandi obwichinjimisi bwingana obumayaanu nende emiterafi. Okhuba waloba likhuwa liOMWAMI, naye yesi yakhuloba iwe, oleshe okhuba omuruchi. —1 Samweli 15:23

Olwa olaba niwinjiile mushialo eshia OMWAMI Nyasayewo akhuheelesia, oreekakhwo okhukhola ebisinyo biamahanga ako ta. Aleshe okhunyooleshela mwinywe omundu yesi oubisia omwanawe omusiani kata omukhaana mumulilo, omundu yesi oukhupa olubu, kata omulakulusi, kata omulookooli, kata omufila, kata omulosi, kata owamayengo, kata owebitsoyelo, kata omufumu oureebanga abafwa amakhuwa, ta. Okhuba omundu yesi oukholanga amakhuwa ako nowokusinyo khuMWAMI. —Okhuka. 18:9-12a

Obufumu: Eshima shiokhurebanga abafwa amakhuwa; omulakusi.

OBULOOKOLI BWA AMAKHUWA KETSA OKHUBURIRA MUMADIMONI — 14

Fino Nyasaye akana; obusomi bwetsing'ining'ini obulakuli, 
okhwisalaka tsisalache nende tsisambililo

Muraliakhwo eshindu shiosi eshili namalasile; kata mureekhoonyela obulookooli, kata okhulakulanga ta. Mureesalaka tsisalache khulwa abafu, kata okhwisamba tsisambililo ta; isie nisie OMWAMI. —Abalawi 19:26, 28

Nebutswa inywe, murahulilanga abanabii beenywe tawe, kata abafumu beenywe, kata abamalooro beenywe, kata abebitsoyelo beenywe, kata abalookooli beenywe. —Yeremia 27:9a

Ndalaba omuloli omwangu okhufukula abafumu, nokhufukula abaheyi, nokhufukula abeetsubi bobubeeyi.... —Malaki 3:5b

Okhuba emiterafi chiboola akabutswa, nabo abalakusi balolanga akobubeeyi; abaloori baboolanga amalooro akobukaatii, nibaboola amakhuwa kobulemia amakhaya. —Zakaria 10:2a

Obulookoli: Okhurumbula akali imbeli nomba akalamanyishe munzinjila tsiobubeyi.

Obulakuli: Okhwikhonyela tsiroho tsia eshifwabi khulwa okhulakula.

OLEKHANE NENDE TSINJILA TSIOSI ETSIA OBULOOKOLI — 15

Okhwikhonyela tsiroho tsimanyishe khulwa obulookoli

Nolwa balamusunjila mbu Mureebelesie khubafumu, nende khubebitsoyelo, abeebootsanga nibahwehwela; mbula, abandu shibakhoyile okhureebelesia khuNyasaye wabwe? —Isaya 8:19a

Okhwikhonyela efiungo efia omubili nende omuterafi

Areesia ebisele, nareeba omuterafi, nahenjelesia eshini. —Ezekieli 21:21b

Okhulakulila indabushi

Abandu banje basaba obuchesiyii hashisaala shiabwe; indabushi yabwe yibakalusia amakalusio; okhuba roho yobuheyi yibashiamiye, nibalekha Nyasaye wabwe okhulonda khubuheyi. —Hosea 4:12

Eshikwoli khulwa obulookoli

Nilwo olwa Saulo yafwa khulwa obukhayibwe obwa yakholela OMWAMI,...khandi shichila yasaba obuchesiyii khumundu owamayengo, mbu amureebele. —1 Aketsindaalo 10:13, 14a

Tsisoni tsilahamba abanabii. Nabo abafumu nibakoyaasibwa;...okhuba libulaho likalusia elirula khuNyasaye. —Mika 3:7

TSINJILA ETSIA OMUKHULUNDU WESHIALO SHINO AKHOLELANGAMWO EMILIMO — 16

Abamahanga balenganga ebilolelo ebiomwikulu

Kano niko aka OMWAMI aboola; mbu Mureeka injila yamahanga, kata murafwa omwoyo khubilolelo ebiomwikulu shichila abamahanga bafwile omwoyo khulwabio, tawe. —Yeremia 10:2

Olasubira tsibarwa, nohomba okhuhenga khumakondo "Okhukhaba ikhabi" khandi olelekhula khutsinyimbo tsia madimoni nende amakondo akashiaminjia. "Shindalara eshindu shiosi eshibii eshibula obukhoonyi imbeli wetsimoni tsianje ta." (Tsitsabuli 101: 3a.) Oleshe isunga, obwikaati nende idini yafwa.

Woowe, inywe...abeekaatii! shichila mufwana shinga ebilindwa ebihoomilwe lilongo, ebilolekha elwanyi shinga ebing'oonefu, ne mukari mubeetsanga nimwitsuulemwo amakumba kabandu abafwa nende eshifwabwi shiosi. —Matsayo 23:27

Okhwiyira omwene khurula khusetani

Setani nende amadimoni shikalakhukatia mbu newiira olanyola obuhulushi muminyakhano nomba mubukhalachi tawe. "Oreera omundu ta." (Okhurula 20:13.)

Kristo yenyene niye oukhurusia mushina shiobukhalachi

OBE MESO KHUMAKHUWA KASETANI — 17

Okhuburira mubanabi bo bubeyi

Mana OMWAMI niyasunjila mbu Abanabii tsana barumbulilanga obubeeyi muliira lianje; isie shindabaruma ta, kata okhubalaka kata okhusungana ninabo ta. Bamurumbulila libisulo liobubeeyi, nobufumu obukhaya, nobukaatii obwomumioyo chiabwe. —Yeremia 14:14

Okhuburira mukhusungana nende abafwa

Khukhwimirirwa nende Nyasaye, omuruchi Daudi yasunjira omwanawe omusiani, Ne bulaano olwa afwile,...ne ye shialingalushila tawe. —2 Samweli 12:23

Osasie efifwanani, ebitabu biasetani

Kata abanjikhwo khubo abakholanga akobufumu bakhung'aasia ebitabu biabwe nibabisamba abandu bosi nibalola; nibabasia obukusi bwabio, nibanyoola nibuhela tsifeetsa ebikhumila amakhumi karaano. —Ebikhole 19:19 (Henga Gen. 35: 2-5.)

