World Missionary Press

Satani arwanya KRISTOKinyarwanda

Bookmark and Share  

! Hariho kunesha imyuka mibi gukomeye.

! Ntukigere uramya Umushukanyi, Satani, cyangwa abadayimoni.

! Baciriweho iteka abo bose bashyirwaho "ikimenyetso cy'inyamaswa" ku kiganza, cy'iburyo cyangwa mu ruhanga kugira ngo bemererwe kugura cyangwa kugurisha.

Byateranijwe na Watson Goodman

Aka gatabo gatangwa ku buntuntikagurishwa


Satani arwanya KRISTO

Satani asobanuwe mu Ijambo ry'Imana nk' "umutware utegeka ikirere", ni umwanzi mukuru w'Imana kandi akaba n'ikiremwa cy'Imana cyo mu rwego rwo hejuru. Twebwe nk'ibiremwa by'Imana, turi ku rugamba twihebye. Urwo rugamba rushyamiranya KRISTO na Satani. Tugomba guhitamo kimwe muri ibyo byombi kizatubera databuja iteka, yaba KRISTO Umuremyi-ari we Imanweli (Imana iri kumwe na twe)—cyangwa Satani w'ikiremwa-akaba umutware w'ubugome bwose bugomera Imana. Mu rupfu no kuzuka kwe, KRISTO yanesheje urugamba ruzira amakemwa kubw'abo bose bazamwizera by'ukuri.

Satani agerageza kuriganya no kuyobya abantu mu buryo butari bumwe. Kuramya ni cyo gikorwa giheruka. KRISTO, Umuremyi wacu akwiriye kuramywa k'uburyo bwose. Dufitanye is~no n'uwo turamya. Satani agerageza gufata mpiri bwa nyuma abantu bo mu bigo bikwirakwijwe hirya no hino ku isi mu: (1) mudendezo uva ku Mana, (2) kumvira abadayimoni, (3) gusenga "umwanzi urwanya Kristo", (4) gusenga "igishushanyo" cye, (5) ikimenyetso cyo ku mubiri kizasabwa kugira ngo ugure cyangwa ugurishe. Irinde ibyo byose!

____________________________________________________________

Imirongo ikoreshejwe muri aka gatabo yauruye muri Bibliya Yera yavuguruwe mu mwaka wa 1993 bahawe uburenganzira n' Abasoma Bibliya, Africa Regional Centre-Kenya.


IMANA NTIYAREMYE UMUBISHA 1

Imana Yaremye Lusoferi Urwego Ruhanitse mu Ijuru

"`Umva uko Umwami Uwiteka avuga ngo wari intungane rwose, wuzuye ubwenge n'ubwiza buhebuje. Wahoze mu Edeni, ya ngobyi y'Imana; umwambaro wawe wari ibuye ryose ry'igiciro cyinshi, odemu na pitida na yahalomu na tarushishi na shohamu na yasipi na safiro na nofekina na bareketi n'izahabu: ubuhanga bwo kubaza amashako n'imyironge bwari iwawe, mu munsi waremwemo, byose byari biringaniye.

Wari waras§giwe kugira ngo ube umukerubi utwik§ra, kandi nagushyizeho, kugira ngo ube ku musozi wera w'Imana; wagendagenderaga hagati y'amabuye yaka umuriro.

Yaremwe Atunganye Rwose

Wari utunganye bihebuje mu nzira zawe zose uhereye umunsi waremweho, kugeza igihe wabonetsweho gukiraniwa.

Imana Yirukana Icyaha

Wuzuyemo urugomo ruzanywe n'ubugenza bwawe bwinshi bugutera gucumura: ni cyo cyatumye nkwirukana nk'uwanduye nkagukura ku musozi w'Imana; narakurimbuye wa mukerubi utwik§ra we, ngukura hagati ya ya mabuye yaka umuriro. Ezekiyeli 28:12b-16


NI IKI CYASEMBUYE ICYAHA CYA LUSOFERI? — 2

Kwibona kubanziriza kurimbuka; Kandi umutima wirarira ubanziriza kugwa. —Imigani 16:18

"Ubwiza bwawe ni bwo bwateye umutima wawe kwishyira hejuru; kubengerana kwawe ni ko kononnye ubwenge bwawe: nakujugunye hasi; ngutangariza imbere y'abami kugira ngo bakwitegereze." —Ezekiyeli 28:17

Gucirwaho iteka k' Umugome

"`Ububi bwawe bwinshi no gukiranirwa kuva mu bugenza bwawe, byatumye wanduza ubuturo bwawe bwera, ni cyo cyanteye gukongeza umuriro ukuvuyemo; uragukongora, maze nguhindurira ivu imbere y'abakureba bose. Abakunzi bose bo mu mahanga bazagutangarira: wahindutse igishishana, kandi ntabwo uzongera kubaho ukundi.'" —Ezekiyeli 28:18, 19

Buri Kiremwa Kigomba Kugandukira (kumvira) Umuremyi

Mukorere Uwiteka munezerewe: Muze mu maso ye muririmba. Mumenye yuko Uwiteka ari we Mana: Ni we waturemye, natwe turi abe; Turi ubwoko bwe, turi intama zo mu cyanya cye. —Zaburi 100:2, 3


LUSOFERI ATANGAZA UBWIGENGE 3

Ubushake Bwe Burwanya ubw'Imana

"Wa nyenyeri yo mu ruturuturu we, mwana w'umuseke ko uvuye mu ijuru, ukagwa! Uwaneshaga amahanga ko baguciye bakakugeza ku butaka! Waribwiraga uti `Nzazamuka njye mu ijuru, nkuze intebe yanjye y'ubwami, isumbe inyenyeri z'Imana; kandi uti `Nzicara ku musozi w'iteraniro mu ruhande rw'impera y'ikasikazi; nzazamuka ndenge aho ibicu bigarukira; nzaba nk'Isumbabyose.'"

Imirimo yo Kurimbura Ibiri Ku Isi

"Ariko uzamanuka ikuzimu, ugere ku ndiba ya rwa rwobo. Abazakubona, bazakwitegereza cyane bagutekerezeho bati `Uyu ni we wahindishaga isi umushyitsi akanyeganyeza ubwami; agahindura isi ubutayu, asenya imidugudu yo muri yo, ntarekure abanyagano ngo basubire iwabo?'"

Ni Ikizira Ku Mana

"Abami b'amahanga bose uko bangana basinzirira mu cyubahiro, umwami wese mu nzu ye bwite. Naho wowe bagutesheje imva yawe, utabwa nk'ishami ryanzwe urunuka, uri mu ntumbi zihinguranijwe n'inkota, zijugunywa mu mabuye yo mu rwobo.'" —Yesaya 14:12-19a


UKWISHYIRA UKIZANA KW'IMANA NTA KIGUHINDURA — 4

Arababwira ati "Nabonye Satani avuye mu ijuru, agwa, asa n'umurabyo. Dore, mbahaye ubutware bwo kujya mukandagira inzoka na sikorupiyo n'imbaraga z'Umwanzi zose, kandi nta kintu kizagira icyo kibatwara rwose." —Luka 10:18

Mu Bamarayika Bakurikira Satani

Imana itababariye abamarayika bakoze icyaha, ahubwo ikabajugunya mu mworera, ikababohesha iminyururu y'umwijima, ngo barindirwe gucirwa ho iteka. —2 Petero 2:4b

"Kuko abiyita Kristo n'abahanuzi b'ibinyoma bazaduka bakora ibimenyetso bikomeye n'ibitangaza, kugira ngo babone uko bayobya n'intore, niba bishoboka." —Matayo 24:24

Kuko icyanesheje umuntu kiba kimuhinduye n'imbata yacyo. —2 Petero 2:19b

Ijuru Rigomba Kugira Ugushaka Kumwe Gusa-Ugushaka kw'Imana Itunganye

Kandi ntimwishushanye n'ab'iki gihe, ahubwo muhinduke rwose, mugize imitima mishya, kugira ngo mumenye neza ibyo Imana ishaka, ni byo byiza bishimwa kandi bitunganye rwose. —Abaroma 12:2


UBURENGANZIRA BW'IMANA KU BARAMYA BOSE 5

"Ndi Uwiteka Imana yawe, yagukuye mu gihugu cya Egiputa, mu nzu y'uburetwa. Ntukagire izindi mana mu maso yanjye." —Gutegeka Kwa Kabiri 5:6, 7

Mwaturire Uwiteka, yuko izina rye rifite icyubahiro; Muze imbere ye, muzanye ituro. Musengane Uwiteka ubwiza bwo kwera. —1 Ngoma 16:29

"Muramye Iyaremye ijuru n'isi n'inyanja n'amasÇko." —Ibyahishuwe 14:7b

Yesu aramubwira ati "Genda, Satani, kuko handitswe ngo `Uramye Uwiteka Imana yawe, abe ari yo ukorera yonyine.'" —Matayo 4:10

Nikubitira hasi imbere y'ibirenge bye kumuramya, ariko arambwira ati "Reka! Ndi imbata mugenzi wawe, kandi ndi mugenzi wa bene So bafite guhamya kwa Yesu: Imana abe ari yo usenga." —Ibyahishuwe 19:10a

Nimuze, tumuramye twunamye, Dupfukamire Uwiteka, Umuremyi wacu. (Reba Itangiriro 1:27.) —Zaburi 95:6

