World Missionary Press

Satani ulwanisana ni KRESTE - Lozi

• Kuna ni ku koma ko ku tuna fahalimu a mioya ye 
maswe.
• Musike mwa lapela mupumi, Satani, kapa
madimona.
• Kaufela ba Sinyehile kuya kuile, ba ba amuhela fa
mazoho abona, kapa fa lipata za bona “nombolo ya
sibatana,” kuli ba kone ku Leka kapa ku Lekisa.


Ka ñozwi ki bo Watson Goodman       Kimpo ha ka lekiswi

Satani ulwanisana ni KRESTE

Satani ubulelwa mwa linzwi la Mulimu Kuli ki “mulena wa Lifasi Le,” hape ki sila sa Mulimu, hape ki si bupiwa sa Mulimu (ili mutu kasibili). Luna batu luinzi fa ndwa ye tuna. Ndwa ye inzi ni KRESTE ni Satani. Luna ni ku keta kwa batu ba ba beli ye kaba Mulena wa luna kuya kuile, KRESTE mubupi ili yena Emmanuele (Mulimu uinzi ni luna) kapa Satani sibupiwa-ili yena Mulena wa ba ba lwanisa lifu ni zuho ya Jesu ili le li tisize ku koma ko ku lukile ku bao ba ba lumela ku yena.

Satani u lika mwa linzila ze ñata-ñata ku puma ni kuisa batu mwa nzila ye maswe. Ku keta kwa hao kwa mafelelezo KRESTE mubupi ili ya lukelwa ku lapelwa. Lwa izibahaza ka yo lu lapela Satani ubata ku beya batu mwa butanga “Ka (1.) Tukuluho kuzwa ku Mulimu (2.) Kuteleza madimona (3.) Ku lapela “mutu wa sibi” (4.) Ku lapela “Sibupiwa” sa hae ni (5.) Liswayo fa mibili kuli mu kone ku leka kapa ku lekisa. Musabe lika ze! 
____________________________________________________________________
Text reprinted from the Bible in Lozi by permission of the United Bible Societies Africa Regional Centre, Nairobi, Kenya.

MULIMU NA SIKA BUPA MU LWANISI — 1

Mulimu na bupile Lucifer ni ku mu beya fa situlo se si tuna kwa Lihalimu

...Mulena Muñ a Bupilo s’a bulela ki se, u li: “Ki wena wa kwa pili, u na ni butali hahulu, u yo munde ku feleleza. N’o inzi mwa Edeni, mwa simu ya Mulimu; n’o kaba macwe a butokwa a mishobo kaufela, bo sardiusi, ni topazo, ni daimani, ni berilo, ni onikisi, ni jaspe, ni safiro, ni emeralda, ni karabunkele, ni gauda. Ku wena ne ku sebelizwe milupanyana ni lipala; ne li lukiselizwe zazi l’o pepwa.”

Na’ inzi bukaufi ni Lubona Lwa Mulimu

“N’o li kerubimi ye tozizwe, ye sileleza; ne ni ku beile fa lilundu le li kenile la Mulimu; n’o zamaya-zamaya mwa macwe a benya.”

No Bupilwe ka ku Luka

“N’o lukile mwa mizamao ya hao isali u pepwa, ku iasa fo bu ku fumanela bumaswe.”

Mulimu a’ Zusa Sibi

“Kabakala bulekisi bwa hao bwa ze ñata-ñata, wa ba wa tala bumaswe, mi wa eza sibi; hakulicwalo ni ku lunduzi fa lilundu la Mulimu; kakuli u silafalizwe; mi ni ku bulaile, wena kerubimi ye sileleza, u zwe mwa macwe a’ benya.” –Ezekiele 28.12-16

SE SI TISIZE LUCIFER KU EZA SIBI — 2

Buikuhumuso bu zamaya shandauko kwapili, Mi ku izinika ku isa kwa ku wa. –Liproverbia 16.18

“Pilu ya hao n’e ikuhumusize ka bunde bwa hao, n’o sinyize butali bwa hao kabakala ku benya kwa hao; ni ku wiselize fafasi, mi ni ku beile cwalo fapil’a malena, kuli ba ku bone.” –Ezekiele 28.17

Kupalelwa Kwa Mulwanisi

“Ka milatu ya hao ye miñata-ñata mwa bulekisi bwa hao bwa ku puma, u silafalize mabaka a kenile a hao; hakulicwalo ni zusize mulilo wa mo ku wena, u ku cisize; mi ni ku ezize lisita la mulola mwa lifasi mwa meto a ba ba ku bona kaufela. Macaba kaufela a’ ku ziba a ka ku komoka; u fetuhile poniso ye sabisa, mi ha u sa na ku zuswa ni kamuta.”–Ezekiele 28.18, 19

Si Bupiwa Kaufela Sina ni Ku ipeya Ku Mubupi

A mu sebeleze Muñ a Bupilo inze mu tabile; Mu itahise fapil’a hae ka lipina. Mu zibe kuli Muñ a Bupilo ki Yena Mulimu; Ki Yena ya lu bupile, mi lu ba hae; Ki luna sicaba sa hae, ni mutapi o liswa ki Yena. –Lisamu 100.2, 3

LUCIFER NAI PULELELA TUKULUHO — 3

Tato ya hae Kulwanisa Tato ya Mulimu

“U wile cwañi kwa linalimu, wena naleli ya masa, mwan’a malungasiku? U lapalalizwe cwañi fafasi, wena ya n’a hatikela macaba? N’o li mwa pilu ya hao: Ni ka kambamela kwa lihalimu, ni beye lubona lwa ka fahalimw’a linaleli za Mulimu, ni ine fa lilundu la mukopano kwa mafelelezo a Mutulo; Ni ka pahama fahalimw’a malu, mane ni likane ni Muambakani - Ya - Pahami.”

Misebezi hai Sinyiwa fa Lifasi

“Nihakulicwalo u ka wisezwa mwa sibaka sa ba ba shwile, mwa butungi bwa sikoti. Ba ba ku bona ba ka ku ukumela, ba ku talimiseze fakaufi, ba buze ba li: Kana ki yo munna ya n’a zikinyisa lifasi, ya n’a nyanganyisa ni mibuso? Yena ya fetuzi lifasi ku li eza lihalaupa, ya wisize minzi, ya n’a sa lukululi lihapwa ze mwa tolongo ya hae?”

Ki mutu ya maswe Ku Mulimu

“Haili malena kamukana ba macaba, ba lobezi ka likute, yo muñwi ni yo muñwi mwa libita la hae la bulena. Kono wena, u latezwi kwahule ni libita la hao, sina mutai o’ nyaziwa, mi sina kubo ya ba ba bulailwe ka lilumo, ba ba nepelwa mwa sikoti sa macwe ....” –Isaya 14.12-19 

KU IKAUANYA NI MULIMU KU TISA LIFU — 4

Wa Makalelo ki Satani
(Tato ya Lucifer mwa Isaya 14.13, 14 fa pampili ya bulalu.)

A li ku bona: “Ne ni talima Satani inz’a wa kwa lihalimu sina mulilo wa pula.” –Luka 10.18

Mangeloi A’o Alatelela Satani

...Mulimu n’a si ka shemuba mangeloi a n’a fosize, kono a a wiseza mwa mukoti, a tamilwe ka mawenge a lififi; mi a bulukelwa kwateñi Katulo. –II Pitrosi 2.4

Satani Wa Kona Ku Puma Batu

Isike ya ba ya sa zw’o lumela; a ka swana a ikuhumusa, mi a wela mwa katulo ya Diabulosi. –I Timotea 3.6

...Kakuli mutu h’a tuzwi ki se siñwi, u mwa butanga bwa sona. –II Pitrosi 2.19

“Kakuli ku ka taha bo-Kreste ba buhata, ni bapolofita ba buhata, mi ba ka eza liponiso ze tuna ni limakazo; mane ku pumwe ni bona ba ba ketilwe, kambe ki nto ye konahala.” –Mateu 24.24

Lihalimu Liswanela Kuba ni tato iliñwi, Yona tato ya Muña Bupilo ye Lukile

Hape, mu si ke mwaya ka ku likanyisa lifasi le; kono mu fetuhe ka ku shemunwa mwa kutwisiso ya mina, kuli mu lemuhe se si latwa ki Mulimu kana ki sifi, se sinde, se si kateleha, se si petehile. –Maroma 12

LISWANELO ZA BALAPELI KU MULIMU — 5

“U si ke wa ba ni milimu ye miñwi fapil’a ka.”–Deuteronoma 5.7

Mu fe Muñ a Bupilo kanya, ili ye swanela Libizo la hae; Mu te ni nubu, mi mu itahise fapil’a hae; Mu kubame fapil’a Muñ a Bupilo, inze mu kabile ze kenile. –I Makolonika 16.29

“...Mu mu kubamele, Ya ezize lihalimu ni lifasi, ni liwate, ni maweluwelu a mezi.” –Sinulo 14.7

Cwale Jesu a li ku yena: “Zwa Satani, kakuli ku ñozwi kuli: ‘Kubamela Mulena Mulimu wa hao, mi u sebeleze Yena a nosi.’”–Mateu 4.10

A mu taheñi, lu kubame, lu iname; Lu we ka mañwele fapil’a Muñ a Bupilo, Mubupi wa luna. (Bona Genese 1.27.) –Lisamu 95.6

(Mi Mulimu a eza mutu ka siswaniso sa Mulimu. A ba eza munna ni musali.)