OBUSANJILANI BWOMUKHASI NENDE OMUSATSA BWALONGWA NENDE KRISTO HALALI SETANI ABUBIYINJIA — 18

Abateshania ne bakhoyile okhusanjilana bonyene

Nolubafu olwa OMWAMI Nyasaye yali nayiniye muAdamu, nalulonga omukhasi, namuleerela Adamu. Khulweshio omusaatsa alalekhanga samwana nende nyina, ahambaane nende omukhasiwe; nabo balabeetsanga omubili mulala. —Genesis 2:22, 24

Obuteeshanii bubeetsenje noluyali mubandu bosi, obulili nabwo niburoonoonekha ta; shichila Nyasaye alabayaasia abasooti nabaheyi. —Abaheburania 13:4

Ne khubateeshania embalachilisia, kata shindi isie ta, habula Omwami, mbu omukhasi ararula khumusaatsawe ta. Nebutswa naba namurulakhwo, amenye ario narateeshibungwa ta, nohomba mbu asaasanibwe nomusaatsawe. Omusaatsa naye aramwilusia omukhasiwe tawe. —1 Abakorinzo 7:10, 11

Oukholanga akobwonooni nowaSetani; okhuba Setani yoonoonanga okhurula khukhuchaaka. —1 Yohana 3:8a

OBUYILANI NENDE OBUBEYI NOKHWIHANYA OKHURULA KHU NYASAYE — 19

Oraheya ta. —Okhurula 20:14

Shichila lino nilio elia Nyasaye yeenya, mbu amukhole abatakatifu, mbu musile obuheyi. —1 Abatsesalonika 4:3

Omundu naba naheya nomukhasi wabeene, mbu ouheya nomukhasi wowashie, abaheyi abo bombi, omusaatsa nomukhasi, beerwe bwirwa; amabanga kabwe kabe khubo abeene. —Abalawi 20:10

Okhwononela omubili kukwwo omwene

Ne omubili shikuliho khulwa obuheyi ta, habula khulwa Omwami; khandi Omwami aliho khulwa omubili. Khane shimumanyile mbu emibili chieenywe nebiungo biaKristo? Mwihaanye obuheyi. Buli shionoono eshia omundu akhola shibeetsanga elwanyi womubilikwe; ne ouheya yoonoonela omubili kukwe omwene. —1 Abakorinzo 6:13b, 15a, 18

Oroonoonia omwanawo omukhaana nomukhola omutamba ta; eshialo shileshe okhukwa mubutamba, kata eshialo okhwitsulamwo akoluswa ta. —Abalawi 19:29

Obuyilani: Obusanjilani obwa omubili khubalia abashili okhuteshania.

Obuyeyi: Okhusanjilana nende ulia owa — mulateshania tawe.

SETANI YAHULWA OKHUBIRIRA MUKHUFWA KHWA KRISTO — 20

Okhuba shinga bosi olwa bafwila muAdamu, nolwa bosi balalamusibwa muKristo bario. —1 Abakorinzo 15:22

Kho shinga abaana olwa basanjilana khumabanga neinyama yomubili, ye yesi yasanjilana ario khubiatsana; mbu mana munjila yokhufwa atibie oyo owali nali nende obunyali bwokhufwa, niye Setani; khandi mbu ababoholole abo bosi abalinji mumbohe tsindaalo tsiabwe tsiosi khulwa okhuria okhufwa. —Abaheburania 2:14, 15

Ne niko akachila Omwana waNyasaye yabakalwa ebulafu, mbu amalilane emilimo chiaSetani. —1 Yohana 3:8b

Obumenyi bwa omukristo khu lwefwe

Ye yakhuhonia, nakhulanga omulango omutakatifu; shikhwali khulwa ebikhole bieefwe shinga olwa bili ta, habula khulwa tsiyemitsie nende obukoosiabwe shinga olwa bili, ebia khwaheebwa muKristo Yesu okhurula khubumeli; ne bulaano bimanyishiile mukhulolekha khwOmuhonia weefwe Kristo Yesu, owatibia okhufwa nabisula obulamu nende oburabola ta khulwa injiili. —2 Timotseo 1:9, 10

OBUHULI BWA OMUKRISTO KHU SETANI — 21

Shichila omusuku weenywe, Setani, achendanga shinga italanyi eyihoola, nakhaaba owa alia. Ne mumufukule, nimuraliile murio mubusuubili. —1 Petero 5:8b, 9a

Mwifwale ebimanulwa biosi biaNyasaye, mbu munyale okhuyinga obubatsa bwaSetani. Okhuba amabwi keefwe shikali akokhulwana nemibili namabanga ta, habula khulwananga noburuchi, nende obunyali, nende abaruchi beshialo shino eshilimwo eshiilma,...nimwiboyile mubishienje bieenywe obwatieeli, nimwifwalile khubilifu eshitsengwa shiobulunjishi, nimwifwalile mubilenje bieenywe obwirecheshi khulwa injiili yomulembe. Ne halala nende ako kosi mubukule ingabo yobusuubili, eya munyala okhusimilia orubano rwosi rwomubii, orwakha omulilo. Bukule nende ikuutwa yobuhonia, nende olukanga lwaRoho, nilwo likhuwa liaNyasaye; halala nende okhusaba khwosi nokhusaaya; sabenje buli lwosi muRoho, nimuba meeso. —Abaefeso 6:11-18a

Mumuhulilenje Nyasaye; ne mumufukule Setani, naye alamwilukha. —Yakobo 4:7

[Kristo] shichila ouli mwinywe ashila oyo ouli mushialo. [Setani] —1 Yohana 4:4b

ABUNYALI BWA KRISTO — 22

Niye omwoyo kwa Nyasaye

Nyasaye...Ne mubumaliilishi bweshise shino wakhusunjila muMwanawe, owa yakhola omwene bindu biosi; khandi mumwenoyo nimwo omwa yalonjelamwo eshibala shiosi. —Abaheburania 1:1a, 2

Abandu nibahumanila okhwechesiakhwe, shichila yabeechesia shinga omwene makhuwa, narabeechesia shinga abahandiichi ta. —Mariko 1:22

Mbu Yesu Kristo, owa amakhuwa kosi keetsa khululwe, neefu nikhubaho khululwe. —1 Abakorinzo 8:6b

Khandi yamuheelesia obunyali okhukhalaka ebiina, shichila niye Omwana wOmundu. —Yohana 5:27