Abashutswe Baramya Umugome

Abari mu isi yose bakurikira iyo nyamaswa bayitangarira. Baramya icyo kiyoka, kuko cyahaye iyo nyamaswa ubutware bwacyo; baramya n'iyo nyamaswa. —Ibyahishuwe 13:3b, 4a


NTUKARAMYE ABANZI B'IMANA — 6

Satani N'Abadayimoni Bingingira Kuramya

Umwanzi arongera amujyana mu mpinga y'umusozi muremure cyane, amwereka ubwami bwose bwo mu isi n'ubwiza bwabwo, aramubwira ati "Biriya byose ndabiguha, nupfukama ukandamya." —Matayo 4:8, 9

Nyamara abantu basigaye, batishwe n'ibyo byago, ntibarakihana imirimo y'intoki zabo, ngo bareke gusenga abadayimoni n'ibishushanyo byacuzwe mu izahabu no mu ifeza no mu miringa n'ibyaremwe mu mabuye no mu biti, bitabasha kureba cyangwa kumva cyangwa kugenda:  —Ibyahishuwe 9:20

Imana Irimbura Abaramya Nka Bene abo

Abantu bafite ikimenyetso cya ya nyamaswa bakaramya igishushanyo cyayo bafatwa n'ibisebe bikomeye bibi: Bacirwa imanza zikwiriye ibyo umuntu wese yakoze: Urupfu n'lkuzimu bijugunywa muri ya nyanja yaka umuriro: Iyo nyanja yaka umuriro ni yo rupfu rwa kabiri:  —Ibyahishuwe 16:2b; 20:13b, 14

"Ndi Uwiteka; ni ryo zina ryanjye, icyubahiro cyanjye sinzagiha undi, n'ishimwe ryanjye sinzariha ibishushanyo bibajwe:" —Yesaya 42:8


UKO ABAMARAYIKA BA KRISTO N'ABA SATANI BAMEZE — 7

Abamarayika b'Uwiteka Barusha Imbaraga Abamarayika ba Satani Baguye

Muhimbaze Uwiteka, mwa bamarayika be mwe: Mwa banyambaraga nyinshi mwe basohoza itegeko rye, Mukumvira ijwi ry'ijambo rye. —Zaburi 103:20

Mu ijuru habaho intambara: Mikayeli n'abamarayika be batabarira kurwanya cya kiyoka: ikiyoka kirwanana n'abamarayika bacyo: Ntibanesha: —Ibyahishuwe 12:7, 8a

Abamarayika Bera b'Imana Bakorera Kandi Bakarinda
Abantu b'Uwiteka

Mbese abamarayika bose si imyuka iyikorera, itumwa gukora umurimo wo gufasha abazaragwa agakiza? —Abaheburayo 1:14

Kuko azagutegekera abamarayika be, Ngo bakurindire mu nzira zawe zose: —Zaburi 91:11

Abamarayika Baguye (Abadayimoni) Biyemeje Kujyana Umuntu Muri Gehinomu

Ariko Umwuka avuga yeruye ati "Mu bihe bizaza bamwe bazagwa bave mu byizerwa, b§te ku myuka iyobya n'inyigisho z'abadayimoni:" —1 Timoteyo 4:1


NI NDE KANDI NI IKI SATANI YANGA CYANE CYANE — 8

Umuntu, Waremwe Mu Ishusho y'Imana

Umuhungu ak§za, dayimoni amutura hasi, aramutigisa cyane. Yesu acyaha dayimoni, akiza umwana, amusubiza se. —Luka 9:42

Imiryango—Imigisha y'Imana

"Kandi nzaha umugisha abakwifuriza umugisha, kandi uzakuvuma nzamuvuma: kandi muri wowe ni mo imiryango yose yo mu isi izaherwa umugisha." —Itangiriro 12:3

Herode...ararakara cyane, aratuma ngo bice abana b'abahungu bose bari i Betelehemu no mu misozi yose iri bugufi bwaho, bamaze imyaka ibiri, n'abatarayimara, nk'uko yagereranyije igihe yasobanuriwe n'abo banyabwenge. —Matayo 2:16

Ijambo ry'Imana-Satani Ararihabanya

"Ni ukuri koko Imana yaravuze iti....Iyo nzoka ibwira umugore, iti "Gupfa ntimuzapfa." —Itangiriro 3:1b, 4

Abizera Babyawe n'Umwuka

Umurezi wanyu Satani azerera nk'intare yivuga, ashaka uwo aconshomera. —1 Petero 5:8b


SATANI UMWIGANYI 9

Yigana Ikimenyetso cya Nyiracyo

Nta muvumo uzabaho ukundi, ahubwo intebe y'Imana n'Umwana w'Intama izaba muri urwo rurembo, kandi imbata zayo zizayikorera. Zizabona mu maso hayo, izina ryayo ryanditswe mu ruhanga rwazo. —Ibyahishuwe 22:3, 4

(Reba imy§g~nire ya Satani ku rupapuro rwa 35.)

Ahindura Ubutumwa Bwiza uko Butari Akoresheje Ibinyoma

Ahubwo ni ikindi. Hariho abantu babahagarika imitima, bagashaka kugoreka ubutumwa bwiza bwa Kristo. —Abagalatiya 1:7b

Yigana Abakozi b'Imana

Bene abo ni intumwa z'ibinyoma, ni abakozi bariganya, bigira nk'intumwa za Kristo. Kandi ibyo si igitangaza, kuko na Satani ubwe yihindura nka malayika w'umucyo. —2 Abakorinto 11:13, 14

Ibitangaza by'Imana birwanya Ibitangaza by'Ibinyoma
(2 Abates 2:9; Ibyah. 13:13, 14; 19:20)

Satani na we Akifatira Ubutware Igihe Abantu Bamuramya (Satani) cyangwa se Baramya ibigirwamana bye.

Uwiteka Mana yacu, abandi bami baradutegekaga batari wowe. —Yesaya 26:13a


MWIRINDE IBISHUSHANYO BISENGWA —10

Bana bato, mwirinde ibishushanyo bisengwa. —1 Yohana 5:21

"Ntukagire izindi mana mu maso yanjye. Ntukiremere igishushanyo kibajwe, cyangwa igisa n'ishusho yose iri hejuru mu ijuru, cyangwa hasi ku butaka, cyangwa mu mazi yo hepfo y'ubutaka: ntukabyikubite imbere, ntukabikorere." —Kuva 20:3-5a

Izindi mana ni Ikizira ku Mana yo mu Ijuru. Ibitambo byo  
Gutamba umuntu Birabujijwe

Ntimuzabure gusenya ahantu hose amahanga muhindãra yakorereraga imana zayo, ho ku misozi miremire no ku migufi no munsi y'igiti kibisi cyose. Uzirinde gushukwa ukabakurikiza, nibamara kurimburwa imbere yawe. Ntuzagirire Uwiteka Imana yawe nka bo, kuko ikintu cyose Uwiteka yita ikizira, akacyanga urunuka, bagikorera imana zabo; ndetse n'abahungu babo n'abakobwa babo babosereze imana zabo. —Gutegeka Kwa Kabiri 12:2, na 30a, 31

...Ese natanga...imbuto y'umubiri wanjye nkayihonga ku cyaha cy'ubugingo bwanjye? —Mika 6:7b

Amaraso ya Yesu Yozaho Icyaha.


UBUBI BWO GUSENGA IBIGIRWAMANA 11

Kuko baguraniye ukuri kw'Imana gukurikiza ibinyoma, bakaramya ibyaremwe bakabikorera kubirutisha Imana Rurema, ni yo ishimwa iteka ryose, Amen. —Abaroma 1:25

Ariko, Imana yacu iri mu ijuru, Yakoze ibyo yashatse byose. Ibishushanyo ba bandi basenga ni ifeza n'izahabu, Umurimo w'intoki z'abantu. Bifite akanwa, ntibivuga: Bifite amaso, ntibirora: Bifite amatwi, ntibyumva: Bifite amazuru, ntibinukirwa: Bifite intoki, ntibikorakora: Bifite ibirenge, ntibigenda: Kandi ntibivugisha imihogo yabyo. Ababirema bazahwana na byo, N'ubyiringira wese. —Zaburi 115:3-8

Gusenga Ibigirwamana ni Ugusenga Umubisha

Nimuzibukire kuramya ibishushanyo. Reka da! Ahubwo mvuze yuko ibyo abapagani baterekereza babiterekereza abadayimoni, batabitura Imana: nanjye sinshaka ko musangira n'abadayimoni. —1 Abakorinto 10:14b na 20

Igihano Gikwiriye Abasenga Ibigirwamana

"N'abasenga ibishushanyo,... umugabane wabo uzaba mu nyanja yaka umuriro n'amazuku; ni yo rupfu rwa kabiri." —Ibyahishuwe 21:8b


GUSENGA IBIGIRWAMANA (UMUBISHA) BYANGWA N'IMANA URUNUKA — 12

Imana Yarimbuye Amahanga Iyaziza Ibigirwamana Byabo-Nta Bigirwamana Bikwiriye kuba mu Nzu Yawe!