Ba ba pumilwe ba lapela mu Hanyezi

...Mi lifasi kamukana la komoka sibatana. Mi ba lapela drakoni, kabakala kuli i file sibatana mata a yona; ba lapela ni sibatana ....–Sinulo 13.3, 4

MUSIKE MWA LAPELA SI LWANISI SA MULIMU — 6

Kuba ni ta kazo, ku Satani ni madimona

Diabulosi a mu isa hape fa lilundu le li lumbile hahulu, a mu bonisa mibuso kamukana ya lifasi, ni kanya ya yona. A li ku yena: “Zeo kamukana ni ka ku fa zona, ha u wa ka mañwele, wa ni kubamela.” –Mateu 4.8, 9

Mi batu ba ba sa li teñi, ba ba si ka bulawa ka lifanu zeo ze talu, ha ba si ka bakela misebezi ya mazoho a bona, mi ha ba si ka lisela ku lapela badimoma, ni milimu ya gauda, ni ya silivera, ni ya kopa, ni ya macwe, ni ya kota, ye sa koni ku bona, nihaiba ku utwa, kamba ku zamaya. –Sinulo 9.20

Mulimu wa Sinya ba lapeli ba ba Cwalo

...Sitombo se si maswe, se si butuku hahulu, kiha si imelela ku ba ba na ni nombolo ya sibatana, ba ba kubamela siswaniso sa sona. ...mi ba atulwa, mutu ni mutu, ka likezo za hae. Lifu ni libita za nepelwa mwa lisa la mulilo. Lisa la mulilo ki lifu la bubeli. –Sinulo 16. 2; 20.13, 14

Ki Na Muñ a Bupilo, ki lona Libizo la ka: Ha ni na ku fa yo muñwi kanya ya ka, kamba ku fa maswaniso a’ betilwe ze ni lum-bwa ka zona. –Isaya 42.8

MANGELOI A KRESTE NI MANGELOI A SATANI — 7

Mangeloi a Mulimu ana ni maata ku fita Mangeloi a Satani

Mu lumbeke Muñ a Bupilo mina mangeloi a hae, mina ba ba tiile ka mata, ba ba eza litaelo za hae, ba ba teeleza manzwi a hae.–Lisamu 103.20

Cwale ndwa ya lwanwa mwa lihalimu. Mikaele ni mangeloi a hae a lwanisa drakoni. Drakoni ya lwana, i na ni mangeloi a yona. Kono mangeloi a Drakoni h’a si ka tula .... –Sinulo 12.7, 8

Mangeloi a Mulimu a kenile a beleka ni ku Sileleza batu ba Mulimu

Ha ni li, kamukan’a ona ki mioya ye mwa sebelezo ya Mulimu, ye lumiwanga ku sebeleza ba ba ka yola sanda sa bupilo? –Maheberu 1.14

Kakuli u ka laela mangeloi a hae, a ku babalele mwa linzila za hao kaufela; a ka ku lwala mwa mazoho a ona, Kuli liutu la hao li si ke la kubwa ki licwe. –Lisamu 91.11, 12

Mangeloi a na wile ili ona madimona a bata Kuisa batu Kwa Lihele

Kono Moya u bulela ka ku tiisa kuli mwa linako za kwapili, ba bañwi ba ka zwa mwa tumelo, ba kumalele mioya ye puma, ni lituto za badimona. –I Timotea 4.1

KIMAÑI HAPE KI SIKAMAÑI SATANI SA TOILE — 8

Mutu, Ya Bupilwe mwa Sibupeho Sa Mulimu

Mwana h’a sutelela, moya wa mu wiseza fafasi, mi wa mu omeleza. Kono Jesu a omanya moya o maswe; a folisa mwana, mi a mu kutiseza ku ndat’ahe. –Luka 9.42

Lubasi Mbuyoti Ya Mulimu

“Ni ka fuyola ba ba ku fuyola, ni kute ba ba ku kuta; mi mishobo kamukana ya lifasi i ka fiwa mbuyoti ka wena.” –Genese 12.3

Kreste (Mulimu Mwa Nama) Ni Piliso Mwa Butu Ni Mwa Mali

Cwale Heroda h’a bona kuli u pumilwe ki babutali...a luma batu ku y’o bulaya bana kaufela ba ba mwa Betelehema, ni ba silalo kaufela sa ona, ba myaha ye mibeli ni ba banyinyani ku bao; a ya ka ku likanya nako y’a n’a buzisize babutali. –Mateu 2.16

Satani ha lwanisa linzwi la Mulimu

“...Kana ki niti kuli Mulimu u ize”: ...Noha ya alaba musali, ya li: “Ku shwa, ha mu na ku shwa.” –Genese 3.1, 4

Ku Pepwa Kwa Balumeli Ka Moya

...Daibulosi, sila sa mina u nz’a zamaya sina tau ye lila ye bata ye i ka ca. –I Pitrosi 5.8

SATANI MULIKANYISI — 9

Uli kanyisa Bulapeli

Mi ha ku sa na Anatema (se si kutilwe); se si li mwateñi ki Lubona lwa Mulimu ni lwa Ngunyana; mi batanga ba hae ba ka mu sebeleza; Mi ba ka bona pata ya hae; mi libizo la hae li ka ñolwa fa lipata za bona. –Sinulo 22.3, 4

U Sinya Evangeli Ka bupumi

Ni komokile ha mu fulalezi kapili cwalo yena ya mi bizelize mwa sishemo sa Kreste, mi mu ile kwa Evangeli isili. Isi kuli ku na ni Evangeli ye ñwi; kono ku na ni ba bañwi ba ba mi filikanya, mi ba lata ku kelusa Evangeli ya Kreste. –Magalata 1.6, 7

U Li Kanyisa ba belekisi ba Mulimu

Batu ba ba cwalo ki baapositola ba buhata, ki ba ba sebeza ka mano a maswe, ba ifetula baapositola ba Kreste. Ha ku komokisi, hailifo Satani ni yena u ifetula sibupeho sa lingeloi la liseli. –II Makorinte 11.13, 14

U likanyisa Limakazo Za Mulimu Ka buhata
(2 Mates. 2.9; Sin. 13.13, 14; 19.20)

Sina Kreste hana ni maata ku ba ba mulapela. ni Satani unga maata kwa batu ba ba mulapela kapa ba ba lapela milimu ya hae.

Wena Muñ a Bupilo Mulimu wa luna, malen’a mañwi a lu busize kwand’a hao .... –Isaya 26.13

AMUZWE KWA MILIMU — 10

Bana ba ka ba banyinyani, mu itibelele kwa milimu ya buhata.–I Joani 5.21

“U si ke wa ba ni milimu i sili fapil’a ka. U si ke wa ikezeza siswaniso se si betilwe, nihaiba siswaniso sifi kamba sifi sa linto ze kwahalimu mwa lihalimu, nihaiba sa ze mwatasi mwa lifasi, nihaiba sa ze mwa mezi mwatas’a lifasi. U si ke wa si kubamela, u si ke wa si sebeleza ....”–Exoda 20.3-5

Milimi isili i masila fapili ya muña Bupilo. Ni Kueza mutu sitabelo hakulukelwi

Mu na ni ku y’o sinyeleza mabaka kaufela, mo macaba e mu y’o hapa, a sebelelize milimu ya ona mwateñi, fa malundu a matelele ni fa malundunyana, ni mwa likota kaufela ze sa tutulehi. U tokomele he, u ka suhana wa swaseha mwa katwa, ka ku likanyisa mikwa ya ona.... U si ke wa eza Muñ a Bupilo Mulimu wa hao cwalo; kakuli ze masila kaufela z’a toile Muñ a Bupilo, ba macaba ao ki zona ze ba ezelize milimu ya bona; mbali ni bana ba bona ba bashimani ni ba basizana ba ba ciseza milimu ya bona! –Deuteronoma 12.2, 30-31

...Kabakala sibi sa moya wa ka? –Mika 6.7

Mali a Kreste a tapisa Libi.

KULAPELA MILIMU — 11 

Bumaswe bwa Kulapela milimu

Bona ba ba fetuzi niti ya Mulimu ku i eza lishano, mi ba kubamezi ni ku sebeleza sibupiwa, bakeñisa Mubupi Ya lumbwa ku ya ku ile. Amen. –Maroma 1.25

Mulimu wa luna u mwa mahalimu, S’a lata kamukana wa si eza. Maswaniso a bona a’ lapelwa, ki silivera ni gauda, ki musebezi wa mazoho a batu. A na ni milomo, bo h’a buleli; a na ni meto, bo h’a boni; a na ni lizebe, bo h’a utwi; a na ni lingo, bo h’a lupeleli; a na ni mazoho, bo h’a koni ku swala; a na ni mautu, bo h’a zamayi; ha ku zwi linzwi mwa mumizo wa ona. Ba ba a eza, ba swana sina ona; ni kamukana ba ba a sepile. –Lisamu 115.3-8

Kulapela milimu Ki Ku Lapela Diabulosi

...Mu sabe kwa sebelezo ya milimu. Batili; kono ni li, ze ba taba bahedeni, ba li tabela badimona, isi Mulimu. Mi ha ni lati kuli mu be ni kopano ni badimona. –I Makorinte 10.14, 20

Katulo ya Bulapeli bwa milimu

...Ni ba ba lapela milimu, ...siemba sa bona ki ku ya mwa lisa le li tuka la mulilo ni sulufula. Leo ki lifu la bubeli. –Sinulo 21.8

MULIMU UTOILE KU LAPELA MILIMU — 12

Kusike kwa fumanwa milimu mwa-ndu ya hao.

“Mu na ni ku cisa ka mulilo maswaniso a’ betilwe a bona; u si ke wa kenwa ki takazo ya ku lakaza silivera kamba gauda ye ku ona, u si ke wa ipulukela ona, a ka suhana a ba katwa ku wena; kakuli ki lika ze masila ku Muñ a Bupilo Mulimu wa hao; Mi ha u na ku kenya sika se si masila mwa ndu ya hao, kuli u fetuhe ya kutilwe hamoho ni sika seo ....”–Deuteronoma 7.25-26

Ki Ka bakalañi sicaba sa Mulimu hane si kenwi ki madimona mwa nako ya Kreste? Bo Kukwabona ba lapezi madimona!