Naye Yesu Kristo oyo ali khumukhono musaatsa kwaNyasaye, ewa yatsia mwikulu; abamalaika nabobunyali nabamaani bosi nibeesibwa hasiwe okhumuhulilanga. —1 Petero 3:22

Okhuba niko akachila Kristo yafwa nende okhulamukha, mbu abe Omwami wabafu nende abali mwoyo bosi. —Abaroma 14:9

Ne Yesu niyeetsa ewa bali, nababoolela mbu Ndaheebwa obunyali bwosi mwikulu khandi khushialo. —Matsayo 28:18

KRISTO ASUNGA KHANDI AKHOLA NENDE OBUNYALI — 23

Naye nasisimukha, nahalabila omuyeka, nasunjila inyanza ari Holeela, onyire tsi. Omuyeka nikuyeela, omulenjeelo omukhongo nikubaho. —Mariko 4:39

Ne mbu kho mumanye shinga Omwana wOmundu olwa ali nobunyali mushialo okhuleshela abandu ebionoono—nasunjila owelikara ari Ekhubiila mbu Buukha, wituushe licheelalio, otsie ingowo. Yabuukha; mana yeetuukha licheela elo narula imbeli wabwe bosi; kho bosi nibang'ang'aala, nibamwitsoomia Nyasaye. —Mariko 2:10-12a

Roho weshifwabwi oyo namubahasia, nayiiba nomwoyo omukhongo, namurulamwo. Bosi nabaliibwa ling'ang'a, nibareebana abeene nabeene, bari Lino nelikhuwa shi? kata buno nobwechesii shiina obuyia? okhuba alaka kata abaroho beshifwabwi nobunyali, nabo nibamuhulila! —Mariko 1:26, 27

Mana nasita ahambi natiilakhwo khushitalatalilo; abashichinga nibeema. Naboola mbu Omusooliili iwe, ekhubiila mbu buukha. Noyo owali nafwile niyeekhala, nachaaka okhuboola. Namuhaana khunyina. —Luka 7:14, 15

KRISTO AYESINJIA ABALONDI BEBE OBUNYALI NENDE AMANI AKASHILA AMANI KOSI AKOMUSUKU — 24

Mana yalanga abo Ekhumi-nababili halala, nabaheelesia amaani nende obunyali khumadimoni kosi, khandi nende okhuhonia obulwale. Lole, ndamuheele obunyali okhuseena khunzokha nende khumakatia, nende khubunyali bwosi bwomusuku oyo, kata shibulaho eshilamusaalisiakhwo ta. —Luka 9:1; 10:19

Emusunjila toto, mbu Omundu yesi oulasunjila eshikulu shino mbu Wichinje, wisukune munyanza; narakanakania mumwoyokwe ta, nebutswa nasuubila mbu aka asunga keetsa okhwikhola; alakholelwa ario. —Mariko 11:23

Yesu namusunjila mbu Noba nonyala, ta! Kosi kanyalikhanga khwoyo ousuubila. —Mariko 9:23

Nende obunyalibwe khwifwe abasuubila shinga olwa buli obukhongo okhushila. Buchelwa obukholi bwamaani akobunyalibwe. —Abaefeso 1:19

Enyala amakhuwa kosi mu oyo oungufuhasinjia. Nebutswa mwakhola obulayi olwa mwasanjilana ninasi mubusandibwi bwanje. —Abafilipi 4:13

NGALA KHUNYALA OKHURUSIA TSIROHO TSIESHIFWABI — 25

Tsikondoshele, tsilache tsirule mulira lia Yesu

Okhuba yali namusunjiile mbu Iwe roho weshifwabwi, rula mumundu oyo. Mana namureeba ari Eliiralio niwe wina? Naye namukalusia mbu Eliira lianje nisie Legioni, shichila khuli abanji. Abaroho beshifwabwi nabo nibarula nibeenjila mumbiitsi, lituuli liosi lietsimbiitsi shinga ebikhumila bibili niliminina nilikholomokha niliikhupa munyanza, nitsifwilamwo. —Mariko 5:8, 9, 13b

Yesu...yakondeshela roho oyo weshifwabwi, namusunjila mbu Iwe roho wobusilu nokhwikala amarwi, ekhulaka mbu omurulemwo, noramwinjilamwo khandi tawe. Naye nayiiba, namubahasia muno, narula, omwana naba shiomufu, okhuula olwa abanji baboola mbu Afwile. Nebutswa Yesu yamutiila omukhono, namubuusia; naye nasinjila. Ari Imbia yino shiyinyala okhurusibwa nelikhuwa liosi ta habula okhusaaya. —Mariko 9:25b-27, 29b

Paulo...nashiukhana nasunjila roho oyo ari Ekhulaka muliira liaYesu Kristo, omurulemwo. Naye namurulamwo khushise shieneshio. —Ebikhole 16:18b

ELIRA LIKHONGO LYA YESU KRISTO — 26, 27

Ne liosi liosi elia mulasaba muliira lianje, ndalalikhola, mbu Papa aheebwe oluyali muMwana. —Yohana 14:13

Ne niko akachila Nyasaye namwemekha hekulu, namuheelesia eliira elo elili ikulu khumeera kosi; mbu muliira liaYesu buli lisikamo lisikame. —Abafilipi 2:9, 10a

Ngala ndali nengalushe nende omukhaye wanje mushialo shia Africa okhukhalabanila omwami, Ndahamumusibwa mundolo eshilo nende lidimoni libi. Ngala manyila lisikamo lianje nindenyanga okhumanyisia mbo neshima, Nalio liamalalisukume nende amani lienya okhumika. Ndamala ndasunga amakhuwa kabili, "Yesu Khunya!" Abwene ne abwena liamala nelikhama, Fishili okhwikholekha kho khandi khulwa emiaka chiabura 38. Khuli nende amani amakhongo mulira lia Yesu okhushila Setani nende amadimoni kosi. Olanje khu lira lia Kristo khulwa obulakhule nende obuhonia. Obununuli.

Oweshikhana mulala yabolela omukhaye wanje nende esie, mbu Inyanga yindi yali mwisomelo, omusiani wundi yamubukula mbu batsie bachende khulubia lwe likari. Ngala bola habundu yamala natema okhumwira mbu kaloleshe mbu likari limwirire. Yamala namulaka mulira lia Yesu Kristo, omusiani mwene nauwia amani. Khulwa amani ka Yesu omusiani oyo ya-mala yachendela imbeli naye inyuma khuluchendo lwokhukalukha mwisomelo.