Ibishushanyo bibajwe by'imana zabo uzabitwike; ntuzifuze ifeza cyangwa izahabu zabiyagirijweho, ntuzazijyane, we gutegwa na zo, kuko ari ikizira, Uwiteka Imana yanyu yanga urunuka. Ntuzajyane ikizira mu nzu yawe, utagibwaho n'umuvumo nka cyo. —Gutegeka Kwa Kabiri 7:25-26a

Ni kuki hariho ibigirwamana byinshi mu Bwoko bw'Imana bwatoranijwe; hakaba abatewe n'abadayimoni mu gihe cy'umurimo wa Kristo? Ba sekuruza wabo basenze ibigirwamana!

Bakoreraga ibishushanyo by'ibigirwamana byayo, Bibahindukira ikigoyi. Batambiraga abadayimoni abahungu babo n'abakobwa babo. Bituma umujinya w'Uwiteka ucanwa ku bwoko bwe, Yanga urunuka umwandu we. —Zaburi 106:36, 37, na 40

Ntukabyikubite imbere, ntukabikorere: kuko Uwiteka Imana yawe ndi Imana ifuha, mpora abana gukiranirwa kwa ba se, nkageza ku buzukuruza n'ubuvivi bw'abanyanga. —Kuva 20:5


UBUROZI BW'INGERI ZOSE NI ICYAHA 13

"Umurozikazi ntuzareke abaho." —Kuva 22:17

"Ntimugahindukirire abashitsi cyangwa abapfumu, ntimukabashikishe, ntimukabaraguze, ngo mubiyandurishe." —Abalewi 19:31a

Kandi nzaca uburozi buturuka mu kuboko kwawe; n'abacunnyi ntuzongera kubagira. —Mika 5:11

"Kuko ubugome busa n'icyaha cy'uburozi, kandi mudakurwa ku ijambo asa n'uramya ibishushanyo na Terafimu." —1 Samweli 15:23a

"Numara kugera mu gihugu Uwiteka Imana yawe iguha ntuzige gukurikiza ibizira bikorwa n'ayo mahanga. Muri mwe ntihazabone-ke ucisha umuhungu we cyangwa umukobwa we mu muriro, cyangwa ukora iby'ubupfumu, cyangwa uragurisha ibicu, cyangwa umupfumu, cyangwa umurozi, cyangwa umwambuzi cyangwa ushikisha, cyangwa uragurira abantu ibizababaho, cyangwa umushitsi. Kuko ukora ibyo wese ari ikizira, Uwiteka yanga urunuka: kandi ibyo bizira ni byo bitumye Uwiteka Imana yawe izirukana ayo mahanga imbere yawe. —Gutegeka Kwa Kabiri 18:9-12

Ubupfumu: Ni ubuhanga bwo kujijisha uvuga ibyenda kuzabaho mu buryo bwo guhamagara abazimu b'abantu bapfuye; tuvuge nko gushikisha.


 KUVUGA IBIZABA MBERE Y'IGIHE UFASHIJWE N'IMYUKA MIBI —14 (Abadayimoni)

Imana Ibuzanya Kuraguza Inyenyeri, Ubukonikoni, Kwikeba ku Mubiri no Kwicisha Imanzi Zibishushanyo

"Ntimukagire icyo muryana n'amaraso yacyo, ntimukagire ibyo muragurisha naho byaba ibicu. Ntimukiraburishe kwikeba ku mubiri, kandi ntimukicishe imanzi z'ibishushanyo: ndi Uwiteka." —Abalewi 19:26 na 28

"Ariko mwebweho, ntimukumvire abahanuzi banyu, cyangwa abapfumu banyu, cyangwa inzozi zanyu cyangwa abacunnyi banyu ndetse n'abarozi banyu." —Yeremiya 27:9a

"Nzabanguka gushinja abarozi n'abasambanyi n'abarahira ibinyoma." —Malaki 3:5b

Kuko ibishushanyo bisengwa bivuga ubusa, n'abapfumu bakaragura ibinyoma, abanyenzozi bakabeshya, bagahumurisha abantu ubusa ni cyo gituma abantu bazimira nk'intama, bakababara cyane kuko batagira umwungeri. —Zekariya 10:2

Kuragura: Ni uburyo bwo kubwira umuntu ibizamubaho mu bihe biri imbere cyangwa se kumuhishurira ibyo atazi ukoresheje ibinyoma.

Uburaguzi: Ni uguhuma amaso y'abantu hifashishijwe imyuka mibi.


ZIBUKIRA UBURYO BWOSE BUREBANA N'UBUPFUMU — 15

Ubupfumu Burebana n'Imyuka Mibi

Kandi nibababwira ngo "Nimushake abashitsi mubashikishe, mushake n'abapfumu, banwigira bakongorera." Mbese abantu ntibari bakwiriye gushaka Imana yabo, bakaba ari yo babaza? —Yesaya 8:19a

Akazunguriza imyambi hirya no hino, akaraguza terafimu, kandi akareba no mu mwijima wo mu nda." —Ezekiyeli 21:21b

Ubupfumu Bukoreshwa Inkoni

Ubwoko bwanjye bugisha inama ikigirwamana cyabwo kibajwe mu giti, kandi inshyimbo yabwo ni yo ibuhanurira; kuko umutima w'ubwamaraya wabuyobeje, bukagenda busambana, bukareka Imana yabwo. —Hoseya 4:12

Igihano cy'Abakora Ubupfumu

Uko ni ko Sawuli yatanze, azize gucumura yacumuye ku Uwiteka, kuko atitondeye ijambo ry'Uwiteka, kandi kuko yashikishije umushitsi ngo amuhanuze, ntahanuze Uwiteka. —1 Ngoma 10:13, 14a

"Abamenyi bazagira isoni, n'abapfumu bazashoberwa;...kuko ari nta gisubizo kivuye ku Mana." —Mika 3:7


UBURYO UMWAMI UTEGEKA IKIRERE AKORAMO — 16

Abapagani Bakurikira Ubupfumu

Uku ni ko Uwiteka avuga ati "Ntimukigane imigenzo y'abanyamahanga, kandi ntimugaterwe ubwoba n'ibimenyetso byo mu ijuru; kuko ibyo bitera abanyamahanga ubwoba." —Yeremiya 10:2

Ntukizere inzandiko cyangwa ibintu betera "amahirwe" cyangwa ngo wishyire mu by'imizika y'amashetani cyangwa amashusho ateye isoni. "Sinzagira ikintu kidakwiriye nshyira imbere yanjye." (Zaburi 101:3a) Reka ubwibone, uburyarya n'idini ripfuye.

"...Mwa ndyarya mwe, muzabona ishyano:...bigaragara inyuma ari byiza, nyamara imbere byuzuye...ibihumanya byose. —Matayo 23:27

Kwiyahura Bituruka Kuri Sekibi

Ntukemere ibinyoma bituruka kuri Satani cyangwa se abadayimoni bakwemeza ko kwiyica bikuzanira umudendezo wo kukuvana mu ngorane cyangwa mu rubanza. "Ntukice." (Kuva 20:13.)

Kristo Wenyine Abohora Umuntu amukãra mu rubanza
(Reba ku rupapuro rwa 48 na 49.)

Uwiteka ni imbaraga zanjye, n'indirimbo yanjye, Ampindukiye agakiza. Uwo ni we Mana yanjye, nanjye ndayihimbaza; ni yo Mana ya data nanjye ndayishyira hejuru. —Kuva 15:2


IRINDE UBUTUMWA BWA SATANI 17

Maze Uwiteka arambwira ati "Abahanuzi bahanura ibinyoma mu izina ryanjye; si jye wabatumye, kandi sinabategetse, haba no kuvugana na bo. Babahanurira iyerekwa ry'ibinyoma, n'iby'ubupfumu, n'ibitagize umumaro, n'uburiganya bwo mu mitima yabo." —Yeremiya 14:14

Bunyura mu Kuvugana n'Abapfuye

Wishingikirije ku Byahumetswe n'Imana, Umwami Dawidi yavuze ku mwana we w'umuhungu. "Ariko none amaze gupfa,...we ntabwo azagaruka aho ndi." —2 Samweli 12:23

Ntukavugane n'imyuka mibi, uretse gusa igihe uyitegeka uyirukana mu Izina rya Yesu. Ntukizere abaragurisha kureba mu biganza, n'indi mikino ijyana n'ubupfumu, impigi n'inzaratsi. "Kunesha kuva ku Uwiteka." (Imigani 21:31b.)

Kandi benshi mu bakoraga iby'ubukonikoni bateranya ibitabo byabo by'ubukonikoni, babitwikira imbere ya rubanda rwose: babaze ibiciro byabyo, babona yuko bugeze ku bice by'ifeza inzovu eshanu. Uko ni ko ijambo ry'Umwami ryagwiriye cyane, kandi rikomeza kuganza. —Ibyakozwe N'intumwa 19:19, 20

(Soma Itangiriro 35:2-5.)


KRISTO YAREMYE IGITSINA-SATANI WE AGIKORESHA MU BURYO BUTEMEWE — 18

Igitsina Cyaremewe Abashakanye Gusa

Urwo rubavu Uwiteka Imana yakuye muri uwo muntu, iruhindura umugore imushy§ra uwo muntu. Ni cyo gituma umuntu azasiga se na nyina, akabana n'umugore we akaramata, bombi bakaba umubiri umwe. —Itangiriro 2:22 na 24

Kurongorana kubahwe na bose, kandi kuryamana kw'abarongoranye kwe kugira ikikwanduza; kuko abahehesi n'abasambanyi, Imana izabacira ho iteka. —Abaheburayo 13:4

Abamaze kurongorana ndabategeka; nyamara si jye, ahubwo ni Umwami wacu: umugore ye kwahukana n'umugabo we. Ariko niba yahukanye, abe igishubaziko, cyangwa yiyunge n'umugabo we: kandi umugabo ye gusenda umugore we. —1 Abakorinto 7:10, 11

(Reba Abaroma 7:2; Mariko 10:9.)