Ba y’o sebeleza maswaniso a bona, mi zeo za fetuha lilaba ku bona. Ba bulaela badimona bana ba bona ba bashimani ni ba basizana. Buhali bwa Muñ a Bupilo kiha bu tukela sicaba sa hae, Mane a nyikwa ki buswa bwa hae.  –Lisamu 106.36-37, 40

U si ke wa si kubamela, u si ke wa si sebeleza; kakuli Na, Muñ a Bupilo Mulimu wa hao, ni Mulimu ya lifufa, ya nata bana kabakala bumaswe bwa bashemi ba bona, ku isa kwa baikulu ni kwa bana ba baikulu, ku ba ba ni toya. –Exoda 20.5

BULOI KAUFELA KI SIBI — 13

“U si ke wa tuhela muloi a pila.” –Exoda 22.18

“Mu si ke mwa ya ku ba ba pumbula ba ba shwile, niheba kwa balauli, ku y’o bata ku bona likelezo; mu si ke mwa y’o ba bata....”–Livitike 19.31

Ni ka zwisa buloi kwa lizoho la hao; mi balauli ha ba sa na ku ba teñi ku wena. –Mika 5.12

“Kakuli, ku ikuhum usa ku likana ni sibi sa ku eza buloi; mi bungulunde bu swana sina sebelezo ya maswaniso ni ya literafimi. Cwale kakuli u hanile taelo ya Muñ a Bupilo, ni Yena u ku hanile kwa bulena.” –I Samuele 15.23

“H’a u s’o keni mwa naha y’a ku fa Muñ a Bupilo Mulimu wa hao, u si ke wa ituta ku eza ze masila za macaba a mwateñi. Ku si ke kwa fumanwa haenu mutu ya fitisa mwan’a hae wa mushimani kamba wa musizana mwa mulilo, nihaiba mulauli ya nz’a laula, kamba sinuhi se si nze si nuha, kamba wa mabibo, kamba muloi; Kamba wa liunduma, nihaiba ya buza balimu ni baloi, kamba ya pumbula mutu ku mu eza silumba, kamba ya buza ba ba shwile. Kakuli batu kaufela ba ba eza litaba zeo ki ba masila ku Muñ a Bupilo; mi kabakala ze masila za ba eza zeo, Muñ a Bupilo wa hao wa ba lundula fapil’a hao.” –Deuteronoma 18.9-12

Bunuhi: ki kunuha lika ze sataha ka mioya ya batu ba ba shwile ka mabibo.

KUNUHA ZE SA TAHA KA MABIBO — 14

Kunuha, ni buloi, ni kuipazaka fa mibili Mulimu uli toile

“Mu si ke mwa celela se siñwi ni mali a sona; mu si ke mwa apala liunduma, mi mu si ke mwa laula. Mu si ke mwa paza mibili ya mina kabakala mafu, mi mu si ke mwa paza maswaniso fa mibili ya mina. Ki Na Muñ a Bupilo. –Livitike 19.26, 28

“Mi cwale, mina, mu si ke mwa teeleza kwa bapolofita ba mina nihaili linuhi za mina, kamba balauli ba mina, kamba ba mabibo, kamba baloi....” –Jeremia 27.9

“...Ni akufele ku ba paki ye lwanisa baloi ni babuki, ni ba ba itama ka buhata, ni ba ba tima mubeleki mali a hae, ni ba ba putelela musali wa mbelwa ni lindiala.... –Malaki 3.5

Kakuli milimu ya maswaniso i bulela ze si na tuso, balauli ba bona ba boni za buhata, ba puma ka ku talusa litolo ze ba si ka bona, ba omba-omba ka manzwi a bupumi. Kabakaleo nyangela i ikezi sina lingu, ba nyanda ki ku tokwa mulisana. –Zakaria 10.2

A mu Sepe Mulisana wa Niti

[Jesu wize,] “Pilu ya mina i si ke ya filikana; mu lumele Mulimu, ni na, mu ni lumele.” –Joani 14.1

Bulauli: Kubulela ze sa taha ka nzila ye maswe.
Buloi: buezwa ni mioya ye maswe.

KU BEYA KWA TUKO MIKWA YE MASWE YA BUNUHI — 15

Ku belekisa mioya

Ha ba ka li ku mina: “Mu y’o buza ba ba pumbula bafu, ni balauli ba ba shobota, ba ba umbuna, mu alabe mu li: Kikuli sicaba ha si na ku buza Mulimu wa sona?...” –Isaya 8.19

Kubelekisa lilama za mubili sibupiwa

“Kakuli mulena wa Babilona s’a fitile fa manganandila, fa makauhanelo a linzila ze peli. Cwale s’a kala ku laula, u nyunga masho, u buza literafimi, u tatuba sibiti.” –Ezekiele 21.21

Kubelekisa Ka milamu

Sicaba sa ka si kupa kelezo kwa siswaniso sa sona sa kota, mi ki mulamu wa sona o si supeza se si ka taha; kakuli moya wa buhule wa ba kelusa, mi ba izamaela ka buozwa kwahule ni Mulimu wa bona. –Hosea 4.12

Katulo Ya bulauli

Saule a shwa cwalo kabakala buikanyiso bwa hae, bw’a kile a ikanyiseza Muñ a Bupilo, ni kabakala linzwi la Muñ a Bupilo l’a si ka ya ka lona; ni kuli hape n’a il’o buza ku ba ba pumbula bafu, kuli a ipuzeze litaba ku bona, a sa li buzi ku Muñ a Bupilo .... –I Makolonika 10.13-14

Baboni ba ka komoka, balauli ba ka swaba...kakuli ha ku na kalabo ye zwa ku Mulimu. –Mika 3.7

LINZILA ZEO MULENA WA LIFASI LE ZA BELEKISA KA ZONA — 16

Ba macaba balatelela batu baba bulela ze satusi

“Muñ a Bupilo s’a bulela ki se, u li: Mu si ke mwa ituta mikwa ya macaba; mu si ke mwa sabiswa ki liponiso ze taha mwa lihalimu, ka ku bona kuli ba manaha a mañwi ba li saba.” –Jeremia 10.2

Musike mwa sepa mwa milyani ya “litohonolo,” kapa kuineela kwa lipina ze maswe ni maswaniso a maswe. “Ha ni na ku lumelela nto ye maswe ku taha fapil’a ka...(Lisamu 101.3.) Amutuhele kuikuhumusa kapa buipi ni bulapeli bwa buhata.

Bumai ki bwa mina...baipi! ... basizwe busweu, a’ bonahala ku ba a mande kwande, kanti mwahali a tezi masapo a batu ni ze masila kaufela. –Mateu 23.27

Kuipulaya Kuzwa Ku Diabulosi

Musike mwa lumela kuli ku ipulaya kona ku feza manyando! “U si ke wa bulaya.” (Exoda 20.13.)

Konji fela Kreste Kiyena fela ya kona ku milukulula mwa manyando ao

(A mu talime fa pampili ya 48 ni 49.)

Muñ a Bupilo ki mata a ka, ki muñ a pina ya ka; ki Yena Mulamuleli wa ka; ki Yena Mulimu wa ka, ni ka mu lumba; ki Mulimu wa ndate, ni ka mu lumbeka.–Exoda 15:2

AMUSABE BULUMIWA BWA SATANI — 17

Ka ba polofita ba buhata

Muñ a Bupilo kih’a li ku na: “Bapolofita ba polofita buhata ka Libizo la ka. Kanti ha ni si ka ba luma, nihaiba ku ba laela, kamba ku bulela ni bona; ba mi polofitela lipono za buhata, ni bulauli, ni mabubo, ni bupumi bwa mwa lipilu za bona.” –Jeremia 14.14

“Bo Kreste ba buhata ni bapolofita ba buhata ba ka itahisa, ni ku eza liponiso ni limakazo za kuli ba pume ni ba ba bizizwe, kabe ki nto ye konahala.” –Mareka 13.22

Ka ku bulela ni ba ba Shwile

Ka manzwi a Mulimu, mulena Davida na bulela ka za mwanahae, “Cwale h’a tokwahalile...yena h’a sa na ku kutela ku na.”–II Samuele 12.23

Musike mwa amboola ni mioya ye maswe, kono mu ilaele mwa libizo la Kreste Kuli izwe. Musike mwa sepa milyani Kapa Mabibo. “...Kono ku tula ki kwa Muñ a Bupilo.” (–Liproverbia 21.31)

Amusinye Maswaniso, zona libuka za Satani

“Ni ba bañata ba ba ne ba eza mabibo, ba tisa libuka za bona, ba li cisa fapil’a nyangela; ha ku balwa mali a teko ya zona, kwa fumanwa kuli a likana masheleñi a silivera a’ eza 50,000. Linzwi la Mu- lena la hula cwalo, la sebeza ka mata. –Likezo 19.19, 20 (Mubale Genese 35.2-5.)