Oweshikhana oundi yakhubolela ngala yakaribishia abafumu munzu mumwe nashili omuraka. Olunyuma amadimoni kamala kanze okhumunyasia nikasutasutia efindu munzu Khulwa okwiyendeshelela, yamala nakarusia mulira lia Yesu. Yamala yehana khu Yesu Kristo.

Shiolabelela nomba okhulorera eshisa Setani kata amadimoni tawe. Khulwa lichomo lilie ne okhukhurusia khu Nyasaye. Omukristo weshikhulundu owali natsunwa omubili khandi amaparo nekalelukhanga obulayi tawe, yambila ngala Setani "yali namutemanga" Ndamumanyia mbu Setani niye omukali wobubeyi ne khulweshio shialasubilila elilie tawe. Ndamukondoshela mulira lia Yesu Kristo. Omusatsa oyo yamala nabola "Esangasibwe khulwa okhwitsa khukhwo" Yamala afwe tsisabato tsirano netsiwele, mumulembe. —Watson Goodman

KHUCHELASIE KHWO KRISTO NENDE SETANI — 28, 29, 30

Kristo niye Nyasaye omulonji

Okhuba mumwenoyo nimwo omwa ebindu biosi bialonjelwa, mwikulu khandi mushialo, ebindu ebilolekha nende ebindu ebiralolekha ta. —Abakolosai 1:16a

Kristo ahananga obulafu nende omulembe

Okhubaashila abeekhalanga mushiilima khandi mushiinikha shioluumbe; okhwibaalila ebilenje bieefwe munjila yomulembe. —Luka 1:79

Ne bulaano Omwami womulembe omwene amuheelesinjie omulembe tsindaalo tsiosi, munjila tsiosi. —2 Abatsesalonika 3:16a

Amaimoni nede Setani kasasinjia

Omwibi shiyeetselanga likhuwa lindi ta, habula khulwa okhwiba, nende okhwira, nende okhwonoonia. —Yohana 10:10a

Woowe khwinywe, eshialo nende inyanza! okhuba Setani wayeeshile, weenjiile mwinywe, nali noburima obunji.... —Obufwimbuli 12:12b

Setani ahananga eshilima nende eminyakhano

Injila yabamayaanu yiingana eshiilma ti. —Tsinjelo 4:19a

Ne nali eMakombe, nanyasibungwa muno, yachinguula tsimoni. —Luka 16:23a

Kristo niye obwatieli

Likhuwa oyo niyeekhola omubili, namenya mwifwe; neefu nikhulola oluyalilwe, noluyali shinga olwomwana omuteelwa waSamwana; niyeetsulamwo obukoosia nende obwatoto. Ari Nimuba nimumenya mwikhuwa lianje, kho muba abeechi banje toto; ne mulamanya obwatoto; nabwo obwatoto bulamukhola abalekhuule. —Yohana 1:14; 8:31b, 32

Kristo yetsulamwo obuyeli

Mwikhuwa lino nimwo omwa khumanyiile obuheeli, mbu shichila yahaana obulamubwe khulweefwe. —1 Yohana 3:16a

Ifwe khuheelanga, shichila 29 ye yaranjilila okhukhuheela ifwe. —1 Yohana 4:19

Setani niye samwana obubeyi

Inywe muli baseenywe Setani, nobwikombi bwaseenywe nibwo obwa mwenyanga okhukhola. Ye yalinji omwiri okhurula khukhuchaaka, narasinjila mubwatoto ta, shichila obwatoto bubula muye. Olwa aboola obubeeyi, aboola khukeke omwene; okhuba niye omubeeyi khandi nomwibusi wabwo. —Yohana 8:44

Setani arakanga isika

Eshialo nishiba nishimukiya, mumanyile mbu siesi shiangiya khale, nishishili okhumukiya inywe. —Yohana 15:18

Ne nikhuba nikhuchenda mubulafu, shinga ye olwa ali mubulafu, kho khuba nikhusanjilananga abeene nabeene, amabanga kaYesu Omwanawe nako kakhusiiyanga khubwonooni bwosi. —1 Yohana 1:7

Kristo anunulanga okhurula mubwononi

Shikhulashila muno okhuhonibwa muburima khululwe? —Abaroma 5:9b

Kristo ahananga obulamu bwobumeli

Nabwo obulamu bwobumeli mbwobuno, mbu bakhumanye iwe ouli Nyasaye watoto wenyene, nende omwenoyo owa waruma, niye Yesu Kristo. —Yohana 17:3

Setani atubulanga omwoyo

Mureekaatakaatinjia ta; Nyasaye shiachaywa tawe; okhuba shieneshio eshia omundu araaka, nishio eshia alachesa khandi. —Abagalatia 6:7

Setani asukumanga abandu okhukhola obwomooni

Oukholanga akobwonooni nowaSetani. —1 Yohana 3:8a

Setani akhuyilanga mukhufwa khweinziayo

Libanze nibo abaana bomumayaanu, ne omusuku owalimiitsa niye Setani;...Kho shinga libanze olwa lihkung'aasibwa nilisambwa nomulilo. —Matsayo 13:38b-40a

SETANI NENDE OBUHULWI BWESHIALO — 31

Bulano niye omukhulundu weshialo shino

Shindalasungana nineenyu muno khandi ta, okhuba omukhulundu weshialo shino ali okhwitsa, ne shiali neshindu khwisie ta. —Yohana 14:30

Obwo shibuli obuchesi obwikhanga niburula ikulu ta; ne nobweshinashialo, nobweshinamubili, nobweshinadimoni. Shichila aha imbalikha nobuyingani bili, habwenaho haliho obukoyaanu nebikhole biosi biobumayaanu. —Yakobo 3:15, 16

Nibamulasa Sitefano namachina, nalanjisia Omwami, nasunga ari Omwami Yesu, obukule roho yanje. Nasikama hasi, nalanga nomwoyo omukhongo, ari Omwami, orababasiliakhwo eshionoono shino ta. —Ebikhole 7:59, 60