Ukora ibyaha ni uwa Satani, kuko uhereye mbere na mbere Satani akora ibyaha. —1 Yohana 3:8a

Uri mu Maboko y'Uwo Wumvira

Ntimuzi yuko uwo mwihaye kuba imbata zo kumwumvira, muri imbata z'uwo mwumvira uwo? —Abaroma 6:16a


UBUSAMBANYI BW'INGARAGU N' UBW'ABATA RASHYINGIRANYWE NI UKUGOMERA IMANA 19

"Ntugasambane." —Kuva 20:14

Icyo Imana ishaka ni iki: ni ukwezwa kwanyu no kwirinda gusambana. —1 Abatesalonike 4:3

"Umuntu nasambana n'umugore w'undi, usambanye na muka mugenzi we, umusambanyi n'umusambanyikazi ntibakabure kwicwa." —Abalewi 20:10

Nuko rero umubiri si uwo gusambana, ahubwo ni uw'Umwami, kandi Umwami na we ni uw'umubiri. Ntimuzi yuko imibiri yanyu ari ingingo za Kristo? Muzibuk§re gusambana. Ibindi byaha byose umuntu akora bikorerwa inyuma y'umubiri, ariko usambana, aba akoze icyaha cyo mu mubiri we. —1 Abakorinto 6:13b, 15a na 18

"Ntukononeshe umukobwa wawe kumuhindura malaya, kugira ngo igihugu kidakurikiza ubusambanyi, kikuzura ibyaha bikomeye." —Abalewi 19:29

Ubusambanyi bw'ingaragu: Ni imibonano mpuzabitsina y'abantu b'ingaragu. Ubusambanyi bukorwa nyuma yo gushyingirwa hagati y'uwo.

Mutashakanye: Ni imibonano mpuzabitsina y'uwo mutashyingiranywe nyuma yo kwitirirwa uwo mwashakanye.


SATANI YANESHEJWE N'URUPFU RWA KRISTO — 20

Nk'uko bose bokojwe gupfa na Adamu, ni ko bose bazahindurwa bazima na Kristo." —1 Abakorinto 15:22

Nuko rero, nk'uko abana bahuje umubiri n'amaraso ni ko na we ubwe yahuje ibyo na bo, kugira ngo urupfu rwe aruhinduze ubusa ufite ubutware bw'urupfu, ni we Satani, abone uko ab~tãra abahoze mu bubata bwo gutinya urupfu mu kubaho kwabo kose. —Abaheburayo 2:14, 15

Kandi imaze kunyaga abatware n'abafite ubushobozi, ibahemura ku mugaragaro, ib§vuga hejuru, ku bw'umusaraba. —Abakolosayi 2:15

Ibyo Umwana w'Imana yerekaniwe ni ibi, ni ukugira ngo amareho imirimo ya Satani. —1 Yohana 3:8b

Yadukijije, ikaduhamagara guhamagara kwera, itabitewe n'imirimo yacu, ahubwo ibitewe n'uko yabigambiriye ubwayo, no ku bw'ubuntu bwayo twaherewe muri Kristo Yesu uhereye kera kose, ariko none bukaba bwarerekanywe no kuboneka k'Umukiza wacu Kristo Yesu, wahinduye urupfu ubusa, akerekanisha ubugingo no kudapfa ubutumwa bwiza. —2 Timoteyo 1:9, 10


KUNESHA SATANI K'UMUKRISTO 21

Umurezi wanyu Satani azerera nk'intare yivuga, ashaka uwo aconshomera. Mumurwanye mushikamye, kandi mufite kwizera gukomeye. —1 Petero 5:8b, 9a

Mwambare intwaro zose z'Imana, kugira ngo mubashe guhagarara mudatsinzwe n'uburiganya bwa Satani. Kuko tudak§rana n'abafite amaraso n'umubiri; ahubwo duk§rana n'abatware n'abafite ubushobozi n'abategeka iyi si y'umwijima, n'imyuka mibi y'ahantu ho mu ijuru. ...kugira ngo mubashe gukomera ku munsi mubi,...mukenyeye ukuri, mwambaye gukiranuka nk'icyuma gikingira igituza: mukwese inkweto, ni zo butumwa bwiza bw'amahoro...; kandi ikigeretse kuri byose, mutware kwizera nk'ingabo; ni ko muzashoboza kuzimisha imyambi ya wa mubi yose yaka umuriro. Mwakire agakiza, kabe ingofero; mwakire n'inkota y'Umwuka, ni yo Jambo ry'Imana; musengeshe Umwuka iteka...mugumye rwose kuba maso. —Abefeso 6:11-18a

Nuko rero mugandukire Imana, ariko murwanye Satani, na we azabahunga. —Yakobo 4:7

Uri [Kristo] muri mwe aruta [Satani] uri mu b'isi. —1 Yohana 4:4b


UBUTWARE BWA KRISTO — 22

Kristo ni Ijwi ry'Imana

...Imana...naho muri iyi minsi y'imperuka yavuganiye natwe mu kanwa k'Umwana wayo, uwo yashyiriyeho kuba umuragwa wa byose, ni we yaremesheje isi. —Abaheburayo 1:1a, 2

Batangazwa no kwigisha kwe, kuko yabigishaga nk'ufite ubutware, ntase n'abanditsi. —Mariko 1:22

Ariko kuri twe hariho Imana imwe, ni yo Data wa twese, ikomokwamo na byose, ari yo natwe dukesha byose: kandi hariho Umwami umwe, ni we Yesu Kristo, ubeshaho byose, natwe akatubeshaho. —1 Abakorinto 8:6

"Kandi yamuhaye ubutware bwo guca amateka, kuko ari Umwana w'umuntu." —Yohana 5:27

Uri iburyo bw'Imana, kuko yagiye mu ijuru, amaze guhabwa gutwara abamarayika n'abafite ubutware n'imbaraga. —1 Petero 3:22

Kuko icyatumye Kristo apfa akazuka, ari ukugira ngo abe Umwami w'abapfuye n'abazima. —Abaroma 14:9

Nuko Yesu arabegera, avugana na bo, ati "Nahawe ubutware bwose mu ijuru no mu isi." —Matayo 28:18


KRISTO ARAVUGA KANDI AGAKORANA UBUTWARE 23

Akangutse, acyaha umuyaga, abwira inyanja ati "Ceceka utuze." Umuyaga uratuza, inyanja iratungana rwose. —Mariko 4:39

Yakizaga Indwara Akoresheje Ubutware

"Ariko mumenye yuko Umwana w'umuntu afite ubutware mu isi bwo kubabarira abantu ibyaha." Nuko abwira icyo kirema ati "Ndagutegetse, byuka, wikorere ingobyi yawe, utahe." Arabyuka, yikorera ingobyi ye uwo mwanya, asohokera imbere yabo: nuko bose baratangara, bahimbaza Imana." —Mariko 2:10-12a

Kristo Yirukana Imyuka Mibi

Dayimoni aramutigisa, ataka ijwi rirenga, amuvamo. Bose baratangara, barabazanya bati "Ibi ni ibiki? Ko ari imyigishirize y'inzaduka! Mbega uburyo ategekana ubutware, n'abadayimoni na bo baramwumvira!" —Mariko 1:26, 27

Yazuye Abapfuye Akoresheje Ubutware

Yegera ikiriba, agikoraho: abakikoreye barahagarara. Ati "Muhungu, ndagutegetse, byuka!" Uwari upfuye arabaduka, atangira kuvuga: Yesu amusubiza nyina. —Luka 7:14, 15


 KRISTO AHA ABAMUKURIKIRA UBUTWARE N'UBUSHOBOZI — 24

Dore, mbahaye ubutware bwo kujya mukandagira inzoka na sikorupiyo n'imbaraga z'Umwanzi zose, kandi nta kintu kizagira icyo kibatwara rwose. —Luka 10:19

Ahamagara abigishwa be cumi na babiri, arabateranya, abaha ubushobozi n'ubutware bwo gutegeka abadayimoni bose no gukiza indwara. —Luka 9:1

"Ndababwira ukuri yuko umuntu wese wabwira uyu musozi ati `Shinguka, utabwe mu nyanja', ntashidikanye mu mutima we, yizeye yuko icyo avuze gikorwa, yakibona." —Mariko 11:23

"Ni ukuri, ni ukuri, ndababwira yuko unyizera, imirimo nkora na we azayikora. —Yohana 14:12a

Yesu aramubwira ati "Uvuze ngo `Niba mbishobora'? Byose bishobokera uwizeye." —Mariko 9:23

Mumenye n'ubwinshi bw'imbaraga zayo butagira akagero, izo iha twebwe abizeye, nk'uko imbaraga z'ububasha bwayo bukomeye ziri. —Abefeso 1:19