MULIMU U TOMILE LINYALO, KONO SATANI — 18
WA LIFETULA KAPA KULI SINYA

Muñ a Bupilo a bupa musali ka likupo l’a zwisize ku Adama, mi a mu tisa ku Adama. Kamukwaocwalo munna u ka tokolomoha nd- at’ahe ni m’ahe mi u ka kumalela musal’a hae; mi ba ka ba nama i li ñwi fela. –Genese 2.22, 24

Linyalo li kutekiwe kwa batu kaufela, mi bulobalo bu tokwe masila; kakuli Mulimu u ka atula mahule ni ba ba buka. –Maheberu 13.4

Kakuli mwa ziba kuli lihule kaufela, ni wa mikwa ye maswe, ni ya lata maluwo, —ili ku sebeleza milimu, —ku bona ha ku na ya ka yola sanda sa mubuso wa Kreste wa Mulimu. –Maefese 5.5

Ku ba ba nyezi, na ba laela, isi na, kono ili Mulena, ni li: Musali a si ke a kauhana ni munn’a hae. Haiba u kauhani, a itulele, a si ke a nyalwa, kamba a kutisane ni munn’a hae. Ni yena munna a si ke a leleka musal’a hae. –I Makorinte 7.10, 11
(Amubone mwa Maroma 7.2;Mareka 10.9.)

Ya eza sibi ki wa Diabulosi, kakuli Diabulosi u eza sibi ku zwa kwa makalelo.... –I Joani 3.8

Uinzi ku yo yo teeleza

Kikuli ha mu zibi kuli ha mu ikeza batanga ba mutu ku mu utwa, mu batanga ba hae yena ye mu utwa.... –Maroma 6.16

KUBUKA NI BUHULE KI KU LWANISANA NI MULIMU — 19

“U si ke wa buka.” –Exoda 20.14

Kakuli se si latwa ki Mulimu kikuli mu be ba ba kenile, mi mu ipabalele kwa buhule. –I Matesalonika 4.3

“Mutu h’a buka ni musali wa yo muñwi, h’a buka ni musali wa mutu, munna ni musali ba ba bukile ba ka bulaiwa.” –Livitike 20.10

Ki Sibi se si Lwanisana ni Mubili wa Hao

...Cwale mubili hasi wa buhule, kono ki wa Mulena, mi Mulena ki wa mubili. Kana ha mu zibi kuli mibili ya mina ki lilama za Kreste?...Mu sabe buhule. Sibi sifi ni sifi s’a eza mutu, si kwand’a mubili wa hae; kono ya pila mwa buhule, u foseza mubili wa hae luli. –I Makorinte 6.13, 15, 18

Bashemi Bana ni ku Isileleza kwa Sibi sa ku Buka

“U si ke wa sinya mwan’a hao wa musizana ka ku mu luta buhule, kuli naha i si ke ya sinywa ki buhule, mi ya tala bumaswe. –Livitike 19.29

Kubuka: Ki ku kopana ili batu baba beli ba sika nyalana.
Buhule: Ki mutu yanyezi ayo kopana ni mutu ya nyezwi (Kapa ya nyezi).

SATANI NA KOMILWE KI LIFU LA JESU — 20

Kono cwale Kreste u zuhile kwa bafu, mi ki yena mitamuno ya ba ba lobezi. Kakuli lifu ha li tahile ka mutu, ni yona zuho ya bafu i tahile ka mutu. Kakuli sina batu kaufela ha ba shwa ka Adama, kamukwaocwalo kaufela ba ka pila hape ka Kreste. –I Makorinte 15.20-22

Cwalehe, bana sina mo ba ngela siemba mwa mali ni nama, kamukwaocwalo ni yena a nga siemba kwateñi, kuli ka lifu la hae, a felise ya sweli mubuso wa lifu mwa mata a hae, yena Diabulosi; mi a liulule batu kamukana ba ba ne ba pila bupilo bwa bona kaufela mwa butanga bwa ku saba lifu. –Maheberu 2.14, 15

...Mwan’a Mulimu h’a tahile, libaka kikuli a felise misebezi ya Diabulosi. –I Joani 3.8

U tubulisize malena ni mibuso, u ba swabisize patalaza, u ba tuzi ka sifapano. –Makolose 2.15

Ku Sashwa Kwa luna Ku Kreste

Ki Yena ya lu pilisize, mi a lu bizize ka pizo ye kenile, isi kabakala misebezi ya luna, kono ka mulelo wa hae o tiile, ni ka sishemo se lu filwe ka Jesu Kreste, pili lifasi li si ka ba teñi kale; Sishemo si bonahalisizwe ha ku tile Mupilisi wa luna Jesu Kreste, ya felisize lifu, mi a tahisize mwa liseli bupilo ni ku sa shwa, ka Evangeli. –II Timotea 1.9, 10

KU KOMA KWA MUKRESTE FAHALIMU A SATANI — 21

...Daibulosi, sila sa mina u nz’a zamaya sina tau ye lila ye bata ye i ka ca; mu hane ku yena ka ku tiya mwa tumelo.... –I Pitrosi 5.8, 9

Mu swale lilwaniso kaufela za Mulimu, kuli mu kone ku tiya kwa lunya lwa Diabulosi, kakuli ndwa ya luna ha i lwani ni mali ni nama, kono i lwana ni milonga, ni mibuso, ni malen’a lifasi le, le li lififi, ni mioya ye lunya ye mwa mabaka a kwa lihalimu. ...kuli mu kone ku tiya mwa lizazi le li maswe...mi mu apale sisilelezo sa fa sifuba, ili Ku Luka; kwa mautu mu apale za ku itukiseza ku isa Evangeli ya kozo; Fahalimw’a zeo kaufela mu swale tebe ya Tumelo, kuli ka yona mu kone ku tima masho kaufela a’ tuka, a ya maswe. Hape mu apale kuwani ya busole, ili ku Piliswa; mi mu swale lilumo la Moya, lona Linzwi la Mulimu. Mu lapele ka Moya ka nako ni nako, ka litapelo kaufela ni ka likupo.... –Maefese 6.11-18

Hakulicwalo, mu ipeye kwatas’a Mulimu; mu hanele Diabulosi, mi u ka saba ku mina. –Jakobo 4.7

...Kakuli Yena [Kreste] ya li teñi ku mina, ki yo mutuna ku fita ya li teñi mwa lifasi [Satani]. –I Joani 4.4

Kiñi Satani azwa: Kreste u ku wena!

MAATA A KRESTE — 22

Ki Yena linzwi la Mulimu

...Mulimu...cwale mwa linako ze, za mafelelezo, u bulezi ni luna ka Mwana yo a beile ku yola sanda sa lika kamukana, yo hape n’a ezize ka yena ze bupilwe kaufela. –Maheberu 1.1, 2

Batu ba butumuka kabakala tuto ya hae; kakuli n’a luta inge mutu ya na ni mata, isi sina bañoli. –Mareka 1.22

Kono ku luna, Mulimu ki a li muñwi, yena Ndate, yo linto kamukana li zwa ku Yena, ni luna lu li ku Yena; mi lu na ni Mulena a li muñwi fela, yena Jesu Kreste, ye linto kamukana li ezizwe ka yena, ni luna lu li ka yena. –I Makorinte 8.6

“Mi u mu file mata a ku atula, kakuli ki yena Mwan’a mutu.” –Joani 5.27

Yena ya ile kwa lihalimu, ya inzi ku la bulyo la Mulimu; mi mangeloi, ni malena, ni mibuso, li beilwe mwa puso ya hae. –I Pitrosi 3.22

Kakuli Kreste ha n’a shwile mi hape a pila, neli kuli a buse ba ba shwile ni ba ba pila. –Maroma 14.9

Cwale Jesu a sutelela, a ba bulelela, a li: Ni filwe bulena kaufela mwa lihalimu ni mwa lifasi. –Mateu 28.18

KRESTE WA BULELA NI KU EZA LIKEZO ZENA NI MAATA — 23

Kih’a zuha, a kuzisa moya, mi a bulclela liwate, a li: Kuza, u li tu! Mi moya wa yema, mi kwa taha ku omba kokutuna. –Mareka 4.39

Na Folisa ni Maata

“Cwalehe, kuli mu zibe kuli Mwan’a mutu u na ni mata fafasi a ku swalela libi, na ku laela,” (ku bulela Jesu ku ya omelezi luñañali,) ni li: “Nanuha, u nge bulobalo bwa hao, mi u ikele mwa ndu ya hao.” Yo a nanuha, mi h’a ngile bulobalo bwa hae, a pakisa ku zwa, inz’a bonwa ki batu kaufela; mane kaufela ba butumuka, mi ba lumba Mulimu.... –Mareka 2.10-12

Kreste na Zusa Madimona

Cwale moya o maswe wa mu bitela fafasi ka tata, mi wa zwa ku yena inz’a huwa ka linzwi le lituna. Kaufela ba komoka, ba buzana ba li: “Se kiñi? Ki tuto ye nca ye na ni mata! U laela mioya mi ya mu utwa!” –Mareka 1.26, 27

Ku Zusa Bafu ni Maata

Cwale a sutelela kwa lukutu; ba ba lu lwezi ba yema; mi Jesu a li: “Mucaha, na ku bulelela, Zuha! Mufu a zuha, mi a kala ku bulela;” mi Jesu a mu kutiseza ku m’ahe. –Luka 7.14, 15

KRESTE U FA MAATA KWA BALATELELI BA — 24
HAE FA HALIMU A MAATA A SATANI

“A mu bone, ni mi file bulena bwa kuli mu hate noha ni kabanze, ni ze mata kaufela za sila; mi ha ku na se si ka mi zwiseza kozi.” –Luka 10.19

Jesu a kopanya ba ba lishumi ka ba babeli, mi a ba fa mata ni bulena fahalimw’a mioya ye maswe, ni mata a ku folisa matuku. –Luka 9.1

“Kaniti na mi bulelela, ni li: Mutu kaufela ya ka bulelela lilundu leo kuli, Nanuha, u y’o inepela mwa liwate, a sa bilaeli mwa pilu ya hae, kono a lumela kuli s’a bulela si ka eziwa, u ka fiwa cwalo.” –Mareka 11.23

“Kaniti-niti na mi bulelela, ni li, Ya lumela ku na, ni yena u ka eza misebezi ye ni eza....”–Joani 14.12