Obwami obwaKristo mushialo

Obumeeteshi bwobukhulundubwe nende obwomulembe bubula eshiakamo. —Isaya 9:7a

OUKIYA KRISTO - OMURUCHI WESHIALO WITSANGA — 32

Omundu omwononi yayebulwa amani nende Setani

Ne bulaano, baana beefwe, khumakhuwa kokhwitsa khwOmwami weefwe Yesu Kristo nende okhukhung'aasibwa khweefwe khuye,...Omundu yesi aramukaatia munjila yosi yosi ta; shichila shiyileetsa obuhunzushi niburashieekhola ta, nende omundu oyo omukhayi okhufwimbulwa, niye omwana wobukori tsana. Niye ouyinjilisinjia, niyeeyemekha okhufukula kosi akalangwa mbu Nyasaye, kata akeenamilungwa. Kata omwene niyeekhaale muhekalu yaNyasaye, ni yeerumbulanga mbu niye Nyasaye. Mana owobukhayi alifwimbulwa, owatsana owa Omwami Yesu alamalilana khulwa okhufuura khwomuuya okhurula mumunwakwe, namukwisia omukhaya khulwa okhulolekhakhwe olwa aleetsa. —2 Abatsesalonika 2:1, 3, 4, 8

Okuyokha nikuchiheelesia obunyali bwakwo, neshifumbi shiakwo shiobwami, noburuchi obunji. Niyiheebwa oburuchi khubuli luyia nabuli bandu nabuli lulimi nabuli lihanga. —Obufwimbuli 13:2b, 7b

OMUKIYI WA KRISTO ALIKHUBANA NENDE ABAHELWA — 33

Alaboola amakhuwa akokhufukula Oyo Ouli Ikulu Muno, naluyilisia abatakatifu by Oyo Ouli Ikulu Muno; aleenya okhukalukhasia tsinduukho neitorati; nabo balaheebwa mumukhonokwe khulwa eshise, nebise bibili, neinusu yeshise. Ne abeshiina baleekhala khubuyaasii, naye alayinibwakhwo obwamibwe; ne bulaliibwa nibumalilanwa okhuula khushihesi. —Danieli 7:25, 26

Niyiheebwa oburuchi bwemiesi amakhumi kane nachibili. Niyichinga omunwa niyisindobola amanyeko khuNyasaye, niyinyeka eliiralie, neshimenyoshie, kata nende abo abamenyanga mwikulu. Khandi yafuchiililwa okhuseera abatakatifu bosi nokhubahula; niyiheebwa oburuchi khubuli luyia nabuli bandu nabuli lulimi nabuli lihanga. Nabo bosi abamenya mushialo balachiinamila, buli mundu owa eliiralie lirahandiikwa mushitabu shiobulamu shieLikondi elieerwa okhurula khumusuule ta. Omundu yesi ouli namarwi, ahulile. —Obufwimbuli 13:5b-9

Olasanenje lihe lilayi liobusuubili. —1 Timotseo 6:12a

SHIOLENAMILA ESHILOLELO SHIOMUKIYI WA KRISTO TAWE — 34

Abemilisi belikhuwa liomwami basanjilaneinga nende omukiyi wa Kristo okhubeya eshialo.

Niyibakaatia abamenya mushialo khulwa ebilolelo ebia yafuchiililwa okhukhola imbeli weisolo; niyiboolela abamenyanga mushialo okhuchikasilia isolo eyo eshifwanani, eyo eyaremwa nolukanga, nebutswa yishilinji mwoyo. Khandi niyifuchiililwa okhushiheelesia omuuya eshifwanani shieisolo eshio, mbu eshifwanani shieisolo shiboole, khandi mbu shichile abo abareenamila eshifwanani shieisolo ta, beerwe. Nayo isolo yahambwa, nende omunabii wobubeeyi halala ninayo;...abo bombi basukunwa munyanza yomulilo okuyiitsanga namalesi keshiberiti. —Obufwimbuli 13:14, 15; 19:20a

Abamwitominjia Nyasaye shibafuchililanga abaNyasaye bandi tawe

Kho alakhuhonia omwami omuruchi. Ne butswa, omwami omuruchi, omanye mbu shikhulakhalabanila abanyasayebo kata okhwinamila eshifwanani tsana eshieitsahaabu eshia wasinjisia ta. —Danieli 3:17b, 18

OMUKIYI WA KRISTO: MWIYAME NOMBA OFWE — 35

Khandi niyihachilisia bosi, abatuutu nabakhongo, abayinda naba-manani, abeebule nabasumba, mbu baheebwe eshimanyilo mushikalo shiomukhono musaatsa kata khubweni; khandi mbu omundu yesi arafuchiililwa okhukulanga kata okhukusinjia ebindu ta, habula ouli neshimanyilo tsana, nilwo eliira lieisolo kata isabu yeliira liayo. Hano niho aha obuchesi bwenyelungwa. Ouli omuchesi abasie isabu yeisolo; isabu yene yisinjilila eliira liomundu, khandi tsisabu tsietsinyukuta tsihela ebikhumi bisasaba amakhumi kasasaba natsisasaba. —Obufwimbuli 13:16-18

Inyanga indayi yitsanga khulwa abasubiri

Naye niyamboolela ari Bano nibo abarula mumasila amakali; ne bayoosiye tsingubo tsiabwe nibatsilabia mumabanga keLikondi. Inzala shiyilabaluma kata obuloho okhubalia khandi ta; kata omubasu shikulabalia, kata oluuya tawe; okhuba Likondi elili hakari weshifumbi shiobwami alabeetsanga Omwayi wabwe,...ne Nyasaye alabeeya amasika kosi mumoni tsiabwe. —Obufwimbuli 7:14b, 16, 17

WOOWE! KHU BAMWINAMILANGA OUKIYANGA KRISTO, NOMBA  OUNYOLA ESHIMASHISIO KHUMUBILI MANA ANYALILWE OKHUKULA NOMBA OKHUKUSIA — 36