Nshobozwa byose na Kristo umpa imbaraga. —Abafilipi 4:13


UBURYO BWO KWIRUKANA IMYUKA YACU MIBI 25

Yicyahe. Yitegeke Kuvamo mu Izina rya Yesu

(Kuko yari amubwiye ati "Dayimoni we, muvemo!") Aramubaza ati "Witwa nde?" Undi ati "Ingabo ni ryo zina ryanjye, kuko turi benshi." ...Abadayimoni bamuvamo, binjira muri izo ngurube.... —Mariko 5:8, 9 na 13b

Yesu...acyaha dayimoni ati "Yewe dayimoni utavuga kandi utumva, ndagutegetse, muvemo, ntukamugarukemo ukundi." Arataka, aramutigisa cyane, amuvamo, asiga umuhungu asa n'upfuye, bituma benshi bavuga bati "Arapfuye." Yesu amufata ukuboko, aramuhagurutsa, arahagarara. "Bene uwo ntavanwamo n'ikindi keretse gusenga no kwiyiriza ubusa." —Mariko 9:25b-27 na 29b

Pawulo...arahindukira, abwira dayimoni ati "Ndagutegetse mu izina rya Yesu Kristo, muvemo!" Amuvamo muri ako kanya. —Ibyakozwe N'intumwa 16:18b

Yesu aramucyaha ati "Hora, muvemo." Dayimoni amutura hasi hagati yabo, amuvamo, atagize icyo amutwara. —Luka 4:35


 IZINA RYA YESU KRISTO RISUMBA AYANDI YOSE — 26, 27

"Kandi icyo muzasaba cyose mu izina ryanjye, nzagikorera kugira ngo Data yubahirizwe mu Mwana we." Yohana 14:13

Ni cyo cyatumye Imana imushyira hejuru cyane, ikamuha izina risumba ayandi mazina yose: kugira ngo amavi yose apfukame mu izina rya Yesu. —Abafilipi 2:9, 10a

Maze gusubiza umugore n'umuryango wanjye muri Afurika mu buryo bwo kwizera, kugira ngo njye gukomeza gukorera Kristo, hari ijoro rimwe naje gukangurwa n'umwuka mubi waje kumpagarara hejuru. Mu gihe nashatse gutera ivi ryanjye irye kugira ngo ndebe niba koko ari umwuka mubi, ako kanya wahise urisunika urisubizayo ukoresheje imbaraga zidasanzwe ku buryo wihutiye kuza vuba werekeye ku ijosi ryanjye ngo uhite uniga. Natatse gusa mu magambo abiri nti, "Yesu, mfasha!" Bidatinze, warahunze, kandi ibyo bintu ntibyongeye kunsub§ra kuva aho imyaka 45 ishiriye. Burya rero, hari imbaraga zitangaje mu Izina rya Yesu rinesha Satani n'abadayimoni be bose! Iyambaze Izina rya Yesu kugira ngo rigukize kandi rikubohÇre (Abaroma 10:13).

Umunsi umwe umutegarugori yabwiye umugore wanjye nanjye ukuntu akiri mu ishuri rikuru umusore umwe yaje kumujyana gutembera ku muhanda w'aho gari ya moshi yanyuraga. Mu kanya gato agerageza kumwica kugira ngo ayobye uburari byitwa ko yishwe na gari ya moshi. Igihe yamutegekaga mu Izina rya Yesu Kristo, aba aratentebutse ntiyaba akimwishe. Mu mbaraga za Yesu, byatumye uwo mutegarugore ashorera uwo musore arinda amugeza kuri rya shuri rikuru baturutseho.

Undi mutegarugori yabwiye umugore wanjye nanjye yuko igihe kimwe yaje gufungura icyumba cy'ishyaka riragurira abantu ibizababaho mu buryo atatekerezaga. Nyuma y'aho imyuka mibi yatangiye kujya yigizayo ibib~zwa byari muri icyo cyumba ibikãra mu mwanya wabyo ikabizengurutsa urudaca. Amaze gushoberwa ayirukana muri icyo cyumba cye mu Izina rya Yesu. 

Ntuzigere ugirira impuhwe cyangwa ngo ubabarire Satani n'abadayimoni be. Umugambi wabo ni ukugushyira ku ruhande rwabo kuruta uko uba ku ruhande rw'Imana. Umukristo wari umaze igihe mu bukristo yaje gufatwa n'indwara itera intege nke mu mubiri ndetse no guta umutwe rugeretse, akaba yarambwiye ibintu Satani yajyaga amubwira. Yabitekerezaga "nk'umugerageza ngo arebe." Naje gutahãra ko Satani ari kabuhariwe mu kubeshya abantu ku buryo utapfa kwizera ijambo avuze ryose. Nacyashye Satani mu Izina rya Yesu Kristo Rishobora Byose." Yabonetse afite amahoro muri Kristo, mu byumweru bitanu bikurikira mbere y'uko yitaba Imana. —Watson Goodman


 KRISTO YESU NA SATANI BARAHABANYE — 28

Kristo ni Imana Umuremyi

Kuko muri we ari mo byose byaremewe, ari ibyo mu ijuru cyangwa ibyo mu isi, ibiboneka n'ibitaboneka, intebe z'ubwami, n'ubwami bwose, n'ubutware bwose, n'ubushobozi bwose: ni we wabiremye byose. —Abakolosayi 1:16a

Kristo Atanga Umucyo n'Amahoro

Nuko rero Umwami wacu w'amahoro ajye abaha amahoro iteka ryose mu buryo bwose. —2 Abatesalonike 3:16a

"Ukamurikira abicaye mu mwijima no mu gicucu cy'urupfu, No kuyobora ibirenge byacu mu nzira y'amahoro." —Luka 1:79

Abadayimoni hamwe na Satani Bararimbura

Umujura ntazanwa n'ikindi keretse kwiba no kwica no kurimbura. —Yohana 10:10a

Naho wowe, wa si we,... mugushije ishyano, kuko Satani yabamanukiye afite umujinya mwinshi .... " —Ibyahishuwe 12:12b

Satani Atanga Umwijima, Yica Urubozo

Inzira y'abanyabyaha ni nk'umwijima. —Imigani 4:19a

N'umutunzi na we arapfa, arahambwa. Ageze ikuzimu, arababazwa cyane; yubuye amaso. —Luka 16:22b, 23a


KRISTO YESU NA SATANI BARAHABANYE 29

Kristo ni We Kuri

Jambo uwo yabaye umuntu, abana natwe (tubona ubwiza bwe busa n'ubw'Umwana w'ikinege wa Se), yuzuye ubuntu n'ukuri. "Nimuguma mu ijambo ryanjye, muri abigishwa banjye nyakuri; namwe muzamenya ukuri, kandi ukuri ni ko kuzababatura." —Yohana 1:14 na 8:31b, 32

Kristo Yuzuye Urukundo

Iki ni cyo kitumenyesha urukundo icyo ari cyo, ni uko Yesu yatanze ubugingo bwe ku bwacu: natwe ikidukwiriye ni uko twatanga ubugingo bwacu ku bwa bene Data. —1 Yohana 3:16

Turayikunda, kuko ari yo yabanje kudukunda. —1 Yohana 4:19

Satani ni Se w'Ibinyoma

Mukomoka kuri so, Satani; kandi ibyo so ararikira, ni byo namwe mushaka gukora. Uwo yahereye kera kose ari umwicanyi; kandi ntiyahagaze mu by'ukuri, kuko ukuri kutari muri we. Navuga ibinyoma, aravuga ibye ubwe, kuko ari umunyabinyoma, kandi ni se w'ibinyoma. —Yohana 8:44

Satani Ateza Umwuka w'Urwango

"Ab'isi nibabanga, mumenye ko babanje kunyanga, batarabanga." —Yohana 15:18


KRISTO YESU NA SATANI BARAHABANYE — 30

Kristo Yeza Ubugingo

Ariko rero, iyo tugendeye mu mucyo, nk'uko na yo iri mu mucyo, tuba dufatanije ubwacu, kandi amaraso ya Yesu Umwana wayo atwezaho ibyaha byose. —1 Yohana 1:7

Kristo AbohÇra umuntu Amuvana mu Cyaha

Ntituzarushaho gukizwa umujinya w'Imana na we? —Abaroma 5:9b

Kristo Atanga Ubugingo Buhoraho

"Ubu ni bwo bugingo buhoraho, ko bakumenya, ko ari wowe Mana y'ukuri yonyine, bakamenya n'uwo watumye, ari we Yesu Kristo." —Yohana 17:3

Satani Ahumanya Ubugingo

Ntimuyobe: Imana ntinegurizwa izuru; kuko ibyo umuntu abiba, ari byo azasarura. Ubibira umubiri we, muri uwo mubiri azasaruramo kubora. —Abagalatiya 6:7, 8a

Satani Akururira Abantu mu Cyaha

Ukora ibyaha ni uwa Satani. —1 Yohana 3:8a

Satani Ayobora umuntu Akamugeza mu Rupfu rw'Iteka

Urukungu ni abana b'Umubi; umwanzi warubibye ni Umwanzi; ...urukungu...rugatwika. —Matayo 13:38b-40a


SATANI NO KUGENZURA ISI KWE 31

Ubu ni Umwami Utegeka Iki Kirere

Sinkivugana namwe byinshi, kuko umutware w'ab'iyi si aza; kandi nta cyo amfiteho. —Yohana 14:30

Niba rero Ibintu Bitagenda Neza, Bibimugayire

Bene ubwo bwenge si bwo bumanuka buvuye mu ijuru, ahubwo ni ubw'isi, ni ubw'inyamaswabantu, ndetse ni ubw'abadayimoni; kuko aho amakimbirane n'intonganya biri, ari ho no kuvurungana kuri no gukora ibibi byose. —Yakobo 3:15, 16

Igihe Satani ahindutse, arimbura umudendezo wo kuramya Kristo ku mugaragaro. Ntashobora kurimbura umutima w'urukundo ukunda Kristo. Komeza Ukwizera!