Jesu a li ku yena: “U li, Haiba wa kona! Ku ya lumela, linto kaufela za konahala.”–Mareka 9.23

Hape mu zibe butuna bo bu sa likanyiswi bwa mata a hae ku luna balumeli, ka ze sebezwa ki mata a hae a’ sa palelwi ki se siñwi.–Maefese 1.19

Ni kona linto kamukana ka Kreste ya ni fa mata. –Mafilipi 4.13

MWA KU ZUSEZA MIOYA YE MASWE — 25

Amuzihane ni ku zilaela kuli lizwe mwa libizo la Jesu

Kakuli Jesu n’a mu bulelela, a li: “Wena moya o maswe, zwa ku mutu yo.” Mi Jesu a mu buza, a li: “Libizo la hao, ki wena mañi?” Yo a alaba, a li: “Libizo la ka, ki na Mpi, kakuli lu ba bañata.” ... honafo, mutapi wa matela fa liñope mi wa tulela mwa liwate .... –Mareka 5.8, 9, 13

...A kalimela moya o maswe ka tata, a li ku ona: “Moya wa simumu ni wa susu, na ku laela, zwa ku yena, mi u si ke wa kena ku yena hape.” Cwale moya wa zwa ka ku huwa ka linzwi le lituna, ni ka ku nyanganyisa mwana ka buhali, mi mwana a siyala inge ya shwile; mane ba bañata ba li, u shwile. Kono Jesu a swala mwana kwa lizoho, a mu yemisa; mi mwana a kutisa moyo. ...“Mushobo wo ha u konwi ku zwiswa, konji ka tapelo, ni ku itima lico.” –Mareka 9.25-27, 29

...Paulusi...a bulelela moya, a li: “Na ku laela ka Libizo la Mulena Jesu Kreste kuli u zwe ku yena.” Mi wa zwa ka nako yona yeo. –Likezo 16.18

Jesu a mu kalimela, a li: “Kuza, u zwe ku yena.” Cwale moya wa mu lapalaza fahal’a batu, mi wa zwa ku yena, u si ka mu tahiseza kozi. –Luka 4.35

BUTUNA BWA LIBIZO LA JESU KRESTE — 26

“Mi se mu ka kupa kaufela ka Libizo la ka, ni ka si eza, kuli Ndate a lumbwe ka Mwana.” –Joani 14.13

Kabakaleo Mulimu u mu pahamisize hahulu ni ku fita, mi u mu file Libizo le li fahalimw’a mabizo kamukana; kuli ka Libizo la Jesu, mañwele kaufela a kubame.... –Mafilipi 2.9, 10

Haseningile ba fumahali baka ni mabasi lwa kutela ka tumelo kwa Africa, kona ku yo belekela Kreste, Na Zuha busihu mi na utwa mioya ye maswe fahalimu aka. Mi na nyanganyisa liñwele laka kuli ni utwe kapa sika se ki sa niti, mi ni sona sa nyanganyisa liñwele laka ka maata, mi hape sa ankufa kuto swala ni mulala waka. Mi naba ni nako ya ku huwa manzwi a mabeli “Jesu ni tuse.” Kapili-pili saya, Hani si kaba ni nto ye cwalo hape mwa lilimo ze. Kuna ni maata amatuna ku Jesu fahalimu a Satani ni madimona. Ubize fa libizo la Kreste kuli u piliswe. (Maroma 10.13).

Musali yomuñwi a bulelela musalaka ni na kuli hanainzi kwa sikolo sesi pahami, Munna yo muñwi a munga ni kuzamaya ni yena mwa mukwakwa, fa sibaka se siñwi, munna yo a bata ku mubulaya kuli ku bulelwe kuli u bulailwe ki sitima. Hasa mulaela mwa libizo la Jesu Kreste, ha tokwa maata. Ka maat a Jesu musali yo aeza kuli munna yo a zamahe kwa pili anze ba kuta kwa sikolo sa bona.

Musali yo muñwi a bulelela musalaka ni na kuli nga sainzi yo muinyani na banga ni mukiti wa bulauli, kamukwa wo cwalo mioya ye maswe ya shandaula libyana kaufela, mi cwale hali zusa mwa libizo la Jesu, mi hasa mulaho wa kueza cwalo aipeya ka kutala ku Jesu.

Musike mwa utwela makeke ku Satani kapa madimona. Maemo a hae kiku mi zusa mwa nzila ya Mulimu, ni ku mi isa mwa nzila ya hae. Mulkreste yo muñwi ani bulelela kuli na kenwi ki ku pulumuka mwa mubili wa hae, nanza bulela kuli Satani wa mulika, mi na bulela kuli Satani ki mupumi yo mutuna, mi hauswaneli kulumela manzwi a hae. Mi na laela Satani kuli azwe Mi natabela kubona kozo ya Kreste kuli inzi kuyena ka lisunda ze keta lizoho a sika shwa kale. –Watson Goodman (1920-2002)

KRESTE NI SATANI BA LWANISANA — 28

Kreste Ki Yena Mulimu Ya Bupa

Kakuli linto kamukana li ezizwe ka yena, ze kwa lihalimu, ni ze mwa lifasi, ze bonwa ni ze sa bonwi, nihaiba mabona a ku busa, kamba ma- lena, kamba milonga, kamba mibuso; kaufela li ezizwe ka yena, mi li ezelizwe yena. –Makolose 1.16

Kreste ufa liseli ni kozo

“Kuli li bonise ba ba inzi mwa lififi ni mwa muluti wa lifu, mi li zamaise mautu a luna mwa nzila ya kozo.” –Luka 1.79

Mulen’a kozo, Yena ka sibili, a mi fe kozo kamita ni mwa maneku kaufela.... –II Matesalonika 3.16

Madimona ni Satani ha sinya

“Lisholi li tahanga fela ku uzwa, ku bulaya ni ku sinya ....”–Joani 10.10

“...Mu na ni bumai mina ba ba yahile mwa lifasi...kakuli Diabulosi u shetumukezi ku mina a halifile maswe, ka ku ziba kuli nako ya hae ki ye nyinyani.”–Sinulo 12.12

Satani ufa lififi ni ku nyandiswa

Kanti nzila ya ba ba maswe i swana sina lififi la busihu....–Liproverbia 4.19

...Ni mufumi a shwa, mi a y’o bulukwa. H’a li mwa lyangalilo, a s’a nyandile maswe, a inula meto.... –Luka 16. 22, 23

KRESTE NI SATANI BA LWANISANA — 29

Kreste ki yena niti

Mi Linzwi a ezwa nama, mi a t’o yaha ku luna a tezi sishemo ni niti; mi lwa buha kanya ya hae, ili kanya ye lukela Mwana wa libanda ya zwa ku Ndate. ...“Ha mu tiiseza mwa linzwi la ka, mu ka ba balutiwa ba ka ba niti; mi mu ka ziba niti, mi niti i ka mi lukulula.”–Joani 1.14; 8.31, 32

Kreste u tezi lilato

Mo lu zibezi lilato, ki Jesu h’a lu tobohezi moyo wa hae; ni luna lu swanezi ku tobohela banabahabo luna mioyo ya luna. –I Joani 3.16

Luna lwa lata, kakuli Yena u lu latile pili. –I Joani 4.19

Satani ki ndatahe lishano

“Mina mu zwa ku ndat’a mina, yena Diabulosi, mi mu lata ku eza litakazo za ndat’a mina. Ki mubulai isali kwa makalelo, mi h’a ini mwa niti, kakuli ha ku na niti ku yena; h’a bulela lishano, u bulela s’a li sona luli; kakuli ki lihata mi ki ndat’ahe lishano.” –Joani 8.44

Satani u tisa Sitoyo

“Lifasi ha li mi toya, mu zibe kuli li toile na, pili.” –Joani 15.18

Mi misebezi ya nama ya zibahala:...ki sitoyo.... –Magalata 5.19, 20

KRESTE NI SATANI BA LWANISANA  — 30

Kreste u Kenisa pilu ya mutu

Kono ha lu zamaya mwa liseli, sina Yena h’a li mwa liseli, lu na ni kopano hamoho; mi mali a Jesu Mwan’a hae a lu tapisa libi kamukana. –I Joani 1.7

Kreste Wa lukulula Kwa Sibi

Cwale ha lu se lu beilwe ba ba lukile ka mali a hae, lu ka piliswa kwa buhali bwa Mulimu, hahulu ni ku fita, kabakala hae. –Maroma 5.9

Kreste ufa Bupilo bo busafeli

“Mi bupilo bo bu sa feli, kikuli ba ku zibe, Wena, Mulimu a nosi wa niti, ni y’o lumile, yena Jesu Kreste.” –Joani 17.3

Satani u Sinya pilu ya Mutu

Mu si ke mwa ipuma, Mulimu h’a somiwi; kakuli s’a cala mutu, ki sona s’a ka kutula. Ya calela nama ya hae, u ka kutuliswa ki nama ku bola.... –Magalata 6.7, 8

Satani u tisa takazo ya kueza sibi kwa batu

Ya eza sibi ki wa Diabulosi, kakuli Diabulosi u eza sibi ku zwa kwa makalelo.... –I Joani 3.8

Satani uisa kwa Lifu le li Safeli

...mufuka ki bana ba ya maswe. Wa sitoyo ya u calile, ki Diabulosi. ...ku kumulwa...mi u ciswa.... –Mateu 13.38-40

SATANI NI LIFASI ZA BUSA — 31

Ki yena Mulena wa Lifasi le

“Ha ni sa na ku mi bulelela ze ñata; kakuli mulena wa lifasi le wa ta; mi h’a na se siñwi ku na.”–Joani 14.30

Satani ki yena Mulena wa Lifasi le Kaufela Za Saezi hande a mu mumunyaze

Butali bo bu cwalo ha bu zwi kwahalimu; kono ki bwa lifasi, bwa butu, bwa balimu. Kakuli fo ku na ni muna ni kañi, ki fo ku inzi mifilifili ni misebezi kaufela ye maswe. –Jakobo 3.15, 16

Satani hafumana sibaka, wa sinya tu kuluho ya kulapela Kreste kai ni kai. Hakoni Ku sinya pilu ya hao ya lilato ku Kreste. Ambuluke tumelo!