Mana malaika undi, owakhataru, nalonda munyuma wabwe naboola nende omwoyo omukhongo, ari Omundu yesi naba niyeenamila isolo eyo neshifwanani shiayo, naheebwa eshimanyilo khubwenibwe, kata khushikalo shiomukhono, kho alanywa khudivai yoburaasi bwaNyasaye, eyitsukhwa ikhaya mushikombe shioburimabwe; ne alasaalisilibwa omulilo nomusaala kweshiberiti imbeli wabamalaika abatakatifu, khandi imbeli weLikondi oyo. Omwosi kwokhusaalisibwa khwabwe kulatuumuukhanga ebisoni nebisoni; kata shibalanyoola obuhuluushi bwosi ta, eshilo neshiteere, abeenamilanga isolo eyo neshifwanani shiayo, nomundu yesi ouheebwa eshimanyilo shieliira liayo. Mana ndahulila omwoyo okurula mwikulu nikusunga kuri Handiika mbu Nabeikhabi abafu abafwilanga muMwami; Roho aboola mbu Okhurula olwa leelo bahuluushenje khumilimo chiabwe; shichila batsia nebikhole biabwe. —Obufwimbuli 14:9-11, 13

OBUHULI KHU SHIMANYISIO NENDE ESHILOLELO SHIA SETANI, NYASAYE NASHILI OKHULEKHULA LIRUMA LILIE KHUSHIALO— 37

Mbu abamalaika musaafu nibali namanyasio musaafu, akeene akahelelesia; shichila muko nimwo omwa oburima bwaNyasaye buba nibuhweeleele. Khandi ndalola eshifwana shinga inyanza yeshihoo, niyitsokaanilemwo omulilo; ne abo abali nibahulile isolo yene, neshifwanani shiayo, neisabu yeliira liayo, bali nibasinjiile ahambi khunyanza eyo yeshihoo, nibali nende amatungu kaNyasaye. Mana ndahulila omwoyo omukhongo okurula muhekalu, nikuboolela abamalaika abo musaafu, mbu ............

Mutsie musundule khushilao tsindaabo etsio musaafu tsioburima bwaNyasaye. —Obufwimbuli 15:1b, 2; 16:1

Khandi nindola emioyo chia abo abali nibaremwa emirwe khulwa oburumbusi bwaYesu, khandi khulwa likhuwa liaNyasaye, nende echia abo abareenamiile isolo eyo kata eshifwanani shiayo ta,...nabo nibalamukha, nibaruka halala nende Kristo emiyika eshikhumila. —Obufwimbuli 20:4b

CHRISTO YEMINJIA LIYE LIA ARMAGEDDON — 38

Amahanga kakhung'asibwa nende efishieno khulwa obubani

Ne nibo abaroho bamadimoni, abakholanga ebilolelo; ne barulanga nibatsia khubaruchi beshialo shiosi, okhubakhung'aasilia lihe lieinduukho ikhongo yaNyasaye, oyo Ounyala biosi. Kho nibabakhung'aasilia habundu ahalangwa muluHeburania mbu Hari-Magedoni. —Obufwimbuli 16:14, 16

Kristo anunulanga eshialo shishie nende abandu bayahula, Israeli

Ne khunduukho eyo ndalakwisia Yerusalemu lichina lisitohu khumbia tsiabandu; bosi abalichinga balasaalila muno; nako amahanga kosi keshialo kalakhung'aana halala okhuliyinga. Mana OMWAMI alarula naseera amahanga ako, shinga olwa aseeranga khunyanga yelihe. Ne oluumbe olwa OMWAMI alakhupa ninalwo tsimbia tsiosi tsiabandu abaseeranga Yerusalemu ndwoluno; mbu inyama yemibili chiabwe yilabola bubola nibashisinjiile, netsimoni tsiabwe okhubolela mubiikochi mukari, netsinimi okhubolela mumunwa. —Zakaria 12:3; 14:3, 12

Nyasaye naba nakhuterela, niwina oukhuyinga? —Abaroma 8:31b

OMURUCHI WESHIALO WOMWISHO NI KRISTO — 39

Okhurula mumunwakwe mwarulamwo olukanga olumemu, olwokhuremela amahanga; ne alabaruka neindabushi yeshibia, naswala eshitiinyilo shiobululu bwoburima bwaNyasaye Ounyala-biosi. Ne yalikhwo neliira eliahandiikwa khunguboye nende khwirangolie, mbu Omuruchi wabaruchi, khandi Omwami wabaami. —Obufwimbuli 19:15, 16

Naye alarukanga ebisoni nebisoni. —Obufwimbuli 11:15b

Omukiyi wa Kristo arukaheshise eshititi, Kristo aruka 
khulwa omiaka 1000 neamala atsililila enziayo

Nebutswa balaba abakuhani ba-Nyasaye nende baKristo, nibaruka ninaye halala emiyika eshikhumila. —Obufwimbuli 20:6b

Ne mundaalo tsiabaruchi abo, Nyasaye owelikulu alaraho oburuchi oburaliakamibwa, kata obwami bwabwo okhubira butsie mumakhono koluyia lundi ta. —Danieli 2:44a

Amahanga kosi kenamile Kristo ouli omwami!

Amahanga kosi aka wakhola kaleetsa nikeenama imbeliwo, e Omwami, nikaheelesia eliiralio oluyali. —Tsitsabuli 86:9

SETANI AULWA MWIYE LIOKHUKIYA NYASAYE — 40

Nakwo okuyokha okukhongo okwo nikuhangulusibwa hasi; inzokha eyo yakhale, oyo oulangwa mbu Ibilisi, khandi Setani, omukaatii oukaatinjia eshialo shiosi; yahangulusibwa hasi khushialo, abamalaikabe nibasukunwayo halala ninaye. Mana ndahulila omwoyo omukhongo mwikulu, nikuboola mbu Bulaano buno obuhonia bwaNyasaye weefwe buulile, nobunyalibwe nobwamibwe, khandi nende oburuchi bwaKristowe; okhuba omwinjilili wabaana beefwe wasukuunwe hasi, oyo oubeenjililanga imbeli waNyasaye weefwe, eshilo neshiteere. —Obufwimbuli 12:7-10

Efimanulwa fiokhuula liye lino

Ne bamuhula khulwa amabanga keLikondi, khandi khulwa likhuwa liobuloli elia barumbuule; ne shibaheela obulamu bwabwe ta, kata okhuula khukhufwa. —Obufwimbuli 12:11

Obumalilishi bwa Setani

Omulilo nakwo nikwikha okhurula mwikulu, nikubalia. Naye Setani, owali nabakaatiye, nasukunwa munyanza eyo yomulilo namalesi keshiberiti,...ne balasaalisibungwa eshilo neshiteere, ebisoni nebisoni. —Obufwimbuli 20:9b, 10