Bakimutera amabuye, arambaza, aravuga ati "Mwami Yesu, akira umwuka wanjye." Arapfukama, avuga ijwi rirenga ati "Mwami, ntubabareho iki cyaha." Amaze kuvuga atyo, arasinzira. Nuko Sawuli na we ashima ko yicwa. —Ibyakozwe N'intumwa 7:59, 60

Gutegeka kwe n'amahoro bizagwirira ku ntebe ya Dawidi n'ubwami bwe, bitagira iherezo kugira ngo bibukomeze, bibushyigikize guca imanza zitabera no gukiranuka uhereye none ukageza iteka ryose. —Yesaya 9:6a


ANTIKRISTO-UMUTEGETSI W'ISI UZAZA — 32

Turabinginga, bene Data, ku bwo kuzaza k'Umwami wacu Yesu Kristo no kuzamuteranirizwaho kwacu, Ntihakagire umuntu uboshya uburyo bwose, kuko uwo munsi utazaza, kurya kwimãra Imana kutabanje kubaho, kandi urya munyabugome atarahishurwa, ni we mwana wo kurimbuka, ni umubisha wishyira hejuru y'icyitwa imana cyose cyangwa igisengwa, kugira ngo yicare mu rusengero rw'Imana, yiyerekane ko ari Imana. Ni bwo wa mugome azahishurwa, uwo Umwami Yesu azicisha umwuka uva mu kanwa ke, akamutsembesha kuboneka k'ukuza kwe. Kuza k'uwo mugome kuri mu buryo bwo gukora kwa Satani, gufite imbaraga zose n'ibimenyetso n'ibitangaza by'ibinyoma. —2 Abatesalonike 2:1, 3, 4, 8, 9

Cya kiyoka kiyiha imbaraga zacyo n'intebe yacyo y'ubwami, n'ubutware bukomeye. Ihabwa no gutwara imiryango yose n'amoko yose n'indimi zose n'amahanga yose. —Ibyahishuwe 13:2b, 7b

Baramya icyo kiyoka, kuko cyahaye iyo nyamaswa ubutware bwacyo; baramya n'iyo nyamaswa bati "Ni nde uhwanye n'iyi nyamaswa, kandi ni nde ubasha kuyirwanya?" —Ibyahishuwe 13:4


ANTIKRISTO AZAGIRANA INTAMBARA N'ABERA 33

Ni we uzavuga ibyo kugomera Isumbabyose; kandi azarenganya abera b'Isumbabyose. Azigira inama zo guhindura ibihe n'amategeko; kandi bizarekerwa mu maboko ye kugeza aho igihe n'ibihe n'igice cy'igihe bizashirira. —Daniyeli 7:25

Ihabwa no kurama, ngo imare amezi mirongo ine n'abiri. Ibumburira akanwa kayo gutuka Imana no gutuka izina ryayo n'ihema ryayo n'ababa mu ijuru. Ihabwa kurwanya abera no kubanesha, ihabwa no gutwara imiryango yose n'amoko yose n'indimi zose n'amahanga yose. Abari mu isi bose bazayiramya, umuntu wese, izina rye ritanditswe mu gitabo cy'ubugingo cy'Umwana w'Intama watambwe uhereye ku kuremwa ku isi. Ufite ugutwi, niyumve. Nihagira ujyana abandi ho iminyago, na we ubwe azajyanwa ho umunyago: kandi uwicisha abandi inkota, na we akwiriye kwicishwa inkota. Aho ni ho kwihangana kw'abera kuri no kwizera kwabo. —Ibyahishuwe 13:5b-9

Ujye urwana intambara nziza yo kwizera, usingire ubugingo buhoraho, ubwo wahamagariwe, ukabwaturira kwatura kwiza imbere y'abahamya benshi. —1 Timoteyo 6:12


NTUKIGERE URAMYA IGISHUSHANYO CYA ANTIKRISTO — 34
(Umwanzi urwanya Kristo)

Umuyobozi w'Umunyadini w'isi Afasha Umwanzi urwanya Kristo Gushuka Abari mu Isi. Ambaza (Ramya) cyangwa Upfe!

Iyobesha abari mu isi ibyo bimenyetso yahawe gukorera imbere ya ya nyamaswa, ibabwira kurema igishushanyo cya ya nyamaswa, yari ikomerekejwe n'inkota, ikabaho. Ihabwa guha icyo gishushanyo cy'inyamaswa guhumeka, ngo kivuge, kandi cyicishe abatakiramya bose. Iyo nyamaswa ifatwa mpiri, na wa muhanuzi w'ibinyoma, wakoreraga ibimenyetso imbere yayo, akabiyobesha abashyizweho ikimenyetso cya ya nyamaswa n'abaramya igishushanyo cyayo, na we afatanwa na yo. Bombi bajugunywa mu nyanja yaka umuriro. —Ibyahishuwe 13:14, 15 na 19:20a

Abantu b'Imana Ntibemera Izindi mana

"Niba ari ibyo, Imana yacu dukorera ibasha kudukiza mu itanura ry'umuriro ugurumana; kandi izadukiza ukuboko kwawe, Nyagasani. Ariko naho itadukiza, Nyagasani, umenye ko tutari bukorere imana zawe haba no kuramya icyo gishushanyo cy'izahabu wakoze." —Daniyeli 3:17, 18


ANTIKRISTO: UMVIRA CYANGWA WICWE N'INZARA 35

Itera bose, aboroheje n'abakomeye n'abatunzi n'abakene, n'ab'umudendezo n'ab'imbata, gushyirwaho ikimenyetso ku kiganza cy'iburyo cyangwa mu ruhanga: kugira ngo hatagira umuntu wemererwa kugura cyangwa gutunda, keretse afite icyo kimenyetso, cyangwa izina rya ya nyamaswa cyangwa umubare w'izina ryayo.... Ufite ubwenge, abare umubare w'iyo nyamaswa,...kandi umubare we ni magana atandatu na mirongo itandatu n'itandatu. —Ibyahishuwe 13:16-18

Umunsi Uhebuje Uzazira Abakijijwe

"Aba ni abavuye muri urya mu-babaro mwinshi, kandi bameshe ibishura byabo, babyejesha amaraso y'Umwana w'Intama. Ni cyo gituma baba imbere y'intebe y'Imana, bakayikorera mu rusengero rwayo ku manywa na nijoro: kandi Iyicaye ku ntebe izababambaho ihema ryayo. Ntibazicwa n'inzara ukundi, kandi ntibazicwa n'inyota ukundi kandi izuba ntirizabica cyangwa icyokere cyose, kuko Umwana w'Intama uri hagati y'intebe y'ubwami azabaragira, akabuhira amasÇko y'amazi y'ubugingo; kandi Imana izahanagura amarira yose ku maso yabo." —Ibyahishuwe 7:14b-17

Biraruta Kwinjira mu Ijuru Ushonje Kuruta Kujya mu Irimbukiro Wijuse!


ABANTU BOSE BARAMYA ANTIKRISTO BAZACIRWAHO ITEKA, CYANGWA SE ABAHABWA IKIMENYETSO CYE KU MUBIRI WABO KUGIRA NGO BEMERERWE KUGURA CYANGWA KUGURISHA  — 36  

Marayika wundi wa gatatu akurikiraho, avuga ijwi rirenga ati "Umuntu naramya ya nyamaswa n'igishushanyo cyayo, agashyirwaho ikimenyetso cyayo mu ruhanga rwe cyangwa ku kiganza, uwo ni we uzanywa ku nzoga, ni yo mujinya w'Imana, yiteguwe idafunguwemo amazi mu gacuma k'umujinya wayo. Kandi azababazwa n'umuriro n'amazuku imbere y'abamarayika bera n'imbere y'Umwana w'Intama.

"Umwotsi wo kubabazwa kwabo ucumba iteka ryose; ntibaruhuka ku manywa na nijoro, abaramya ya nyamaswa n'igishushanyo cyayo, umuntu wese ushyirwaho ikimenyetso cy'izina ryayo."