Ube Ya Sepahala Kuisa lifu

Ha ba nze ba mu pobaula ka macwe, Setefani a lapela, a li: “Mulena Jesu, amuhela moya wa ka!” Kihona a kubama, a huwa ka linzwi le lituna, a li: “Mulena, u si ke wa ba balela sibi se!” A man’o bulela cwalo, a itobalela. 
–Likezo 7.59, 60

Tamaiso ya Kreste Mwa Lifasi

U ka hulisa mubuso, ni ku tiisa kozo ye sa feli mwa lubona lwa Davida ni mwa mubuso wa hae; u ka u zamaisa ni ku u tiisa ka likatulo ni ka mulao, cwale, ni ku ya ku ile.... –Isaya 9.7

ANTIKRESTE–MUBUSISI WA LIFASI YA TAHA — 32

Mutu wa Sibi ufiwa Maata ku Satani

Ka za ku kuta kwa Mulen’a luna Jesu Kreste, niza ku kubukana kwa luna ku yena ...Mutu a si ke a mi puma ka mukwa o muñwi. Kakuli pili, ku swanezi ku taha kwenuho, mi ku bonahale mutu wa sibi, yena mwan’a sinyeho, ili muhanyezi ya ipahamisa fahalimw’a se si na ni libizo kaufela la Mulimu, kamba a se si lapelwa; mane u ka ina mwa Tempele ya Mulimu, a ipulele kuli ki yena Mulimu. Kiha ku ka taha Muikanyisi, ya ka bulaiwa ki Mu- lena ka moya wa mulomo wa hae, a mu yundise h’a ka iponahalisa, fa ku taha kwa hae. Yena Muikanyisi u ka taha ka mata a Satani, ka ku kona kaufela, ka limakazo ni liponiso za buhata. –II Matesalonika 2.1, 3, 4, 8-9

...Drakoni ya t’o si fa mata a yona, ni lubona lwa yona, ni taelo ye tuna. ...Hape sa fiwa mata fahalimu a masika kaufela, ni macaba, ni lipuo, ni mishobo. –Sinulo 13.2, 7

Mi ba lapela drakoni, kabakala kuli i file sibatana mata a yona; ba lapela ni sibatana, ba li: “Ki mañi ya likana ni sibatana? ki mañi ya kona ku lwana ni sona?” –Sinulo 13.4

ANTIKRESTE U KALWANISA BALUMELI — 33

U ka bulela manzwi a ku lwanisa Muambakani-ya-Pahami. U ka ba ni mulelo wa ku fetula linako ni mulao; mi ba ba kenile ba ka fiwa mwa mazoho a hae, ba nge nako ye kuma fa nako i li ñwi, ni linako, ni nako ye pumilwe fahali. Kono katulo i ka ba teñi, mi mulena yo u ka amuhiwa bulena bwa hae; bu feliswe, bu timiswe ku ya ku ile. –Daniele 7.25, 26

...Mi sa fiwa mata a ku sebeza likweli ze 42. Mi sa atamisa mulomo wa sona ku nyefula Mulimu, ku nyefula ni Libizo la hae, ni ba ba yahile mwa lihalimu. Hape sa fiwa ku lwanisa balumeli ni ku ba tula. Hape sa fiwa mata fahalimu a masika kaufela, ni macaba, ni lipuo, ni mishobo. Mi si ka lapelwa ki ba ba yahile mwa lifasi kamukana, be mabizo a bona h’a si ka ñolwa mwa Buka ya bupilo ya Ngunyana ye tabilwe haisali lifasi li tomwa. Ya na ni lizebe, a utwe.
–Sinulo 13.5-9

Lwana ndwa ye nde ya tumelo, swala bupilo bo bu sa feli bo u bizelizwe, bo n’o ipulezi ka buipulelo bo bunde fapil’a lipaki ze ñata. –I Timotea 6.12

MUSIKE MWA KUBAMELA SISWANISO SA ANTIKRESTE — 34

Ba Zamaisi ba bu lapeli bwa lifasi ba tusa Antikreste Ku eza buhata mwa lifasi.
Kulapela Kapa Kushwa!

Sa puma ba ba yahile mwa lifasi, ka limakazo ze si filwe mata a ku li eza fapil’a sibatana; sa bulelela ba ba yahile mwa lifasi kuli, sibatana se ne si tabilwe ka lilumo, mi si pilile, ba si ezeze siswaniso. Sa fiwa mata a ku fa siswaniso sa sibatana moyo, kuli siswaniso sa sibatana si bulele, mi si eze kuli ku bulawe batu kamukana ba ba hana ku kubamela siswaniso sa sibatana. Mi sibatana sa swalwa; mi hamoho ni sona kwa swalwa ni mupolofita.... Ba babeli bao ba nepelwa, inze ba pila, mwa lisa le li tuka, la mulilo ni sulufula. –Sinulo 13.14, 15; 19.20

Batu Ba Mulimu ba Toile balimu

Kakuli Mulimu wa luna ye lu sebeleza, u na ni mata a ku lu lamulela kwa liyekuyeku la mulilo o buhali, mi u ka lu lamulela mwa lizoho la hao, shangwe mulena. Mi, hakusicwalo, shangwe mulena, u zibe kuli ha lu na ku sebeleza milimu ya hao, ha lu na ku kubamela siswaniso so gauda s’o tomile. –Daniele 3.17, 18

ANTIKRESTE KU MU UTWA KAPA KU SHWA — 35

Mi sa eza kuli batu kamukana, ba banyinyani ni ba batuna, baluwi ni babotana, ba ba lukuluhile ni bazike, ba amuhele nombolo fa lizoho la bona la bulyo, kamba fa pata ya bona; ni kuli ku tokwahale mutu ya kona ku leka ni ku lekisa, konji ya na ni nombolo, ili libizo la sibatana, kamba palo ya libizo la sona. Ki mo ku inzi butali. Ya na ni kutwisiso a bale palo ya sibatana, kakuli ki palo ya mutu; mi palo ya sona ki 666. –Sinulo 13.16-18

Lizazi la taha le li tuna la balumeli

“...Boa ki ba ba zwa mwa ñalelwa ye tuna; ba tapisize liapalo za bona, ba li sweufalize mwa mali a Ngunyana. Kabakaleo, ba inzi fapil’a Lubona lwa Mulimu, mi ba mu sebeleza musihali ni busihu mwa Tempele ya hae; mi Ya inzi mwa Lubona u ka ba beya mwa mukunda wa hae. Ha ba sa na ku lapa ni ku shwa linyolwa; ha ba sa na ku ciswa ki lizazi ni ki se siñwi; Kakuli Ngunyana ya mwahali a Lubona u ka ba lisa, a ba ise kwa maweluwelu a mezi a bupilo; mi Mulimu u ka takula miyoko kaufela kwa meto a bona.”–Sinulo 7.14-17

Ki ko kunde ku kena halimu ni tala ku fita kuya kwa lihele ni-mba ye kusi!

KAUFELA BATU BA BA LAPELA ANTIKRESTE, KAPA KU AMUHELA  — 36
NOMBOLO FA MIBILI YA BONA KULI BA KONE KU LEKA KAPA KU 
LEKISA BA SINYEHILE

“Lingeloi la bulalu kiha li tatama ona ao, mi ka linzwi le lituna la li: “Mutu kaufela ya ka kubamela sibatana ni siswaniso sa sona, mi a amuhela nombolo ya sona fa pata kamba fa lizoho la hae, mutu yo u ka nwa ni yena kwa veine ya buhali bwa Mulimu, ye selilwe i si ka zwakwa, mwa sinwiso sa buhali bwa hae; mi u ka utwiswa butuku mwa mulilo ni mwa sulufura, fapil’a mangeloi a kenile, ni fapil’a Ngunyanya.”

“Mi musi wa manyando a bona u pahama ku ya ku ile; mi ha ba na pumulo, musihali ni busihu, bona ba ba lapela sibatana ni siswaniso sa sona, niheba ba ba amuhezi nombolo ya libizo la sona.”