LIKULU LIOBUMELI NELIAWINA? — 41

Omwami Kristo arukanga inziayo

E OMWAMI, obukhongo nobubwo, nobunyali, noluyali nobuhuli, nende obukhulundu; okhuba biosi ebili mwikulu nomushialo nebibio; obwami nobubwo, OMWAMI; nawe ochinguushile ikulu noba omurwe khubiosi. —1 Aketsindaalo 29:11

Okhuba shinga bosi olwa bafwila muAdamu, nolwa bosi balalamusibwa muKristo bario. Ne buli mundu mutsisinjitsie; mbu Kristo ouli omurongole; mana khukhwitsakhwe, abo abali baKristo. Mana obumaliilishi bwitsa olwa alakaamila Nyasaye Samwana obwami; olwa alaba niyaakamiye oburuchi bwosi, nende obukhulundu nende obunyali. Okhuba khatimba aruche, okhuula olwa alaba nareele abasukube bosi hasi wamakuluke. Ne omusuku oulahelelesia okhutibibwa nokhufwa. —1 Abakorinzo 15:22-26

Malaika womusaafu yakhupa olwikalwe; nichibaho emioyo emikhongo mwikulu, echiaboola mbu Obwami bweshialo bukwile obwOmwami weefwe, nende obwa Kristowe; naye alarukanga ebisoni nebisoni. —Obufwimbuli 11:15

ABASUKU BOBO NE SETANI NA MADIMONI — 42

Setani abiyinjia omubili, aretsanga mumwoyo obuyilani, Yera tsindana, yenjisia efishieno

Nabasaatsa bosi bario, balekha eshiima shioburulanda shiabakhasi, nibaashila mubwilaasi bwabwe, abasaatsa nibakholana nende abasaatsa abashiabwe akarakhoyeele ta nibeenyoolela abeene omurungo okuhela obukori bwabwe. —Abaroma 1:27

Biliho ebindu bisasaba ebia OMWAMI akiyanga, namakhono akaraatsinjia amabanga kababula eshiuku. —Tsinjelo 6:16a, 17b

Mana atsia yeenda abaroho bandi musaafu abamushila obubii; beenjila bamenyamwo; mana obu- maliilishi bwomundu oyo buba obubii okhushila shinga olwa yabeelenje. —Matsayo 12:45a

Ne ako shikakhuhuchisia ta; mbula, kata Setani yeefwaninjia shinga malaika wobulafu. —2 Abakorinzo 11:14

Khaba Nyasaye owuli mwoyo yenyene. Shiolatsia khu Nyasaye undi khulwa okhumanya akamukamba, okhusoma amayililisio, okhuona omubili nomba okhulelwa eshiroho tawe.

Shiolafuchilila okhwimililwa nende roho yilali eya Nyasaye tawe. Osubilile mundakano nende mumwami Yesu Kristo. (Henga Obufwimbuli 19:13.)

ABANJI BAKHETSE NEBASHIAMIA ABANJI — 43

Eliechesio liosi elikhurusia khunjila iyelele yobuleshelwi, nende obununuli mumatsayi ka Kristo nelio bubeyi khandi usasia.

Naye Yesu nakalusia nababoolela ari Mwirecheshe, omundu yesi aleshe okhumushiamia. Okhuba abanji bakheetsenje muliira lianje, nibaboola bari Nisie Kristo; nibabashiamia bario abanji. Khandi abanabii bobubeeyi abanji balabuushilamwo, nibashiamia abanji. —Matsayo 24:4, 5, 11

Okhuba baliho abanji aba ndamuboolelakhwo akhandi akhanji, kata bulaano emuboolela nindila amasika, aba okhuchenda khwabwe nokhwobusuku khumusalaba kwaKristo. Abeenabo, obumaliilishi bwabwe nobukori; nyasaye wabwe neinda. —Abafilipi 3:18, 19a

Obununulwi buli mumatsayi kobukusi ka Kristo

Mumanyile bulayi mbu ebia mwanunulilwa, okhurula mubwiyili bweenywe obukhaya obwa mwakaamilwa nabakuuka shibiali ebindu ebibolanga,...nebutswa kali amatsayi akolukoosi muno, shinga akelikondi elibula eshikha kata eshiroonyelesi shiosi, niko akaKristo. —1 Petero 1:18, 19

WOWE! KHWISIE OULALI OMULUNJISHI — 44

Okhuba fwesi khwikholile shinga abobukaali, obulunjishi bweefwe bwosi nibuli shinga ingubo eyonooniibwe. —Isaya 64:6a

Liruma khu Roho yeshileka

Ebia mwachendangamwo khale nimulonda khubiima bieshialo shino, nimulonda omukhulundu ulia wobunyali obwomulwanga, omuroho oyo owa bulaano akholelanga mubobukhayi. Neefwe fwesi khwali nikhumenyanga hakari wabwe nikhulonda obwikombi bwemibili chieefwe, nikhukhola akokhwenya khwomubili nende okhwampaaro. —Abaefeso 2:2, 3a

Omwami wa ashili okhuhonibwa ni Setani

Ne injiili yeefwe niyiba niyifuunikhwa toto, yibafuunishilwa abo abakoranga bonyene; omunyasaye weshialo shino abofuhasiye emioyo chiababula obusuubili abatsana, mbu obulafu bweinjiili yoluyali lwaKristo ouli likondo liene liaNyasaye, buleshe okhubashieela. —2 Abakorinzo 4:3, 4

Obuhuli buli mu Kristo

Kho bulaano khubeenabo abali muKristo Yesu shibuliho obufwilwi bweshiina tawe. —Abaroma 8:1

ABALAHONIBWA NE ABASETANI — 45

Omukunda nikwo eshialo shiosi; imwo indayi nibo abaana bobwami; libanze nibo abaana bomumayaanu. —Matsayo 13:38

Inywe muli baseenywe Setani, nobwikombi bwaseenywe nibwo obwa mwenyanga okhukhola. —Yohana 8:44a

Niko akachila khwibulwe obuyiakha mu roho ya Kristo

Okhuba omundu yesi naba nali muKristo aba omulonje omuyia; amakhuwa kakhale kaba nikamalile okhubira; lole, kosi keekaluule amayia. —2 Abakorinzo 5:17

Amakondi kanje kahulilanga omwoyo kwanje; nasi engamanyile, nako kanondangakhwo. Khandi engaheelesia obulamu bwobumeli. —Yohana 10:27, 28a