...Numva ijwi rivugira mu ijuru rimbwira riti "Andika uti `Uhereye none hahirwa abapfa bapfira mu Mwami wacu.'" Umwuka na we aravuga ati "Yee, ngo baruhuke imihati yabo, kuko imirimo yabo ijyanye na bo ibakurikiye." —Ibyahishuwe 14:9-13


KUNESHA IKIMENYETSO N'IGISHUSHANYO BYA SATANI MBERE YUKO UMUJINYA UTERA KU ISI 37

Ni cyo bamarayika barindwi bafite ibyago birindwi, ni byo by'imperuka, kuko muri ibyo ari mo umujinya w'Imana wuzurira. Mbona igisa n'inyanja y'ibirahuri, bivanze n'umuriro, mbona n'abatabarutse banesheje ya nyamaswa n'igishushanyo cyacyo n'umubare w'izina ryayo, bahagaze kuri iyo nyanja y'ibirahuri, bafite inanga z'Imana, baririmba indirimbo ya Mose, imbata y'Imana, n'indirimbo y'Umwana w'Intama, bati "Mwami Imana Ishoborabyose, imirimo yawe irakomeye kandi iratangaje. Mugabe w'amahanga, inzira zawe ni izo gukiranuka n'ukuri. Numva ijwi rirenga rivugira muri rwa rusengero, ribwira abo bamarayika barindwi riti "Nimugende, musuke mu isi izo nzabya ndwi z'umujinya w'Imana." —Ibyahishuwe 15:1b-3 na 16:1

Mbona imyuka y'abaciwe ibihanga, babahÇra guhamya kwa Yesu n'ijambo ry'Imana, ni bo bat~ramije ya nyamaswa cyangwa igishushanyo cyayo, kandi batashyizweho ikimenyetso cyayo. Barazuka b§mana na Kristo imyaka igihumbi. —Ibyahishuwe 20:4b


 HARIMAGEDONI, INTAMBARA IRWANYA KRISTO IHAGARARA — 38

Abadayimoni Bateranyiriza Amahanga hamwe kugira ngo Arwane

Kuko ari yo myuka y'Abadayimoni, ikora ibitangaza, igasanga abami bo mu isi yose, ngo ibahururize kujya mu ntambara yo ku munsi ukomeye w'Imana Ishoborabyose. Ibateraniriza ahantu mu Ruheburayo hitwa Harimagedoni. —Ibyahishuwe 16:14 na 16

Kristo Abohoza Igihugu Cye n'Ubwoko Bwe Bwatoranijwe, Isirayeli

Dore nzahindura i Yerusalemu igikombe kidandabiranye...Uwo munsi i Yerusalemu nzahahindura ibuye riremerera amahanga yose; abazaryikorera bose bazakomereka cyane; kandi amahanga yose yo mu isi azateranira kuharwanya." Maze Uwiteka azahurura arwane n'ayo mahanga, nk'uko yajyaga arwana mu ntambara. Iki ni cyo cyago Uwiteka azateza amahanga yose yarwanije i Yerusalemu. Bazashira bahagaze, amaso yabo azashirira mu bihene, kandi indimi zabo zizaborera mu kanwa. —Zekariya 12:2a, 3; 14:3, 12

Ubwo Imana iri mu ruhande rwacu, umubisha wacu ni nde? —Abaroma 8:31b


KRISTO NI WE UZAHERUKA GUTEGEKA ISI 39

Umujinya w'Imana uhishurwa, uva mu ijuru, ubyukirijwe ubugome no gukiranirwa by'abantu byose. —Abaroma 1:18a

Mu kanwa ke havamo inkota ityaye, kugira ngo ayikubite amahanga: azayaragize inkoni y'icyuma. Yengesha ibirenge mu muvure w'inkazi y'umujinya w'Imana, Ishoborabyose, Kandi ku mwenda we no ku kibero cye afite izina ryanditsweho, ngo UMWAMI W'ABAMI, N'UMUTWARE UTWARA ABATWARE. —Ibyahishuwe 19:15, 16

"Kandi azahora ku ngoma iteka ryose." —Ibyahishuwe 11:15b

Antikristo Ategeka Imyaka Mikeya. Kristo Ategeka Imyaka 1.000 Hano, Nyuma Akima Iteka Ryose.

Ahubwo bazaba abatambyi b'Imana na Kristo, kandi baz§mana na yo iyo myaka igihumbi. —Ibyahishuwe 20:6b

Nuko ku ngoma z'abo bami, Imana yo mu ijuru izimika ubundi bwami, butazarimbuka iteka ryose. —Daniyeli 2:44a

Mwami, amahanga yose waremye azaza, Akwikubite imbere, akuramye: Kandi bazahimbaza izina ryawe. —Zaburi 86:9


SATANI ATSINDWA INTAMBARA ARWANA N'IMANA — 40

Mu ijuru habaho intambara. Mikayeli n'abamarayika be batabarira kurwanya cya kiyoka: ikiyoka kirwanana n'abamarayika bacyo. Ntibanesha, kandi mu ijuru ahabo ntihaba hakiboneka. Cya kiyoka kinini kiracibwa, ni cyo ya nzoka ya kera, yitwa Umwanzi na Satani, ni cyo kiyobya abari mu isi bose; nuko kijugunywa mu isi, abamarayika bacyo bajugunyanwa na cyo. Numva ijwi rirenga rivugira mu ijuru riti "Noneho agakiza karasohoye, gasohoranye n'ubushobozi n'ubwami bw'Imana yacu n'ubutware bwa Kristo wayo: kuko Umurezi wa bene Data ajugunywe hasi, wahoraga abarega ku manywa na nijoro imbere y'Imana yacu." —Ibyahishuwe 12:7-10

"Na bo bamuneshesheje amaraso y'Umwana w'Intama n'ijambo ryo guhamya kwabo, ntibakunda amagara yabo, ntibanga no gupfa." —Ibyahishuwe 12:11

Gucirwaho Iteka Ryose kwa Satani

Umuriro uzamanuka uva mu ijuru, ubatwike; kandi Satani wabayobyaga ajugunywe muri ya nyanja yaka umuriro n'amazuku, irimo ya nyamaswa na wa muhanuzi w'ibinyoma. Bazababazwa ku manywa na nijoro iteka ryose. —Ibyahishuwe 20:9b, 10


UBWAMI BUDASHIRA NI UBWANDE? 41

Umwami Kristo Ari ku Ngoma Iteka Ryose

Uwiteka, gukomera n'imbaraga n'icyubahiro no kunesha n'igitinyiro ni ibyawe; kuko ibiri mu ijuru n'ibiri mu isi ari ibyawe; ubwami ni ubwawe Uwiteka, ushyizwe hejuru, ngo ube usumba byose. —1 Ngoma 29:11

Nk'uko bose bokojwe gupfa na Adamu, ni ko bose bazahindurwa bazima na Kristo; ariko umuntu wese mu mwanya we, kuko Kristo ari we muganura, maze hanyuma aba Kristo bakazabona kuzuka ubwo azaza. Ni bwo imperuka izaherako isohore, ubwo azashyikiriza Imana ubwami, ni yo Data wa twese, amaze gukuraho ingoma zose n'ubutware bwose n'imbaraga zose: kuko akwiriye gutegeka, kugeza aho azashyirira abanzi be munsi y'ibirenge bye. Umwanzi uzaheruka gukurwaho ni urupfu. —1 Abakorinto 15:22-26

"Marayika wa karindwi avuza impanda. Mu ijuru havuga amajwi arenga, ngo "Ubwami bw'isi bubaye ubw'Umwami wacu n'ubwa Kristo we, kandi azahora ku ngoma iteka ryose." —Ibyahishuwe 11:15


SATANI N'ABADAYIMONI, NI ABANZI BAWE — 42

Satani Ahumanya Umubiri, Ubugingo akoresheje Abagabo bendana, Ubwicanyi bw'Impinja zikiri mu nda, no Guterwa n'Abadayimoni.

...Abagabo...bashyushywa no kurarikirana...bituma mu mibiri yabo bagarurirwa ingaruka mbi. —Abaroma 1:27

Hariho ibintu...Uwiteka yanga, ... Amaboko avusha amaraso y'utariho urubanza. —Imigani 6:16a, 17b

"Ni ko kugenda, akazana abandi badayimoni barindwi bamurusha kuba babi, bakinjira bakabamo. Ibyo hanyuma by'uwo muntu bikarusha ibya mbere kuba bibi." —Matayo 12:45a

Kandi ibyo si igitangaza, kuko na Satani ubwe yihindura nka malayika w'umucyo. —2 Abakorinto 11:14

Shaka gusa Imana Ihoraho. Ntukambaze "ikindi kigirwamana" kugira ngo ukunde umenye ibizakubaho, cyangwa se ngo usome ibiri mu ntekerezo z'abantu n'ubwo byaba ibyo gukiza umubiri, cyangwa se gushaka ubuyobozi.

Ntukishyire mu bugenzuzi bw'umwuka uwo ari wo wose utari Umwuka Wera w'Imana. Emera Bibliya yonyine n'Umwami Yesu Kristo.
(Reba Ibyahishuwe 19:13.)


BENSHI BAZAZA KANDI BAZASHUKA BENSHI 43

Inyigisho Yose Iyobya Umuntu Imukuye mu Nzira Ifunganye y'Imbabazi, Kwezwa, no Gucungurwa Kunyuze mu Maraso n'Ubumuntu bya Kristo, aba ari Ikinyoma kandi irimo Uburiganya.