“Ki mo ku ka bonahala ku tiiseza kwa balumeli, bona ba ba mamela litaelo za Mulimu, ni tumelo ya bona ku Jesu. Hape na utwa linzwi le li zwa kwa lihalimu, le li li, “Ñola: ‘Ba na ni mbuyoti bafu ba ba shwela ku Mulena, ku zwa cwale; “E, ku bulela Moya, kakuli ba y’o pumula kwa mi- sebezi ya bona; kakuli misebezi ya bona ya ba latelela.’” 
–Sinulo 14.9-13

KU KOMA SATANI NI NOMBOLO YA HAE KAPA — 37
SIBUPIWA BUHALI BWA MULIMU BU
SIKA TAHA KALE FA LIFASI 

“...Ya mangeloi a 7 a’ sweli likozi ze 7 za mafelelezo; kakuli ki ka zona ku ka petahala buhali bwa Mulimu. Na bona nto ye swana inge liwate la siiponi, le li kopani ni mulilo. Ba ba ne ba tuzi sibatana ni siswaniso sa sona, ni palo ya libizo la sona, ne ba yemi fa liwate la siiponi, ba sweli liharepa za Mulimu. Mi ba opela pina ya Mushe, mutang’a Mulimu, ni pina ya Ngunyana; ba li: “Mulena Mulimu Ya-Mata-Kaufela, misebezi ya hao ki ye mituna, ya komokisa. Wena Mulimu wa macaba, linzila za hao li lukile, ki za niti. Mi na utwa linzwi le lituna le li zwa mwa Tempele, le li bulelela mangeloi a 7, li li: “Mu ye, mu y’o sululela mwa lifasi linkwana ze 7 za buhali bwa Mulimu.” –Sinulo 15.1-3; 16.1

Makreste bene ba bulailwe ha ba busa

...Mi na bona mioyo ya ba ba ne ba pumilwe litoho kabakala bupaki bwa Jesu, ni kabakala Linzwi la Mulimu, ni ba ba si ka kubamela sibatana ni siswaniso sa sona, ba si ka nga nombolo fa lipata za bona ni fa mazoho a bona; mi ba pila ni ku busa ni Kreste myaha ye 1,000. –Sinulo 20.4

HARMAGEDONI NDWA YONA KRESTE YAKA YEMISA — 38

Diabulosi Hakopanya Macaba ku Lwana

Yeo, ki mioya ya badimona ye eza limakazo, ye ya kwa malen’a lifasi kamukana, ku ba kopanyeza ndwa ya lizazi le lituna la Mulimu Ya-Mata-Kaufela. Mi ya ba kubukanya mwa sibaka se si bizwa Harmagedoni, ka Siheberu. –Sinulo 16.14, 16

Kreste ha lukulula naha ya hae, ni sicaba sa hae sa Isilaele

“Bona, ni y’o eza Jerusalema sinwiso sa ku tantalikisa macaba kaufela a mwa matuko.... Hape mwa lizazi leo, ni ka eza kuli Jeru- salema ibe licwe le li bukiti kwa macaba kaufela; batu kaufela ba ba li nanula ba ka holofala, mi macaba kaufela a mwa lifasi a ka li kubukanela.” Mi cwale Muñ a Bupilo u ka zwela ku lwanisa macaba ao, mw’a lwanela ka lizazi la ndwa. Ki ye ncwa y’a ka nata ka yona Muñ a Bupilo macaba kaufela a’ lwanisize Jerusalema: Linama za mubili ya bona li ka bola inze ba yemi ka mautu; meto a bona a omelele mwa misima ya ona, ni malimi a bona a fele mwa mahanu a bona. 
–Zakaria 12.2, 3; 14.3, 12

...Mulimu h’a lu yemela, ki mañi ya ka lu lwanisa? –Maroma 8.31

KRESTE KI YENA YA KABA MUBUSISI WA MAFELELEZO — 39

Kakuli buhali bwa Mulimu bu patuluzwi, bu zwa kwa lihalimu ku lwanisa nyefulo kaufela, ni bumaswe kaufela bwa batu ba ba hatelela niti ka bumaswe. –Maroma 1.18

Mwa mulomo wa hae ne ku zwa mukwale o buhali, o ka ona u na ni ku nata macaba; mi u ka a lisa ka mulamu wa sipi; ki yena ya ka hatikela mwa silubelo sa veine ya buhali bwa mabifi a Mulimu Ya-Mata-Kaufela. U na ni libizo le li ñozwi fa siapalo ni fa silupi sa hae, ili Mulena wa malena, ni Mubusisi wa babusisi. “...Mi u ka busa ku ya ku ile.” –Sinulo 19.15, 16; 11.5

Antikreste u ka busa myaha yeinyani feela, kono Kreste u ka busa myana ye 1,000 hape u ka busa kuya kuile.
“...Kono ba ka ba baprisita ba Mulimu ni ba Kreste, mi ba ka busa ni yena myaha ye 1,000. –Sinulo 20.6

“Mi mwa mazazi a malena ao, Mulimu wa mwa lihalimu u ka tahisa mubuso o si na ku sinyeha ku ya ku ile ....  –Daniele 2.44

Macaba kaufela o’ ezize, a ka kopana fapil’a hao, a ku kubamele Muñ a Bupilo, a lumbeke Libizo la hao. –Lisamu 86.9

SATANI WA KOMIWA KWANDWA KA MAATA A MULIMU — 40

Cwale ndwa ya lwanwa mwa lihalimu. Mikaele ni mangeloi a hae a lwanisa drakoni. Drakoni ya lwana, i na ni mangeloi a yona. Kono mangeloi a Drakoni h’a si ka tula, mi sisa sa ona ha si si ka bonwa hape kwa lihalumu. Mi drakoni ye tuna, yona noha ya kale, ye bizwa Diabulosi ni Satani, ye pumanga lifasi kamukana, ya nepelwa mwa lifasi, ni mangeloi a yona a nepwa hamoho ni yona. Mi na utwa linzwi le lituna mwa lihalimu, le li li: “Cwale ku bonahala ku piliswa, ni bulena, ni mubuso wa Mulimu wa luna, ni mata a Kreste wa hae; kakuli mutami wa banyani ba luna, ya n’a ba tamanga litaba fapil’a Mulimu wa luna, musihali ni busihu, u kunupilwe.” –Sinulo 12.7-10

Lilwaniso za ku koma ndwa

“Ba mu tuzi ka mali a Ngunyana, ni ka manzwi a bupaki bwa bona; ha ba si ka lata bupilo bwa bona, ha ba si ka saba lifu.”–Sinulo 12.11

Ku palelwa kwa Satani Kwa Kuya Kuile

...Kono mulilo wa zwa mwa lihalimu, wa ba feza. Mi Diabulosi ya n’a ba shembile a kunupelwa mwa lisa la mulilo ni sulufula, fo ku na ni sibatana ni mupolofita ya buhata; mi ba ka tukufazwa musihali ni busihu, ku ya ku ile. –Sinulo 20.9-10

KIWA MANI MUBUSO WA KAMITA? — 41

Lucifer na Swanela ku teeleza litaelo kuli a tabele kanya ya lihalimu, kono ha lika kuli a buse mubuse wa Mulimu.
(Amubale Isaya 14.13, 14 fa pampili ya bulalu.)

Mulena Kreste U Busa Kuya Kuile

Butuna ki bwa hao Muñ a Bupilo, ni mata, ni libubo, ni ku koma, ni bulena. Kakuli linto kamukana ze kwa lihalimu, ni ze mwa lifasi, ki za hao. Mubuso ki wa hao Muñ a Bupilo, kakuli u pahamezi ka bulena lika kaufela.
–I Makolonika 29.11

Kakuli sina batu kaufela ha ba shwa ka Adama, kamukwaocwalo kaufela ba ka pila hape ka Kreste. Kono mutu ni mutu u ka zuha ka nako ya hae: Mitamuno ki Kreste; kihona be ili ba Kreste ba ka zuha h’a taha; Kiha ku ka taha maungulelo, nako y’a ka beya mubuso mwa mata a Mulimu Ndate, h’a sa felisize bulena kaufela, ni mibuso kaufela, ni mata kaufela. Kakuli u swanezi ku busa ku isa f’a ka beela lila za hae kaufela mwatas’a ma- utu a hae. Sila sa maungulelo s’a ka felisa ki lifu. –I Makorinte 15.22-26

Cwale lingeloi la bu 7 la liza tolombita. Mi kwa utwahala manzwi a matuna mwa lihalimu, a buela, a li: “Mubuso wa lifasi u fetuhile mubuso wa Mulen’a luna, ni wa Kreste wa hae; mi u ka busa ku ya ku ile.” –Sinulo 11.15

SATANI NI MADIMONA, BA LWANISI BA MINA — 42

Satani ki musinyi wa mubili ni kalombe, ni kubulaya bana ba ba Sainzi mwa mba ba ba si ka pepwa kale ni ku kenwa ki Madimona

Ku na ni linto ze 6 ze toilwe ki Muñ a Bupilo...Ki mazoho a’ sulula mali a’ si na mulatu.–Liproverbia 6.16, 17

“Cwale u y’o nga mioya ye miñwi iketa-lizoho ka ye mibeli, ye u fita kwa lunya; ya kena, ya ina mwateñi. Mi litaba za mutu yo za ku fela li ba maswe ku fita za kale....” –Mateu 12.45

Kamukwaocwalo ni bona banna ba tuhezi ku ina ni musali ka mukwa wa sizwalo; ba cisizwe ki ku lakazana; banna ba eza ni banna ze swabisa maswe, mi ba amuhela mo ku bona mupuzo o lukela ku lateha kwa bona.
–Maroma 1.27

Ha ku komokisi, hailifo Satani ni yena u ifetula sibupeho sa lingeloi la liseli. –II Makorinte 11.14

Mu bataule Mulimu ya pila. Musike mwa buza “balimu basili” kuli muzibe ze sa taha ni ku mifa mi nahano kuli mufole, kapa ku ba ni zamaiso ya mioya ye maswe.

Mu sike mwa ipeya kwa zamaiso ya mioya ye maswe ili yona Yesi moya wa Mulimu. Amulumele Bibele ni Mulena Jesu Kreste. (Mi u apezi siapalo se ne si cimbekilwe mwa mali; mi libizo l’a bizwa, ki linzwi la Mulimu. Sinulo 19.13.)

BA BAÑATA BA KA TAHA MI BAKA PUMA BA BAÑATA — 43

Lituto kawfela ze zusa batu kwa nzila ye nyinyani ya swalelo ya 
libi ni ku keniswa ni ku lukululwa ka mali a Kreste ki za buhata.