Fuchilila omwami Yesu olwalelo

Lole, bulaano buno neshise shiene shiobukoosia; khandi lole, bulaano buno neinyanga yobuhonia. —2 Abakorinzo 6:2b

Ne nikhuba nikhwiyama ebionoono bieefwe, ye nomwisiikwa khandi omulunjishi okhukhuleshela ebionoono bieefwe, nokhukhusiiya khububii bwosi. —1 Yohana 1:9

MUKRISTO KHULI NENDE OBUBULI BWEINZIAYO — 46

Niwina ounyala okhukhukabukhasia nende obuheeli bwaKristo? amatinyu noho, kata amasila, kata obusandibwi, kata eshimotso, kata eshihechenye, kata akamaraba, kata olukanga? Nebutswa mu ako kosi khuli abahuli muno khulwa omwenoyo owakhuheela. —Abaroma 8:35, 37

Shichila eshiibulwa nende Nyasaye shihulanga eshialo; ne buno nibwo obuhuli obwahula eshialo, mbu obusuubili bweefwe. —1 Yohana 5:4

Abahuli banyola efihanwa

Ouli namarwi, ahulile aka Roho asunjila tsikanisa. Oyo ouhula, ndalamuheelesiakhwo khumana eyo eyamabiswi; khandi ndalamuheelesia lichina lilafu, ne khwichina elo lilabakhwo eliira liyia nilihandiichilwe, elia oundi yesi aramanyakhwo ta, habula oyo ouliheebwa. —Obufwimbuli 2:17

Ne oyo ouhula, nende oyo oulumilila okhukhola ebikhole bianje okhuula khubumaliilishi, ndalamuheelesia obunyali khumahanga. —Obufwimbuli 2:26

Shikali mbu ifwe khubweefwe khuhela okhubala eshindu shiosi mbu shirula khwifwe, ta; ne obunyali bweefwe burula khuNyasaye. —2 Abakorinzo 3:5

WAULE OWAHEOKHALABANILE KHATSOTSELO — 47

Lelokha Nende Kristo muluyali

Kho olwa mwalamusibwa halala nende Kristo, choomenje khukali ikulu, ewa Kristo ali, niyeekhaale khumukhono musaatsa kwaNyasaye. Rekhwo omwoyo khukali ikulu, ne khukali mushialo ta. Ne Kristo ouli obulamu bweefwe olwa alibisukha, kho nineenwe mwesi mulibisulwa halala ninaye muluyali. Khulwako mufwisie ebiungo bieenywe ebili mushialo; mbiebino, mbu obuheyi, akeshifwabwi, obwilaasi, obwikombi obubii, nende likhalikhali, nilio okhwinamila ebifwanani biabutswa. Akeenako niko akachilanga oburima bwaNyasaye nibwitsa khubobukhayi. —Abakolosai 3:1, 2, 4-6

Obe mushilamo halala nende Setani inziayo

Mana alibasunjila abali khumukhono mukhasi nabo, ari Mu'rulekhwo, inywe abeenjila mushilaamo shiobubii; mutsie mumuliko kwobumeli okwakasilibwa Setani nende abamalaikabe. —Matsayo 25:41

Ababii balahunzukha batsie eMakombe, nibo abamahanga akeebilila Nyasaye. —Tsitsabuli 9:17

OBULAME BWO MWIKULU NOBUBWO — 48

Nalanga omwana omutuutu, namura hakari wabo, nasunga mbu Emuboolela toto, mbu nimuba nimurashiukhana mwaba shinga abaana abatuutu, shimuleenjilakhwo mubwami obwomwikulu nahatuutu tawe. Kho omundu yesi owituutuyia shinga omwana uno omutuutu, omwenoyo nomukhongo mubwami obwomwikulu. —Matsayo 18:2-4

Wikanile obwononi

Nabwo nibwo Yohana Omubatisii niyeelwatsanga mushitsiimi akobubatisibwi bwokhwikalukhasia khulwa obuleshelwi bwebionoono. Olunyuma lwokhutiilwa khwa Yohana, Yesu yatsia eGalilaya niyeelwatsanga Amakhuwa Amalayi kaNyasaye, nasunga ari Induukho yulile, Obwami bwaNyasaye busitile ahambi. Mwikalukhasie nimusuubilila Injili. —Mariko 1:4, 14, 15

Emukaania mbu tawe; ne nimureekalukhasia ta, mwesi mulatiba muri nanwa. —Luka 13:3

Kho mwikalukhasie, nimushiukhana, mbu ebionoono bieenywe bisiliisibwe, mbu mana tsinduukho tsiobusakulushi tsiitse khulwa okhubaho khwOmwami. —Ebikhole 3:19
(Tsililila khulukaratsai lulondakhwo.)

WIYAME KRISTO SHINGA OMUHONIA WUWO OLWALELO!

Haanila OMWAMI injilayo; omwisiichenje, naye alakhola. —Tsitsabuli 37:5

Okhuba Nyasaye yaheela muno eshialo, okhuula khukhuhaana Omwanawe omuteelwa, mbu omundu yesi oumusuubilila aleshe okhutiba, ne mbu abe nobulamu bwobumeli. —Yohana 3:16

Nabo nibakalusia mbu Suubilila Omwami Yesu, kho olahonibwa, iwe omwene nende abeinzuyo bosi. —Ebikhole 16:31

Nyasaye ahananga obunyali bwokhuba abaana bebe

Ne bosi abamwinjisia, yabaheelesia obunyali okhwikhola abaana baNyasaye, mbu abo abasuubilila eliiralie. —Yohana 1:12

Omwiyame Kristo habulafu

Okhuba noba norumbula ebulafu nende omunwakwo shinga Yesu olwa ali ye Omwami, nende okhusuubila mumwoyokwo shinga Nyasaye olwa yamulamusia mukhufwa, olahonibwa. Shichila omundu asuubila mumwoyokwe, nabasilibwa obulunjishi; khandi arumbula ebulafu nende omunwakwe, nahonibwa. Shichila lihandiiko liboola mbu Omundu yesi oumusuubilila shiakhafwimbwe omurwe ta. —Abaroma 10:9-11

If you are interested in receiving additional Scripture booklets, write to the publisher in English at the address below or order online:

World Missionary Press, Inc. 
P.O. Box 120 
New Paris, Indiana 46553-0120 U.S.A.