Yesu arabasubiza ati "Mwirinde hatagira umuntu ubayobya, kuko benshi bazaza biyita izina ryanjye bati `Ni jye Kristo'; bazayobya benshi. N'abahanuzi benshi b'ibinyoma bazaduka bayobye benshi." —Matayo 24:4, 5, na 11

Hariho benshi bagenda ukundi, abo nababwiye kenshi, na none ndabababwira ndira, yuko ari abanzi b'umusaraba wa Kristo: amaherezo yabo ni ukurimbuka: imana yabo ni inda. —Abafilipi 3:18, 19a

Amaraso Ya Kristo y'Igiciro Aracungura

Kuko muzi yuko ibyo mwacungujwe ngo muve mu ngeso zanyu zitagira umumaro mwatojwe na ba sekuruza banyu atari ibyangirika nk'ifeza cyangwa izahabu, ahubwo mwacungujwe amaraso y'igiciro cyinshi, nk'ay'umwana w'intama utagira inenge cyangwa ibara, ni yo ya Kristo, abo yahaye kwizera Imana. —1 Petero 1:18, 19 na 21a


YEMWE, MBONYE ISHYANO! — 44

Ntwarwa N'Ihame ry'Icyaha

Kuko twese twahindutse abanduye, kandi n'ibyo twakiranutse byose bimeze nk'ubushwambagara bufite ibizinga; twese turaba nk'ikibabi, kandi gukiranirwa kwacu kudutwara nk'umuyaga. —Yesaya 64:5

Umujinya Ku Mwuka Wo Kutumvira

Ibyo mwagenderagamo kera, mukurikiza imigenzo y'iyi si, mugakurikiza umwami utegeka ikirere, ni we mwuka ukorera mu batumvira. Kandi natwe twese twahoze muri bo, dukurikiza ibyo kamere yacu yifuza, tugakora ibyo kamere n'imitima byacu byishakira, kandi ku bwa kavukire yacu twari abo kugirirwa umujinya, nk'abandi bose. —Abefeso 2:2, 3

Satani Ashyira mu Bub~ta Udakijijwe

Ariko niba ubutumwa bwiza twahawe butwikiriwe, butwikiririwe abarimbuka, ni bo batizera, abo imana y'iki gihe yahumiye imitima, kugira ngo umucyo w'ubutumwa bw'ubwiza bwa Kristo, ari we shusho y'Imana, utabatambikira. —2 Abakorinto 4:3, 4

Muri Kristo Hari Ukunesha

Nuko rero noneho abari muri Kristo Yesu nta teka bazacirwaho. —Abaroma 8:1


ABADAKIJIJWE BARI MU MABOKO YA SATANI 45

"Umurima ni isi; imbuto nziza ni zo bana b'ubwami, urukungu ni abana b'Umubi. —Matayo 13:38

Mukomoka kuri so, Satani; kandi ibyo so ararikira, ni byo namwe mushaka gukora. —Yohana 8:44a

Muri Adamu, Tugomera Imana

"Uwo tutabana ni umwanzi wanjye, kandi uwo tudateranyiriza hamwe arasandaza." —Matayo 12:30

Iyi Ni Yo Mpamvu Dukwiriye Kubyarwa n'Umwuka Wa Kristo Bundi Bushya

Umuntu wese iyo ari muri Kristo, aba ari icyaremwe gishya: ibya kera biba bishize, dore byose biba bihindutse bishya. —2 Abakorinto 5:17

Intama zanjye zumva ijwi ryanjye, nanjye, ndazizi, kandi zirankurikira. Nziha ubugingo buhoraho. —Yohana 10:27, 28a

W§he Umwami Yesu Nonaha

Dore none ni cyo gihe cyo kwemererwamo, dore none ni wo munsi wo gukirizwamo. —2 Abakorinto 6:2b

Ariko nitwatura ibyaha byacu, ni yo yo kwizerwa kandi ikiranukira kutubabarira ibyaha byacu, no kutwezaho gukiranirwa kose. —1 Yohana 1:9


KUNESHA KW'ITEKA MURI KRISTO — 46

Ni nde wadutandukanya n'urukundo rwa Kristo? Mbese ni amakuba, cyangwa ni ibyago, cyangwa ni ukurenganywa, cyangwa ni inzara, cyangwa ni ukwambara ubusa, cyangwa ni ukuba mu kaga, cyangwa ni inkota? Oya, ahubwo muri ibyo byose turushishwaho kunesha n'uwadukunze. —Abaroma 8:35 na 37

Kuko icyabyawe n'Imana cyose kinesha iby'isi: kandi uku ni ko kunesha kwanesheje iby'isi, ni ukwizera kwacu. —1 Yohana 5:4

Ingororano Zihabwa Abanesha

"Ufite ugutwi, niyumve ibyo Umwuka abwira amatorero. Unesha, nzamuha kuri manu yahishwe, muhe n'ibuye ryera, ryanditsweho izina rishya ritazwi n'umuntu wese, keretse urihabwa." —Ibyahishuwe 2:17

"Unesha, akitondera imirimo yanjye, akageza ku mperuka, nzamuha ubutware bwo gutwara amahanga yose." —Ibyahishuwe 2:26

Uri Uw'Igiciro Cyane ku Mana. I Gologota Harabihamya! Imana  
Ni iy'Igiciro Cyane Kuri Wowe!

Si uko twihagije ubwacu, ngo dutekereze ikintu cyose nk'aho ari twe cyaturutseho, ahubwo tubashishwa n'Imana. —2 Abakorinto 3:5


HITAMO UWO UZAKORERA ITEKA 47

Uzagaragarire Hamwe na Kristo Mu Bwiza

Nuko rero, niba mwarazuranywe na Kristo, mujye mushaka ibiri hejuru, aho Kristo ari, yicaye iburyo bw'Imana. Mujye muhoza umutima ku biri hejuru, atari ku biri mu si. Kandi ubwo Kristo, ari we bugingo bwacu, azerekanwa, namwe muzaherako mwerekananwe na we muri mu bwiza. Nuko noneho mwice ingeso zanyu z'iby'isi; gusambana, no gukora ibiteye isoni, no kurigira, no kurarikira, n'imyifurize yose, ni yo gusenga ibigirwamana: ibyo ni byo bizanira umujinya w'Imana abatumvira. —Abakolosayi 3:1, 2 na 4-6

Cyangwa se Uzavumwe Hamwe na Satani Iteka Ryose

"Maze azabwira n'abari ibumoso ati `Nimuve aho ndi, mwa bivume mwe, mujye mu muriro w'iteka watunganirijwe Umwanzi n'abamarayika be." —Matayo 25:41

Abanyabyaha bazasubizwa ikuzimu, Ni bo mahanga yose yibagirwa Imana. —Zaburi 9:18

Ukuboko kwawe nikugucumuza, uguce: ibyiza ni uko wakwinjira mu bugingo usigaranye ukuboko kumwe, biruta ko wajya muri Gehinomu y'umuriro utazima ufite amaboko yombi. —Mariko 9:43


UBWAMI BW'IJURU NI UBWAWE — 48

Icishe Bugufi

Ahamagara umwana muto, amuhagarika hagati yabo, arababwira ati "Ndababwira ukuri yuko nimudahinduka ngo mumere nk'abana bato, mutazinjira mu bwami bwo mu ijuru. Nuko uzicisha bugufi nk'uyu mwana muto, ni we mukuru mu bwami bwo mu ijuru." —Matayo 18:2-4

Ihane Icyaha

Ni ko Yohana yaje, abatiriza mu butayu, abwiriza abantu iby'umubatizo wo kwihana ngo bababarirwe ibyaha. Nuko bamaze kubohesha Yohana, Yesu ajya i Galilaya, avuga ubutumwa bwiza bw'Imana, ati "Igihe kirasohoye, ubwami bw'Imana buri hafi: nuko mwihane, mwemere ubutumwa bwiza." —Mariko 1:4 na 14, 15

"Ndababwira yuko atari ko biri, ahubwo namwe nimutihana, muzarimbuka mutyo mwese." —Luka 13:3

"Nuko mwihane muhindukire, ibyaha byanyu bihanagurwe, ngo iminsi yo guhemburwa ibone uko iza, ituruka ku Umwami Imana." —Ibyakozwe N'intumwa 3:19

(Bikomereje ku rupapuro rukurikiraho.)


AKIRA KRISTO NK'UMUKIZA WAWE UYO MUNSI

Iyegurire Yesu Kristo

Ikoreze Uwiteka urugendo rwawe rwose, Abe ari we wiringira, na we azabisohoza. —Zaburi 37:5

Kuko Imana yakunze abari mu isi cyane, byatumye itanga Umwana wayo w'ikinege, kugira ngo ãmwizera wese atarimbuka, ahubwo ahabwe ubugingo buhoraho. —Yohana 3:16

Baramusubiza bati "Izere Umwami Yesu, urakira ubwawe n'abo mu rugo rwawe." —Ibyakozwe N'intumwa 16:31

Imana Itanga Ubushobozi Bwo Kuba Abana Bayo

Icyakora abamwemeye bose, bakizera izina rye, yabahaye ubushobozi bwo kuba abana b'Imana. —Yohana 1:12

Atura Kristo mu Ruhame

Niwatuza akanwa kawe yuko Yesu ari Umwami, ukizera mu mutima wawe yuko Imana yamuzuye, uzakizwa; kuko umutima ari wo umuntu yizeza, akabarwaho gukiranuka; kandi akanwa akaba ariko yatuza, agakizwa: Kuko ibyanditswe bivuga biti "Umwizera wese ntazakorwa n'isoni." —Abaroma 10:9-11


If you are interested in receiving additional Scripture booklets, write to the publisher in English at the address below or order online:

World Missionary Press, Inc. 
P.O. Box 120 
New Paris, Indiana 46553-0120 U.S.A.


World Missionary Press Home Page | Go to the Top of This Page

Hit Counter