Jesu a ba alaba, a li: Mu bone kuli mutu a si ke a mi puma. Kakuli ba bañata ba ka taha ka Libizo la ka, inze ba li: “Ki na Kreste; mi ba bañata ba ka pumwa. Bapolofita ba buhata ba bañata ba ka taha, ba pume batu ba bañata.” –Mateu 24. 4, 5, 11

Kakuli ku na ni ba bañwi be ni mi bulelezi za bona hañata, mi ni cwale ni sa ba bulela ka ku lila miyoko, ni li, ki lila za sifapano sa Kreste; Ku fela kwa bona ikaba ku sinyeha; mulimu wa bona ki mba .... –Mafilipi 3.18, 19

Muswalele mi mu ka swalelwa

“Kakuli ha mu swalela batu lifoso za bona, Ndat’a mina ya kwa lihalimu u ka mi swalela ni mina.” –Mateu 6.14

Mali a bu tokwa a Kreste a lukulula

Mu nze mu ziba kuli hasi ka ze bola, hasi ka silivera ni gauda,... Kono ki ka mali a Kreste, a butokwa, a’ swana sina a ngunyana ye si na se si nyazahala kamba litiba; Mina ba ba lumezi ku Mulimu ya mu zusize kwa bafu....
–I Pitrosi 1.18, 19, 21 

NI MUTU YA MAIBILE CWAÑI — 44

Ya zamaiswa ki Sibi

Kaufel’a luna se lu fetuhile ba ba na ni masila, mi ku luka kwa luna kaufela ku likana ni likatana ze nyenyisa; mi lwa letuka kaufela sina litali, bumaswe bwa luna bwa lu isa sina moya. –Isaya 64.6

Katulo fa moya wa buikanyisi

Ili ze ne mu ya ka nzila ya zona kale, ka mukwa wa lifasi le, ka mukwa wa mulena muñ a mata a’ inzi mwa sibaka sa mbyumbyulu, ili moya o nz’o sebeza mwa bana ba ba ikanyisa. Ni luna kaufela ne lu li ba ku bona pili, lu nze lu ya ka litakazo za nama ya luna, lu eza se si latwa ki nama ni ki maikuto a luna; mi ka ku pepwa kwa luna ne lu li bana ba buhali sina ba bañwi. –Maefese 2.2, 3

Satani u Zamaisa ba ba si ka Piliswa

Evangeli ya luna haiba i kwahezwi, i kwahelezwi ba ba shwa; Ili ba ba sa lumeli, bao mulimu wa lifasi le u foufalize kutwisiso ya bona, kuli ba si ke ba bonisezwa liseli la Evangeli ya kanya ya Kreste ye li siswaniso sa Mulimu.
–II Makorinte 4.3, 4

Ku Kreste Kuna ni ku Koma

Hakulicwalo, ha ku sa na katulo cwale, nihaiba i liñwi, ku ba ba li ku Jesu Kreste. –Maroma 8.1

BATU BA BA SI KA PILISWA KI BA SATANI — 45

“Simu ki lifasi; peu ye nde ki bana ba mubuso; mufuka ki bana ba ya maswe.” –Mateu 13.38

“Mina mu zwa ku ndat’a mina, yena Diabulosi, mi mu lata ku eza litakazo za ndat’a mina....”–Joani 8.44

Bakeñisa Adama batu ba lwanisa Mulimu

“Ya sa ni lwaneli, wa ni lwanisa; ya sa kubukanyi ni na, wa hasanya.” –Mateu 12.30

Kona haluswanela ku pepwa sinca ka moya wa Kreste

Hakubacwalo, mutu h’a li ku Kreste, ki ya bupilwe sinca; za kale li felile, mi linto kaufela li fetuhile ze nca. –II Makorinte 5.17

Lingu za ka, li utwa linzwi la ka; na li ziba, mi za ni latelela. Ni li fa bupilo bo bu sa feli ....–Joani 10.27, 28

A muipe ku Mulena Jesu Cwale

...Bona, nako ye swanela ki ya cwale; bona, lizazi la ku pilisa ki le. –II Makorinte 6.2

Ha lu ipulela libi za luna, Mulimu ki Ya sepahala, Ya lukile, kuli a lu swalele libi, mi a lu tapise bumaswe kaufela. –I Joani 1.9

KU TULA KWA KU YA KWILE KU KRESTE — 46

Ki mañi ya ka lu kauhanya ni lilato la Kreste. Kikuli ikaba butata, kamba ñalelwa, kamba manyando, kamba tala, kamba mapunu, kamba kozi, kamba lilumo? –Maroma 8.35, 37

Kakuli se si pepilwe ki Mulimu kamukana si tula lifasi; mi tulo ye tuzi lifasi ki tumelo ya luna.–I Joani 5.4

Mupuzo ku Bao ba ba Tuzi

“Ya na ni lizebe a utwe seo Moya u si bulelela Likeleke: Ya tula, ni ka mu fa kwa manna ye patilwe; ni mu fe ni licwe le lisweu, fo ku ñozwi libizo le linca, le li sa zibwi ki mutu, konji ya li amuhezi.” –Sinulo 2.17

“Ya tula, mi a tiiseza mwa misebezi ya ka ku isa kwa mafelelezo, ni ka mu fa bulena fahalimu a macaba.” –Sinulo 2.26

U mutu ya butokwa ku Mulimu. Sifapano sa ku bonisa! Hape Mulimi u butokwa ku wena!

Isikuli lu ka kona ku hupula se siñwi lu nosi, inge taba i ka izwela ku luna; kono ku kona kwa luna ku zwa ku Mulimu.–II Makorinte 3.5 

U KETE YO KA BELEKELA KU YA KUILE — 47

U bona hale ni Kreste mwa Kanya

Ha mu zuhile ni Kreste, mu bate ze kwahalimu, mw’a inzi Kreste ku la bulyo la Mulimu. Mu ise pilu ku za kwa lihalimu, isi ku ze mwa lifasi. Mi Kreste ye li bupilo bwa mina, nako y’a ka taha, ni mina mu ka taha ni yena mwa kanya. Kifo, mu bulaye lilama za mina ze mwa lifasi, kikuli buhule ni ze masila, ni maikuto a maswe, ni litakazo ze maswe, ni takazo ya ku fuma ili nto ye swana sina sebelezo ya milimu; Kakuli buhali bwa Mulimu bu taha kabakala zeo. –Makolose 3.1, 2, 4-6

Kapa ku yumbiwa ni Satani kuya kuile

“Cwale u ka li ku ba ba inzi ku la nzohoto: ‘A mu zwe ku na, mina ba ba kutilwe, mu ye mwa mulilo o sa feli, o lukiselizwe Diabulosi ni mangeloi a hae.’”–Mateu 25.41

Ba ba maswe ba yelela kwa musima, ona macaba kaufela a’ libala Mulimu. –Lisamu 9.17

“Lizoho la hao ha li ku wiseza mwa sibi, u li pume; kakuli se sinde ku wena kiha u kena mwa bupilo u na ni lizoho li li liñwi, isi ku ba ni mazoho a mabeli ni ku ya mwa lyangalilo, mwa mulilo o sa timi.” –Mareka 9.43

MU BUSO WA LIHALIMU KI WA HAO — 48

Uikokobeze

Jesu a biza mwanana, a mu beya fahal’a bona, a li: “Kaniti na mi bulelela, ni li: Ha mu sa fetuhi, mwa ba sina banana, ha mu na ku kena mwa mubuso wa kwa lihalimu; mi mutu ni mutu ya ka ishuwa sina mwanana yo, ki yena ya ka ba yo mutuna mwa mubuso wa kwa lihalimu.” –Mateu 18.2-4

Bakela Libi

Joani a taha mwa lihalaupa mi a kolobeza; a bulela kolobezo ya ku baka, yo kuli batu ba swalelwe libi. Joani h’a s’a kenyizwe mwa tolongo, Jesu a ya kwa Galilea inz’a bulela Evangeli ya Mulimu, a li: “Linako li felile, ni mubuso wa Mulimu u sutelezi fakaufi. A mu bake, mi mu lumele Evangeli.” –Mareka 1.4, 14-15

“Ni li ku mina: Batili; kono ha mu sa baki, mu ka shwa cwalo kaufela.” –Luka 13.3

“Hakulicwalo, a mu bake, mi mu sikuluhe; kuli libi za mina li takulwe.” –Likezo 3.19

(Amutalime pampili yetatama.)

AMUHELA KRESTE KULI ABE MU PILISI WA HAO

Uipe ka lwahao ku Jesu Kreste

U beye nzila ya hao ku Muñ a Bupilo. U mu sepe, mu ku ka sebeza Yena. –Lisamu 37.5

“Kakuli Mulimu u latile lifasi ha- hulu, mane u li file Mwan’a hae wa libanda, kuli mutu ufi kamba ufi ya lumela ku yena a si ke a shwa, kono a be ni bupilo bo bu sa feli.” –Joani 3.16

Ba li: “Lumela ku Mulena Jesu mi u ka piliswa, wena ni ba ndu ya hao.” –Likezo 16.31

Mulimu u lufa mata kuli lube bana ba hae

Kono bona ba ba mu amuhezi, u ba file mata a ku fetuha bana ba Mulimu, bona ba ba lumela libizo la hae. –Joani 1.12

U bulele Kreste patalaza

...Ha u bulela Mulena Jesu ka mulomo wa hao, mi u lumela mwa pilu ya hao kuli Mulimu u mu zusize kwa bafu, u ka pila. Kakuli mutu u lumela ka pilu, kuli a beiwe ya lukile; mi u paka ka mulomo, kuli a piliswe; Kakuli Liñolo li li: “Mutu ni mutu ya lumela ku Yena, h’a na ku swaba.”–Maroma 10.9-11

If you are interested in receiving additional Scripture booklets, write to the publisher in English at the address below or order online:

World Missionary Press, Inc. 
P.O. Box 120 
New Paris, Indiana 46553-0120 U.S.A.

World Missionary Press Home Page | Go to the Top of This Page